မန္တလေး မဟာမြတ်မုနိသမိုင်းကြောင်း

ဂေါတမဗုဒ္ဓ မြတ်စွာဘုရား သက်တော်ထင်ရှားရှိစဉ် စစ်မှန်သော ဗုဒ္ဓ၏ကိုယ်ပွားသာလျှင် ဖြစ်တန်ရာ၏ဟု ရခိုင်လူမျိုးများ အယုံအကြည်ရှိသော မဟာမုနိရုပ်ရှင်တော်မြတ်ကြီးသည် ရခိုင်လူမျိုးတို့ သမိုင်း မှတ်တမ်းအားလုံး၏ ကိုးကားချက်ဖြစ်သည်။ ထိုသမိုင်းမှတ်တမ်းများအရ ထေရ၀ါဒဗုဒ္ဓဘာသာရှိခဲ့ပြီးနောက် မျက်မှောက်ထုံးတမ်းစဉ်လာများကို ထည့်သွင်းထားရှိခဲ့သည်။ သီရိလင်္ကာ၏ ပါဠိစာပေမှ ကျယ်ကျယ်ပြန့်ပြန့် ဆင်းသက်ကြီးထွားလာမှုရှိပြီး ပုဂံ၏ လွှမ်းမိုးမှုအောက်မှာ ကိုးကွယ်မှု ဘာသာအယူဝါဒအဆင့်ဆင့်ထိ ကျယ်ပြန့်လာခဲ့ပါသည်။
စန္ဒသူရိယ ဘုရင်မင်းမြတ် ရခိုင်ပြည်ကို အုပ်ချုပ်ခဲ့စဉ်အချိန်အခါက ဗုဒ္ဓရုပ်ထုတော်ကို သွန်းလုပ်ခဲ့သည်ဟု ရိုးရာဓလေ့ ထုံးတမ်းစဉ်လာယုံကြည်မှု ထားရှိခဲ့သည်။ စန္ဒသူရိယဘုရင်မင်းမြတ် သည် ဗုဒ္ဓ၏ ဟောကြားပြသမှုတို့၏ သတင်းကို ကြားသိရပြီး ဗုဒ္ဓကိုရိုသေကိုးကွယ်ရန် ဆန္ဒပြင်းပြလာသည်ဟု အဆိုရှိလေသည်။ အိန္ဒိယနိုင်ငံ သာဝတ္ထိပြည်တွင် သီတင်းသုံးနေထိုင်တော်မူသော ဂေါတမမြတ်ဗုဒ္ဓသည် ထိုအကြောင်းအရာကို သိရှိလာသောကြောင့် မြတ်ဗုဒ္ဓက သူ၏တပည့်သာဝက တစ်ပါးဖြစ်သော အရှင်အာနန္ဒာအား ပြောပြလေသည်မှာ “ကြောက်မက်ဖွယ်ကောင်းသော ရေနဂါးများ အုပ်ချုပ်ထားသည့် ကြီးမားကျယ်ပြန့်သော မြစ်ပင်လယ်သမုဒ္ဒရာ "ကို ဖြတ်ကျော်လာရမည်ဖြစ်၍ ဤကဲ့သို့သော ခက်ခဲကြမ်းတမ်းသောခရီးသည် စန္ဒသူရိယဘုရင်မင်းမြတ်အတွက် အလွန်အန္တရာယ်ရှိလိမ့်မည်။ ထို့ကြောင့် တပည့်ရဟန္တာ (၅၀၀) နှင့်အတူ ဂေါတမမြတ်ဗုဒ္ဓသည် ကောင်းကင်ခရီးဖြင့် ကြွချီတော်မူလာပြီး ကျောက်တော်မြို့၏ တဖက်ကမ်းရှိ မောရပဗ္ဗတတောင်၌ ဆင်းသက်ရပ်နားတော်မူခဲ့လေသည်။ ဤတွင် မြတ်ဗုဒ္ဓ၏ ရှေးရှေးဘ၀ပေါင်းများစွာက ကျင်လည်တော်မူခဲ့သောနေရာတို့တွင် မြတ်ဗုဒ္ဓ၏ ဓါတ်တော်များကို ဌာပနာထည့်၍ ဘုရားပုထိုးများစွာတို့ကို တိုင်းပြည်အနှံ့ တည်ထားကိုးကွယ်လာကြလိမ့်မည်ဟု ကြိုတင်ဟောကိန်းထုတ် ဗျာဒိတ်တော်ပေးခဲ့လေသည်။ ဤကဲ့သို့ မြတ်ဗုဒ္ဓ၏ ဗျာဒိတ်ပေးချိန်တွင်" မဟာပထ၀ီမြေကြီးသည် တုန်လှုပ်လာပြီး ပင်လယ်သမုဒ္ဒရာရေတို့သည် ရေနွေးအိုးဆူသကဲ့သို့ ဆူပွက်လာခဲ့လေသည်။" စန္ဒသူရိယဘုရင်မင်းမြတ်သည် ဤနိမိတ်ဆောင်သော လက္ခဏာများ၏ ဆိုလိုရင်းကို သူ၏ဗေဒင်ဆရာ၊ ဟူးရားတတ်တို့အား မေးမြန်းစုံစမ်းလျှက် တုန်လှုပ်ထိတ်လန့်ရခြင်းဖြစ်လေသည်။ ဂေါတမမြတ်ဗုဒ္ဓ ရခိုင်ပြည်ကို ရောက်ရှိလာသည့်အကြောင်းအရင်းကို စန္ဒသူရိယဘုရင်မင်းမြတ် သိရှိတော်မူသောအခါ ရာပေါင်းများစွာသော အခြွေအရံတို့နှင့်အတူ သူ၏မိဖုရားခေါင်ကြီး စန္ဒရမာလာ၊ သူ၏မှုးမတ် တိုင်းသူပြည်သားတို့နှင့်အတူ ပဗ္ဗတတောင်ပေါ်သို့ သွားရောက်ကြလေသည်။ ဘုရင်မင်းမြတ်သည် ဂေါတမမြတ်ဗုဒ္ဓအား အရိုအသေပေးပြီးနောက် ဗုဒ္ဓက သူ့အား "ပဋိစ္စသမုပ္ပါဒ်စက်ဝိုင်းတရားတော်"ကို ဟောကြားသင်ပြခဲ့လေသည်။ ယင်းပြီးနောက် မြို့တော်တွင်(၇) ရက်ကြာ သီတင်းသုံးနေထိုင်တော်မူမည်ကို ဗုဒ္ဓကသဘောတူလက်ခံလေသည်။ မြို့တော်မှ မြတ်ဗုဒ္ဓမထွက်ခွာမှီ မြတ်ဗုဒ္ဓပရိနိဗ္ဗာန် ပြုတော်မူပြီးနောက် နှစ်ပေါင်း (၅၀၀၀)တိုင်တိုင် ကြည်ရိုလေးစားမှုခံရမည်ဖြစ်သော ဆံတော်ဓါတ်နှင့် မြတ်ဗုဒ္ဓ၏ရုပ်ထုကိုယ်ပွားတော်တစ်ဆူထားခဲ့မည်ဟု ဗုဒ္ဓသဘောတူလက်ခံလေသည်။
နန်းတော်ရာ၏ အရှေ့မြောက်ဘက် သီရိဂုတ္တတောင်ကုန်းပေါ်တွင် အလေးအမြတ်ထားရှိသော ဗုဒ္ဓရုပ်ထုတော်ကို ကောင်းကင်ဘုံ ဗိသုကာပညာရှင် နတ်များ၏ဘုရင် သိကြားမင်းနှင့်အတူ စန္ဒသူရိယဘုရင်မင်းမြတ်အပါအ၀င် တိုင်းသူပြည်သားတို့က တည်ထားကိုးကွယ်ကြလေသည်။ ရုပ်ထုတော်အတွင်းပိုင်းသို့ ဂေါတမမြတ်ဗုဒ္ဓ၏ ရင်ငွေ့တော်ဓါတ်ထည့်လိုက်သောအခါ ဂေါတမမြတ်ဗုဒ္ဓနှစ်ဆူရှိလာသကဲ့သို့ ဖြစ်ပေါ်လာလေသည်။ အံ့သြကြည်ညိုစရာကောင်းလှသော လက္ခဏာရပ်များ ပေါ်ထွက်လာလေသည်။ မဟာပထ၀ီမြေကြီး တုန်လှုပ်လာပြီး ရုပ်ထုတော်သည် တဖြည်းဖြည်း အသက်ရှိသကဲ့သို့ သူ၏ နောင်တော် ဂေါတမမြတ်ဗုဒ္ဓအား ကြိုဆိုသည့်အနေအထားနှင့် မတ်တပ်ထရပ်လေသည်။ ထို့နောက် ဂေါတမမြတ်ဗုဒ္ဓသည် သူ၏သာဝက တပည့်ရဟန်းတော်များနှင့်အတူ သံတွဲဘက်သို့ ကောင်းကင်ခရီးဖြင့် ကြွချီတော်မူလေသည်။ ယင်းအချိန်အတွင်း စန္ဒသူရိယဘုရင်မင်းမြတ်သည် သူ၏ မူးမတ်သေနာပတိတို့နှင့်အတူ အကြောင်းကိစ္စတို့ကို တိုင်ပင်ပြီးနောက် မြတ်ဗုဒ္ဓ၏စစ်မှန်သော ရုပ်ထုတော်အား ကိုးကွယ်ဆည်းကပ်ပြီး ပွဲလမ်းသဘင်များ ကျင်းပခဲ့လေသည်။" ရုပ်ထုတော်၏ ထူးခြားချက်များမှာ ရောင်ခြည်တော်ခြောက်သွယ် ထွက်ရှိလေသည်။ ရိုသေကိုင်းရှိုင်းသူများမှာ အနီးကပ်ဖူးမျှော်လာသောအခါ ရောင်ခြည်တော်များ ထွက်ရှိပြီး အယုံအကြည်မရှိသူများ ဖူးမျှော်သောအခါ ရောင်ခြည်တော်များ မှေးမှိန်သွားလေ့ရှိသည်"ဟု အဆိုရှိခဲ့လေသည်။ ရုပ်ထုတော်တည်ရှိသော နေရာ၏ပတ်ဝန်းကျင် အရပ်လေးမျက်နှာတို့တွင် အစောင့်အရှောက်အဖြစ် ကျောက်ရုပ်ထုများထားရှိပြီး မကောင်းသော အကြံအစည် ရည်ရွယ်ချက်တို့နှင့် ဗုဒ္ဓရုပ်ပွားတော်အနီးသို့ လာရောက်သူတို့အား အဝေးသို့ ရှောင်ရှားသွားစေသည်။
ဝေသာလီခေတ်မှ ပထမဘုရင်တိုင်အောင် ဗုဒ္ဓရုပ်ထုတော်အတွက် ကျောက်ပလ္လင်တစ်ခုတည်ဆောက်ပြီး သိမ်တော်ကို ပြန်လည်တည်ဆောက်သည်ဟု အဆိုမှတပါး အခြားမည်သည့်အကြောင်းအရာကိုမှ မှတ်တမ်းတင်ထားခြင်း မရှိခဲ့ပေ။ ဝေသာလီမှ ပထမဆုံးဘုရင်၏ အရိုက်အရာကို ဆက်ခံသူသည် မဟာမုနိသိမ်တော်အား ပြန်လည်မွမ်းမံပြင်ဆင်မှု ပြုလုပ်ခဲ့သည်။ သီရိလင်္ကာနှင့် ပုဂံမှ ဘုန်းတော်ကြီးများသည် ရုပ်ထုတော်အား ကိုးကွယ်ဆည်းကပ်ရန် ရောက်ရှိလာခဲ့ကြသည်။ ပျူ-ဗမာနှင့် မွန်ဘုရင်များက မဟာမုနိ သိမ်တော်ကြီးအတွင်း အလေးအမြတ်ထားသော ဗုဒ္ဓရုပ်ထုတော်အား ပိုင်ဆိုင်လိုသော ရည်ရွယ်ချက်များနှင့် ရခိုင်ပြည်ကိုကျူးကျော်ဝင်ရောက်လာခဲ့ကြသည်ဟု အဆိုရှိလေသည်။ သို့သော်လည်း မည်သည့်ဘုရင်တစ်ပါးမှ အောင်မြင်မှု မရှိခဲ့ပေ။ တချို့သည် သိမ်တော်ကြီးအား ပြန်လည်ပြုပြင် မွမ်းမံရန် ကတိက၀တ်ပြုခဲ့ကြသည်။ (၁၂) ရာစုအချိန်တွင် သိမ်တော်နှင့် ဗုဒ္ဓရုပ်ထုတော် ပျောက်ဆုံးခဲ့သည်။ သို့သော်လည်း လေးမြို့ခေတ်မှ ဘုရင်တပါး၏ အရိုက်အရာဆက်ခံသူများသည် ယုံကြည်မှုကို ဆက်လက်ထောက်ခံခြင်းဖြင့် ရုပ်ထုတော်နှင့် သိမ်တော်ကြီးတို့ကို ပြန်လည်ရှာဖွေတွေ့ရှိပြီး သိမ်တော်အား ပြန်လည်ဆောက်ခဲ့ကြလေသည်။
မြောက်ဦးမင်းဆက်ကို တည်ထောင်သူ ဘုရင်မင်းစောမွန်သည် သူ၏မြို့တော်မှ မဟာမုနိသို့ လမ်းတခုဖောက်လုပ်တည်ဆောက်ပြီး မင်းမျိုးမင်းနွယ်တို့၏ ရိုးရာထုံးတမ်းစဉ်လာ များအရ ဘုရားဖူးခရီးစဉ်တစ်ခုစတင်ခဲ့လေသည်။ (၁၆) ရာစုတွင် ဘုရင်းမင်းဗာသည် မြောက်ဦးမြို့မှ သျှစ်သောင်းဘုရားအပါအ၀င် တိုင်းပြည်အနှံ့တွင် တည်ရှိနေသော ဘုရားကျောင်းအဆောက်အဦး အများအပြားတို့အတွင်း မူရင်းနှင့် ဆင်တူဖြစ်သော မရေမတွက်နိုင်သည့် မဟာမုနိရုပ်ပွားတော်များကို ထုလုပ်ထားရှိရန် အမိန့်တော်ချမှတ်ခဲ့လေသည်။
၁၇၈၄-ခု တွင် မြန်မာဘုရင် ဘိုးတောင်ဘုရားသည် ရခိုင်ပြည်ကို သိမ်းပိုက်လေသည်။ ထို့နောက် မဟာမုနိရုပ်ရှင်တော်မြတ်အား မန္တလေးသို့ သယ်ယူသွားခဲ့သည်။ ထိုရုပ်ရှင်တော်မြတ်ကြီးအား မြန်မာပြည်တွင် ယနေ့ထိတိုင် အလေးမြတ်ဆုံးထားသော ရုပ်ထုတော်အဖြစ် ဆက်လက်မှတ်ယူထားကြဆဲဖြစ်သည်။ ဆုံးရှုံးသွားသော အမွေအနှစ်ကြောင့် ရခိုင်ပြည်သူတို့အား နက်နက်နဲနဲ စိတ်ထိခိုက်စေခဲ့သည်။ ဆက်လက်ပြီး မကြာမီ ဗြိတိသျှတို့၏ အုပ်ချုပ်မှုကို ရခိုင်ပြည်သူတို့ ဆက်လက်ခံရလေသည်။ (၁၈၆၇) ခုနှစ်တွင် မဟာမုနိသိမ်တော်ရာ အနီးပတ်ဝန်းကျင်မှ တွေ့ရှိသော ကျောက်ရုပ်ထုတော်တစ်ဆူအတွက် ဘုရားသိမ်တော်ကိုတည်ဆောက်ခဲ့ကြသည်။
လွန်ခဲ့သော နှစ်(၈၀)အတွင်းက နဂိုမူရင်းအတိုင်း သိမ်တော်ကြီးကို ပြန်လည်ပြင်ဆင်မွမ်းမံမှုတို့ကို လုပ်ဆောင်ခဲ့သည်။ ယင်းအချိန်တွင် အောက်ရင်ပြင်များကို ပြန်လည်ထိမ်းသိမ်းပေးပြီး မန္တလေး၌ရှိသော မူရင်းမဟာမုနိ ထိုင်တော်မူပုံစံ ကြေးရုပ်ထုတော်အသစ်တစ်ဆူကို သွန်းလုပ်ခဲ့ကြသည်။ ယနေ့အခါမှာ မဟာမုနိဘုရားသိမ်တော်နေရာသည် ပြည်တွင်း၊ ပြည်ပ ဘုရားဖူးတို့၏ အရေးကြီးသော ဗဟိုအချက်အချာ တစ်ခုအဖြစ် ပြန်လည်စည်ကားလာခဲ့သည်။
မဟာမုနိသိမ်တော်သည် နန်းတော်ရာကုန်း၏ အရှေ့မြောက်ထောင့်၌ရှိသော တောင်ပူစာတစ်ခုကို လွှမ်းခြုံပြုလုပ်ထားသော နေရာတစ်ခုဖြစ်သည်။ ရှေးနှစ်ပေါင်း ရာစုများစွာကပင် မဟာမုနိဘုရားသိမ်တော်တွင် ဘုရားဖူးခရီးသည်များ စည်ကားသိုက်မြိုက်နေသော ဗဟိုအချက်အချာလည်းဖြစ်ပြီး ကျူးကျော်ဝင်ရောက်သူများ လက်အောက် ရခိုင်ပြည် ကျရောက်ပြီး ရခိုင်ပြည်သူပြည်သားများ ဆင်းရဲဒုက္ခခံစားခဲ့ရလေသောအခါ ယာယီအားဖြင့် ဘုရားဖူးခရီးသည်များ နည်းပါးမှုရှိခဲ့လေသည်။ မူရင်းအဆောက်အဦး၏အကြွင်းအကျန် လုံးဝမရှိခဲ့သော်လည်း ယင်း၏ မူရင်းပုံစံတစ်ခုဖြစ်သည်ကို ကောင်းကင်ဓါတ်ပုံများတွင် တွေ့မြင်နိုင်သည်။ ဘုရားသိမ်တော်ကို ထောင့်မှန်စတုဂံနံရံနှစ်ဆင့် က ၀ိုင်းရံထားရှိပြီး သိမ်တော်၏အရှေ့ဘက် အနောက်ဘက်တောင်ဘက်နှင့် မြောက်ဘက်တို့တွင် ၀င်ပေါက်လေးပေါက် ဖောက်ထားပြီး အရှေ့ဘက်ဝင်ပေါက်ကိုအဓိက ၀င်ပေါက်အဖြစ် ထားရှိသည်။ ပထမဆုံး ရင်ပြင်၏ အရှေ့တောင်ထောင့်နှင့် အရှေ့မြောက်ထောင့်တို့တွင် ဗုဒရုပ်ထုတော်ကြီးအား ရိုးရာဓလေ့ထုံးတမ်းစဉ်လာများအရ ကိုယ်လက်သန့်စင်ရန်အတွက် အသုံးပြုရန် ရေကန်ကြီးနှစ်ခု ထားရှိပါသည်။ အိန္ဒိယအရှေ့မြောက်ပိုင်း "နာလန္ဒ" ၌ရှိသော ထင်ရှားကျော်ကြားသော ဗုဒ္ဓဘာသာဝင်ဘုန်းတော်ကြီးများ စုဝေးနေထိုင်သော နေရာတစ်ခုဖြစ်ပြီး ရှေး (၆) ရာစုမှပင် အဆင့်ဆင့်ပြောင်းလဲ တိုးတက်လာသော အဓိက ဂူဘုရားကျောင်းတော်တွင် ယခင်မူရင်းနည်းတူ အနီးစပ်ဆုံး ပုံစံဖြစ်သော ဘုရားကျောင်းဆောင်ကို တွေ့ရှိနိုင်လေသည်။
===============================
thesupernaturalmyanmar

ရွှေတိဂုံ စေတီတော်မြတ် သမိုင်းကြောင်း

ကမ္ဘာပေါ်ရှိ အမြင့်ဆုံး ဘုရားစေတီမှာ ၃၂၆-ပေ ရှိသော ရွှေတိဂုံ စေတီတော်ပင်ဖြစ်ပြီး ရန်ကုန်မြို့ရှိ သိင်္ဂုတ္တရ ကုန်းတော်ပေါ်တွင် တည်ရှိသည်။ လေးဆူဓာတ်ပုံ ရွှေတိဂုံ ဟုလည်း ခေါ်တွင်ခဲ့ကြသည်။ စေတီအစ ရွှေတိဂုံက ဟုလည်းခေါ်ဆိုခဲ့ကြသည်။

တည်နေရာ..... ရန်ကုန်မြို့သိင်္ဂုတ္တရ ကုန်းတော်။
ဉာဏ်တော်.......ဖိနပ်တော်မှ စိန်ဖူးတော်ထိ။
(၃၂၆) ပေ
ကျော်ကြားမှု.......အစောဆုံး စေတီတော်ကြီး။
(ကမ္ဘာ့အံ့ဘွယ်)

အမည်ခေါ်တွင်ပုံ

ရန်ကုန်တိုင်းကို မွန်လူမျိုးတို့သည် ဒဂုံတိုင်းဟု ခေါ်ဆိုသမုတ်ခဲ့ကြသည်။ ဒဂုံတိုင်းမှာ တည်ထားသော ဘုရားဖြစ်သည့် အတွက်ကြောင့် ဒဂုံတိုင်းကဘုရားဟု ခေါ်ဝေါ်ပြောဆိုခဲ့ကြသည်။ မွန်ဘာသာဖြင့် ကျာ်လဂုင် ဟုရေးသားပြီး ကျိုက်လဂုံ ဟုအသံထွက်ဆိုခဲ့ကြသည်။ တတိယမြန်မာနိုင်ငံကို တည်ထောင်ခဲ့သော အလောင်းမင်းတရားကြီးလက်ထက်တွင် မွန်တို့ကို တိုက်ခိုက်အောင်မြင်ပြီးနောက် ဒဂုံကို ရန်ကုန်ဟု အမည်နာမ ပြောင်းလည်ခေါ်ဆိုခဲ့ကြသည်။ ကျိုက်လဂုံကို ကျိုက်ဒဂုံ ဟု ခေါ်ဆိုကြသည်။ နောက်ပိုင်းတွင် ကျိုက်လဂုံ(သို့) ကျိုက်ဒဂုံသည် မြန်မာပြည်၏ မူပိုင်သင်္ကေတ အဖြစ်ကျော်ကြားလာခဲ့သည်။ မူပိုင်ကျိုက်ဆိုသော စကားလုံးနေရာတွင် ရွှေနိုင်ငံ(Golden land)ကို ကိုယ်စားပြုသော ရွှေ ဆိုသော စကားလုံးဖြင့် အစားထိုးခဲ့ကြသည်။ ထို့အတူ လဂုံ လိုလို ဒဂုံ လိုလို ဖြစ်နေသောစကားလုံးကိုလည်း တိဂုံ ဖြင့် အတည်ပြုပေးလိုက်ကြသည်။ ထိုအချိန်မှစ၍ ကျိုက်လဂုံကို မြန်မာပြည်တွင်းမှာ သာမက ကမ္ဘာ့  တ၀ှမ်းလုံးမှာ ရွှေတိဂုံ ဟူသော အမည်နာမဖြင့် ပြောင်းလဲခေါ်ဝေါ်ခဲ့ကြသည်။

သမိုင်းကြောင်း

သဗ္ဗညု မြတ်စွာဘုရားရှင်သည် ဗောဓိပင်ရင်း သတ်္တဌာန၌ (၇)ရက်စီ အလှည့်ကျစံတော်မူပြီး (၄၅)ရက် သီတင်းသုံး နေထိုင်တော်မူ ခဲ့သည်။ ဤသို့ နေထိုင်တော်မူ (၄)ရက်ပြည့်မြောက်ပြီး နောက် တစ်နေ့၌ ““ရာပဒတန်သတ်္တဟ”” ဖြစ်သည့် လင်းလွန်းပင်ရင်း၌ သီတင်းသုံး စံတော်မူစဉ်ကာလဖြစ်သည်။

ကုန်သည်ညီနောင်

ထိုစဉ်ကာလ၌ မွန်တို့ဌာနေ၊ ဥက္ကလာပမင်းကြီး၏ နိုင်ငံတော်တွင် ပါဝင်သော အသိဉ္စနမြို့၌ သုဝဏ္ဏအမည်ရှိသော သူဌေးကြီးတစ်ဦးရှိလေသည်။ ထိုသူဌေးကြီးတွင် တပုဿနှင့် ဘလ္လိက ဟူသော သားနှစ်ယောက်ရှိလေသည်။ ထိုညီနောင်တို့သည် ကုန်သည်များ ဖြစ်ကြသည်။ ၎င်းကုန်သည် ညီနောင်တို့သည် ကုန်များကို သင်္ဘောဖြင့် တင်ဆောင်ကာ မဇ္ဈိမဒေသသို့ ကုန်ရောင်းသွားကြသည်။ မဇ္ဈိမဒေသပင်လယ်ဆိပ်ကမ်းသို့ ရောက်သောအခါ သင်္ဘောကို ဆိုက်ကပ်ကျောက်ချ၍ ကုန်များကို လှည်းအစီးပေါင်း (၅၀၀)ပေါ်သို့ တင်ဆောင်ကာ မဇ္ဈိမဒေသ၌ လှည့်လည်ရောင်းချကြသည်။ တဖုဿ နှင့်ဘလ်္လိက ကုန်သည်ညီနောင်အဖွဲ့သည် ဗောဓိပင်အနီးသို့ ရောက်ရှိ လာခဲ့ကြ၏။ ကုန်သည်တို့ သည် မဟာဗောဓိပင် အနီးသို့ရောက်ပြီး တစ်နေ့ သို့မဟုတ် တစ်ည၌ ရုက္ခစိုးနတ်သည် ကုန်သည်ညီနောင်အား ကိုယ်ထင်ပြခဲ့၏။ ကုန်သည်ညီနောင်တို့သည် ရုက္ခစိုးနတ်အား မြင်လျှင် အံ့သြသွားကြ၏။ အသင်မည်သူနည်း ဟုလည်းမေး၏။

ရုက္ခစိုးနတ်က .`အမောင်တို့ နားထောင်လော့ ကျွန်ုပ်က တခြားမဟုတ်၊ ကျွန်ုပ်သည် ဟိုးဘ၀က အမောင်တို့နှင့် ဆွေမျိုးတော်စပ်ခဲ့သူများ ဖြစ်ပြီး၊ ကျွန်ုပ်သည် ဟိုးရှေးရှေးဘ၀က ကောင်းမှုကုသိုလ်များ ပြုခဲ့သူ ဖြစ်သဖြင့် ယခုဘ၀တွင် ရုက္ခစိုးနတ်ဖြစ်ခဲ့သည်။ အမောင်တို့ ယခု ကျွန်ုပ် သင်တို့ထံသို့ ရောက်ရှိခဲ့သည်မှာ သင်တို့နှင့်ကျွန်ုပ်သည် ယခင် ဘ၀ကဆွေမျိုးတော်စပ်ဖူးသူ ဖြစ်သဖြင့် သင်တို့အား အကျိုးပြုရန် ကျွန်ုပ် ကိုယ်ထင်ပြရခြင်းဖြစ်သည် အမောင်တို့´ဟုပြောသည်။ ကုန်သည်ညီနောင်က `အသင်က မည်သို့ အကျိုးပြုဖို့လာသနည်း´ဟု ရုက္ခစိုးနတ်ကို မေး၏။ ထိုအခါ ရုက္ခစိုးနတ်က`နားထောင်လော့ အမောင်တို့ ကျွန်ုပ်သင်တို့အား အကျိုးပြုသည်ဆိုသည်မှာ အခြားမဟုတ်ပါ။ ပြောရလျှင် အမောင်တို့ ယခု ရောက်ရှိနေသည့် မဇ္ဈိမဒေသတွင် သုံးလောကထွဋ်ထား ရှင်တော်မြတ်ဘုရား ပွင့်တော်မူပြီး လင်းလွန်းပင်ခြေရင်းတွင် သီတင်းသုံး စံတော်မူနေတာမို့ အမောင်တို့ သွားရောက် ပူဇော်လော့ အမောင်တို့'ဟု ရုက္ခစိုးနတ်မင်းက တိုက်တွန်းလမ်းညွှန် လိုက်တယ်။ထိုစကားကိုကြားလျှင်ဖြင့် တဖုဿနှင့် ဘလ်္လိက ကုန်သည်ညီနောင်တို့ သည် အလွန်တရာ ၀မ်းမြောက်ကြည်နူးသွားကြ၏။ ချက်ခြင်းပင် “ဒါဆိုလျှင် ကျွန်ုပ်တို့အား လမ်းညွှန်ပြသပေးပါ ရုက္ခစိုးနတ်မင်း” ဟုပြော၏။ “ကောင်းပြီ ၊ အမောင်တို့၊”ထို့နောက် ရုက္ခစိုးနတ်သည် တဖုဿနှင့် ဘလ်္လိက ကုန်သည်ညီနောင်တို့အား ဘုရားရှင် သီတင်း သုံးရာ လင်းလွန်းပင်အား လမ်းညွှန်ပြခဲ့၏။ ထိုအခါ ကုန်သည် ညီနောင်တို့သည် သဒ္ဒါပီတိအပြည့်အ၀နှင့် ဘုရားရှင် သီတင်းသုံးရာ လင်းလွန်းပင်ရင်းသို့ သွားကြ၏။ မြတ်စွာဘုရားရှင်အား မုန့်ကြွပ်ကြော်၊ ပျားမုန့်ထုပ် တို့နှင့် ဘုရားရှင်အား လှူဒါန်းပူဇော်ခြင်းပြုကြ၏။

ပထမဆုံး သရဏဂုံတည်သူ

ကုန်သည်ညီနောင်တို့သည် မြတ်စွာဘုရားရှင်အား မုန့်ကြွပ် ကြော်၊ ပျားမုန့်ထုပ်တို့နှင့် လှူဒါန်းပူဇော်ခဲ့ကြသည်။ ဘုရားရှင်မှ ဤသို့ လှူဒါန်းပူဇော်ခဲ့သည့်အတွက် ဗုဒ္ဓံသရဏံ ဂစ္ဆာမိ၊ ဓမ္မံသရဏ ဂစ္ဆာမိ ဟူသည့် “ဒွေးဝါဓိက” သရဏံဂုံ တည်ခဲ့ကုန်၏။ ထိုစဉ်က “ဘုရားရတနာ၊ တရားရတနာ” တည်းဟူသည့် “ရတနာနှစ်ပါး”သည်သာ ပေါ်ထွန်းခဲ့ပြီး၊ သံဃာရတနာသည် ပေါ်ပေါက်ခဲ့ခြင်းမရှိသေးပေ။ ထို့ကြောင့် လူသူအများသည် ရတနာနှစ်ပါးအားသာ ဆည်းကပ်ပူဇော်နေကြကုန်၏။ ဗုဒ္ဓ၀င်သမိုင်းကို ပြန်ကြည့်လျှင် ဂေါတမဘုရားရှင် လက်ထက်၌ တဖုဿနှင့် ဘလ်္လိက ကုန်သည်ညီနောင်တို့သည် ထူးခြားစွာ ဘုရားရှင်အား ပထမဦးဆုံး ဆွမ်းကပ်ပူဇော်ခွင့်ရသူနှင့် ပထမဦးဆုံး သရဏဂုံ တည်သူများ ဖြစ်ကြ၏။

ဆံတော်ရှစ်ဆူ
ဘုရားရှင်အား ပူဇော်ခွင့်၊ ဆွမ်းကပ်ခွင့်ရခဲ့သည့်အတွက် ကုန်သည်ညီနောင်တို့ ၀မ်းမြောက်ပီတိဖြစ်ခဲ့ရသည်။ တဖုဿနှင့် ဘလ်္လိက ကုန်သည်ညီနောင်တို့သည် ဆွမ်းကပ်လှူပူဇော်ပြီးလျှင် “အရှင်ဘုရား၊ တပည့်တော်တို့ အရှင်မြတ်ဘုရားအား ထာဝရကိုးကွယ်ဆည်းကပ်ပူဇော်နိုင်ရန် ဘုရားရှင်ကိုယ်စား ပူဇော်ရာ တစ်ခုခုအား ပေးသနားတော် မူပါဘုရား” ဟုလျှောက်ထား လေ၏။ “ကောင်းပြီးချစ်သားတို့” ဟု မိန့်တော်မူပြီး သကာလ ဦးခေါင်းတော်အား သုံးသပ်ပြီး ဆံတော်မြတ် (၈)ဆူအား ကုန်သည်ညီနောင်တို့ အား ပေးသနားတော်မူရာ တဖုဿနှင့် ဘလ်္လိက ကုန်သည် ညီနောင်တို့သည် ၀မ်းမြောက်ပီတိ အပြည့်နှင့် ဗုဒ္ဓဘုရားရှင်၏ ဆံတော်(၈)ဆူအား သင်္ဘောနှင့်ပင့်ဆောင်ကာ ဥက္ကလာပတိုင်းပြည် သို့ ပြန်ခဲ့ကြ၏။ တဖုဿနှင့် ဘလိ်္လက ကုန်သည်ညီနောင်တို့သည် ဘုရားရှင်၏ ဆံတော်(၈)ဆူအား ပင့်ဆောင်ကာ ဥက္ကလာပတိုင်းပြည်သို့ ပြန်လာလျှင် ဥက္ကလာပတိုင်း၏ ပြည့်ရှင်မင်းမြတ် ဥက္ကလာပမင်းကြီး နှင့်တကွ ပြည်သူအပေါင်းတို့က သောင်းသောင်းဖျဖျကြိုဆိုကာ ဆံတော်(၈)အား ဖူးမျှော် ကြည်ညိုကြ၏။

နောင်တော်ကြီးစေတီ
ထို့အတူ ဆံတော်(၈)ဆူအား စေတီတော်အဖြစ် တည်ထား ကိုးကွယ်ရန် ဆုံးဖြတ်ခဲ့ကြ၏။ စေတီတော်အား “သိင်္ဂုတ္တရကုန်းတော်” ၌ တည်ထားကိုးကွယ်ရန် မင်းနှင့်ပြည်သူတို့က ဆုံးဖြတ်ပြီး သိင်္ဂုတ္တရ ကုန်းတော်သို့ ပင့်ဆောင်ခဲ့ကြ၏။ သိဂုင်္တ္တရကုန်းတော် သို့ရောက်လျှင်ဗုဒ္ဓဘုရားရှင်၏ ဆံတော်(၈)ဆူအား ကြီးကျယ်ခန်းနားသည့် စံကျောင်း၊ မဏ္ဍာပ်ကြီး ဆောက်လုပ်၍ပူဇော်ခဲ့ကြသည်။ ယင်းစံကျောင်း မဏ္ဍာပ်နေရာ၌ အထိမ်းအမှတ်စေတီတစ်ဆူ တည်ထားကိုးကွယ်ခဲ့ကြ၏။ ထိုစေတီကို “နောင်တော်ကြီးစေတီ”ဟု အမည်ခေါ်ဆိုခဲ့ကြ၏။

ဌာပနာထားသော ဓာတ်တော်မြတ် ၄-ပါး
ဥက္ကလာပမင်းကြီးတည်ထားကိုးကွယ်တော်မူသော ရွှေတိဂုံ စေတီတော်ကြီး၌ ဘုရား ၄-ဆူ၏ ဓာတ်တော်မြတ်လေးဆူကို ဌာပနာထားသည်ဟု အဆိုမိန့်ရှိခဲ့သည်။ ဗုဒ္ဓမြတ်စွာတို့၏ ဆံတော်မြတ်၊ ဓာတ်တော်မြတ်တို့အား ရန်သူတို့ အလွယ်တကူ မဖျက်ဆီးနိုင်ရန်အတွက် နတ်တို့သည် ဌာပနာ တိုက်ထည့်သွင်းတည်ရန် ကြံရွယ်ပြီး သိဂုင်္တ္တရကုန်းတော် အလယ်တည့်တည့်၌ “ဇောက် ၄၀၄တောင်၊ အနံ ၄၄ တောင်ရှိသည့် ဥမင်လိုဏ်ခေါင်းတစ်ခုတူးခဲ့၏။ ထိုဥမင်လိုဏ်ခေါင်းအတွင်း၌

၁...ဆူးလေနက်ကြီးထံမှ ရရှိသော ကကုဿန်မြတ်စွာဘုရားရှင်၏ တောင်ဝှေးတော်
၂..ရောဟဏီမည်သော ဗိုလ်တထောင်နတ်ကြီးထံမှ ရရှိသည့် ကောဂမန မြတ်စွာဘုရားရှင်၏ ရေစစ်တော်
၃..ဒက္ခိဏ မည်သော သင်္ကန်းကျွန်း ကျိုက္ကဆံ နတ်ကြီးထံမှ ရရှိသည့် ကဿပမြတ်စွာဘုရားရှင်၏ ရေသနုပ်သင်္ကန်းတော်မြတ်
၎..တဖုဿနှင့် ဘလ္လိက ညီနောင်တို့ထံမှ ရရှိသော ဂေါတမမြတ်စွာဘုရားရှင်၏ ဆံတော်မြတ်(၈)ဆူအား မဟာသက္ကရာဇ် ၁၀၃-ခုနှစ်၊ တပေါင်း လပြည့်နေ့၌ ကျောက်ဖျာအခင်းအကာများ ပြုလုပ်၍ ဌာပနာတိုက် ထည့်သွင်းတော်မူခဲ့သည်။ ထိုဆံတော်ဓာတ်တို့ကို 'အမြိဿရ' မည်သော မှော်ဘီနတ်ကြီးက စောင့်ရသည်ဟု မော်ဓော ရာဇာဝင်သမိုင်းနှင့် ရွှေတိဂုံသမိုင်း၊ အခြား ပညာရှိတို့ကဆိုကြသည်။ ထို့နောက် ကျောက်ဖျာတိုက်၏ အထက် ၌ ကျောက်ဖျာတင်၍ ဌာပနာတိုက်အား ပိတ်ခဲ့၏။.........................
================
Toe Kyaw Kyar

အကြင်နာကို လက်ဆင့်ကမ်းပါ

ကျွန်တော်၊ ဇနီးနဲ့ နှစ်နှစ်သမီးလေးတို့ဟာ Oregon State မှာရှိတဲ့ Red River Valley တစ်နေရာမှာ ချောင်ပိတ်မိနေခဲ့တယ်။ လူသူအရောက်နည်းတဲ့
နှင်းတလင်းပြင်မှာ ကျွန်တော်တို့ကား ပျက်သွားလို့ဖြစ်တယ်။
နှစ်နှစ်ကြာလေ့ကျင့်ခဲ့ရတဲ့ ဆရာဝန်သင်တန်းပြီးတဲ့ အထိမ်းအမှတ်အနေနဲ့ ပျော်ပွဲကျင်းပဖို့ ကျွန်တော်တို့မိသားစု ခရီးထွက်ခဲ့ကြတယ်။ ဒါပေမယ့် သင်ခဲ့တဲ့ဆေးပညာနဲ့ ပျက်နေတဲ့ကားတစ်စီးကိုကောင်းအောင် ကျွန်တော်မလုပ်နိုင်ခဲ့ဘူး။
ဒီအဖြစ်က အနှစ်၂ဝရှိခဲ့ပြီဆိုပေမယ့် အခုချိန်ထိ ကျွန်တော့်မှတ်ဥာဏ်ထဲမှာ Oregon State က ကောင်းကင်ပြာလိုပဲ ကြည်လင်နေဆဲဖြစ်တယ်။ အဲဒီနေ့မနက်က အိပ်ရာနိုးတာနဲ့ မီးဖွင့်ဖို့ ကျွန်တော်ကြိုးစားခဲ့တယ်။ ဒါပေမယ့် အမှောင်ထဲမှာ ကျွန်တော်တို့ ပိတ်မိနေပြီ ဆိုတာကို ကျွန်တော်သတိထားလိုက်မိတယ်။ ကြိုးစားပြီး ကားစက်ကို ကျွန်တော်နိုးကြည့်ပေမယ့် အရာမရောက်ခဲ့ဘူး။ ကားထဲကနေ ကျွန်တော်ထွက်ပြီး စိတ်တိုတိုနဲ့ အော်ဟစ်ကျိန်ဆဲလိုက်မိတယ်။ ဒါပေမယ့် ကျွန်တော်ဆဲဆိုသံကို ပတ်ဝန်းကျင်အမှောင်ကဖုံးအုပ်ခဲ့တယ်။
ကားက ဘက်ထရီကုန်သွားလို့ဖြစ်မယ်လို့ ဇနီးနဲ့ကျွန်တော် တိုင်ပင်ဆွေးနွေးခဲ့ကြတယ်။ ကျွန်တော့်ခြေထောက်တွေက ကျွန်တော်ကားပြင်တဲ့အတတ်ထက် ပိုကောင်းတဲ့အတွက် ကားလမ်းမကြီးပေါ်အထိလမ်းလျှောက်ပြီး အကူအညီတောင်းဖို့ ကျွန်တော်ဆုံးဖြတ်တယ်။ ဇနီးနဲ့သမီးကိုတော့ ကားပေါ်မှာ စောင့်ခိုင်းစေခဲ့တယ်။
အချိန် ၂နာရီကြာပြီးနောက် အဆစ်လွဲသွားတဲ့ခြေထောက်တစ်ဖက်နဲ့ လမ်းမကြီးပေါ်ထော့နဲ့ထော့နဲ့ ကျွန်တော်ရောက်လာခဲ့တယ်။ သစ်တွေတင်ထားတဲ့ ကားတစ်စီးကိုတွေ့လို့ ကျွန်တော်လက်ပြ အကူအညီတောင်းလိုက်တယ်။ အဲဒီ သစ်တင်ကားက ကျွန်တော့်ကို ဓာတ်ဆီဆိုင်တစ်ဆိုင်အရောက်မှာ ဆင်းခိုင်းခဲ့ပါတယ်။
ဓာတ်ဆီဆိုင်ထဲ ကျွန်တော်လှမ်းဝင်လိုက်တယ်။ ရုတ်တရက် တနင်္ဂနွေနေ့ ဆိုင်ပိတ်တယ်ဆိုတဲ့အတွေးက ကျွန်တော့်စိတ်ကို တောင့်တင်းသွားစေခဲ့တယ်။ ဒါပေမယ့် အများသုံးဖုန်းနဲ့ စုတ်ပဲ့ဟောင်းမြေ့နေတဲ့ ဖုန်းစာအုပ်တစ်အုပ်က ကံကောင်းစွာနဲ့ အဲဒီနေရာမှာရှိနေခဲ့တယ်။ မိုင် ၂ဝကျော်လောက်ဝေးတဲ့
မြို့တစ်မြို့က တစ်ခုတည်းသော ကားဝပ်ရှော့ကုမ္ပဏီကို ကျွန်တော်ဖုန်းဆက်လိုက်တယ်။ ကားပြင်ဆရာပေါ့ပ်က ကျွန်တော်ရှင်းပြတဲ့ အခက်အခဲကို နားထောင်ပြီး "ကောင်းပြီ" လို့ အဖြေပေးတယ်။
နေရာအတည်တကျ သူ့ကို ကျွန်တော်ပြောပြလိုက်တယ်။
"တနင်္ဂနွေနေ့တိုင်း ကျွန်တော်နားတယ်။ ဒါပေမယ့် ကိစ္စမရှိဘူး.. နာရီဝက်အတွင်း အဲဒီနေရာကို ကျွန်တော်လာခဲ့မယ်"
ပေါ့ပ်အပြောကြောင့် ကျွန်တော်သက်ပြင်းချနိုင်ခဲ့တယ်။ ဒါပေမယ့် ကားပြင်စရိတ် သူပိုတောင်းမှာကို ကျွန်တော်စိုးရိမ်မိပြန်တယ်။
အနီရောင်လက်လက်ထနေတဲ့ ကရိန်းကားကို မောင်းပြီး
ပေါ့ပ်ရောက်လာခဲ့တယ်။ သူ့ကားနဲ့ ကားပျက်တဲ့နေရာဆီ ကျွန်တော်တို့ ရောက်လာခဲ့ကြတယ်။
နေရာအရောက် ကားပေါ်ကကျွန်တော်ခုန်ချပြီး ပေါ့ပ်ကိုလှည့်ကြည့်တဲ့အခိုက် ကျွန်တော် အံ့သြတုန်လှုပ်သွားခဲ့မိတယ်။ ချိုင်းထောက်နှစ်ဖက်ကိုအားပြုပြီး ပေါ့ပ် ကားပေါ်က ဆင်းလာတာကိုတွေ့လိုက်တယ်။ သူ့အောက်ပိုင်းတစ်ခုလုံးက ဗလာကြီးဖြစ်လို့.. ချိုင်းထောက်ကိုအားပြုပြီး ကားပြင်ဖို့ ပေါ့ပ်ပြင်ဆင်နေချိန် ကျွန်တော်ခေါင်းထဲ ကိန်းဂဏန်းတချို့ ပေါ်လာပြန်တယ်။ ကျွန်တော့်ကို ကားပြင်ခ သူဘယ်လောက်တောင် တောင်းလိုက်မလဲ...
"သြော်... ကားက ဘက်ထရီကုန်သွားတာ.. ဘက်ထရီအား ခဏသွင်းလိုက်တာနဲ့ ခင်ဗျားတို့ လွတ်လွတ်လပ်လပ် ခရီးဆက်နိုင်ပြီ"
ပေါ့ပ်က ဘက်ထရီကို အားသွင်းလိုက်တယ်။ ဘက်ထရီသွင်းနေတုန်း ကျွန်တော့်သမီးကို ပေါ့ပ်က အပျော်မျက်လှည့်ပြနေခဲ့တယ်။ ဓာတ်အားသွင်းပြီး ကြိုးတွေ ပေါ့ပ်သိမ်းဆည်းနေတဲ့အချိန် ကုန်ကျစရိတ်ကို ကျွန်တော်မေးလိုက်တယ်။
"ဟာ... မလိုပါဘူး.. ပေးစရာ မလိုပါဘူး" ပေါ့ပ်အဖြေက ကျွန်တော့်ကို တွေဝေသွားစေခဲ့တယ်။ ကျွန်တော် ထပ်မေးလိုက်ပြန်တယ်။
"မလိုပါဘူးဗျာ.. ကျွန်တော် ဗီယက်နမ်မှာတုန်းက ဒီထက်ဆိုးတဲ့ အခက်အခဲကိုတောင် လွတ်မြောက်လာနိုင်ခဲ့သေးတာပဲ။ အဲဒီတုန်းက ကျွန်တော်ခြေနှစ်ချောင်းလုံး ပြတ်သွားခဲ့တယ်။ ကျွန်တော့်ကို ကယ်ခဲ့တဲ့လူက ဒီအကြင်နာကို ထပ်လက်ဆင့်ကမ်းဖို့ မှာခဲ့တယ်။ ဒါကြောင့် ကျွန်တော့်ကို ခင်ဗျားတစ်ပြားမှ ပေးစရာမလိုဘူး။ ဒါပေမယ့် တစ်ခုတော့ မှတ်ထားပေးပါ။ အခွင့်အရေးရတာနဲ့ ဒီအကြင်နာကို တခြားလူဆီ လက်ဆင့်ပြန်ကမ်းပေးပါ"
အနှစ် ၂ဝတိုင်ခဲ့ပါပြီ... ဆေးကျောင်းနဲ့ဆေးဆောင် ခေါက်တုံ့ခေါက်ပြန် ကျွန်တော်အလုပ်များနေခဲ့တယ်။ ကျောင်းက ဆေးကျောင်းသားတွေကို ကျွန်တော် လေ့ကျင့်သင်ကြားပေးခဲ့ရတယ်။
တခြားနယ်ကလာတဲ့ ဒုတိယနှစ်ကျောင်းသူစင်ဒီတစ်ယောက် ကျွန်တော့်ဆီ စာလာသင်တာ ၁လရှိပါပြီ။ သူ့မိခင်လည်း သူနဲ့ ခဏလိုက်နေတဲ့အတွက်
ဆေးရုံအနီးအနားမှာပဲ သူတို့နေခဲ့ကြတယ်။ စစချင်းမှာ အရက်ကြောင့်၊ မူးယစ်ဆေးကြောင့်ရောက်လာတဲ့ လူနာတွေနဲ့ ကျွန်တော်တို့ စမ်းသပ်လေ့ကျင့်ခဲ့ကြတယ်။ အဲဒီလူနာကိုကုသဖို့ ကုသနည်းတွေ ကျွန်တော်တို့ ဆွေးနွေးကြတဲ့အချိန် စင်ဒီမျက်ရည်ဝဲနေတာကို ကျွန်တော်သတိထားခဲ့မိတယ်။
"ဒီကိစ္စကို မဆွေးနွေးချင်လို့လား စင်ဒီ"
"မဟုတ်ပါဘူး.. ဆရာ။ အဲဒီလူနာက ကျွန်မ အမေလည်းဖြစ်နိုင်လို့ပါ"
နေ့လယ်စာစားပြီးနောက် နှစ်ရှည်ကြာ အရက်ကျေးကျွန်ဖြစ်နေတဲ့ စင်ဒီ့မိခင်အကြောင်းကို အစည်းအဝေးခန်းထဲမှာ ကျွန်တော်တို့ဆွေးနွေးခဲ့ကြတယ်။ စင်ဒီက မျက်ရည်တစ်ဖက်၊ နှပ်တစ်ဖက်နဲ့ သူခံစားခဲ့ရတဲ့ အရှက်၊ ဒေါသ၊ အကဲ့ရဲ့တွေကို ပြောပြခဲ့တယ်။
စင်ဒီ့မျော်လင့်ချက်တွေ ပြည့်ဝအောင် သူ့မိခင်ကို ဆေးကုဖို့ ကျွန်တော်စကားစလိုက်တယ်။ ပြီးတော့ သူ့မိခင်အတွက် စိတ်နဲ့ဆိုင်တဲ့တွေ့ဆုံမေးမြန်းမှုတွေ ကျွန်တော်စီစဉ်ပေးလိုက်တယ်။ မိသားစု၊ ဆွေမျိုးတွေရဲ့အားပေးကူညီမှုအောက်မှာ အရက်ဖြတ်ကုသဖို့ စင်ဒီ့မိခင် သဘောတူလိုက်တယ်။ အရက်သေစာသောက်စားတဲ့ မိခင်ကြောင့် စင်ဒီတို့ရဲ့ မိသားစုဘဝ မသာမယာဖြစ်ခဲ့ရတယ်။ အခုတော့ သူတို့မိသားစုရဲ့ မျက်နှာပေါ်မှာ မျော်လင့်ချက်အလင်းတွေကို ကျွန်တော်ပထမဆုံးအကြိမ် တွေ့လိုက်ရပါတယ်။
"ဆရာ့ကို ဘယ်လိုကျေးဇူး ဆပ်ရမလဲ မသိဘူး" စင်ဒီအမေးကြောင့် နှင်းပြင်မှာ ပိတ်မိခဲ့တဲ့အဖြစ်နဲ့ အောက်ပိုင်းပြတ်နေတဲ့ကားပြင်ဆရာကို ကျွန်တော်ပြေးမြင်ယောင်လိုက်မိတယ်။ အဲဒီနောက် စင်ဒီကို ကျွန်တော်ပြန်ပြောလိုက်တယ်။
"ဒီအကြင်နာကို လက်ဆင့်ကမ်းပါ.. စင်ဒီ"
ဟုတ်ပါတယ်... ကျေးဇူးပြုပြီး အကြင်နာတွေကို လက်ဆင့်ကမ်းပါ။ ဒီလောကကြီး ပိုပျော်ရွှင်စရာ ကောင်းလာပါလိမ့်မယ်။
"ကျွန်တော်တို့က ပိုင်ဆိုင်ထားတဲ့ပစ္စည်းဥစ္စာ အနည်းအများ၊ ကားအကြီးအသေးတွေနဲ့ အောင်မြင်မှုကိုတိုင်းတာခဲ့ကြတယ်။ ဝန်ဆောင်မှု အရည်အချင်း၊ လူလူချင်း အပြန်အလှန် နွေးထွေးဆက်ဆံမှုတွေကမှ အောင်မြင်မှုရဲ့ တကယ့်စံထားဆိုတာကို ကျွန်တော်တို့ မသိခဲ့ကြဘူး"
 
------- Martin. Luther. King II
-----
မူရင်းရေးသားသူ... Dr. Kenneth G Davis
  နိုင်းနိုင်းစနေ ဘာသာပြန်

ကျွန်တော်နှင့်လမ်းဆိုတာ

ကျွန်တော် အင်ဂျင်နီယာ (စ) ဘ၀က ကျွန်တော့်ဆရာက ဦးစောစိန်ထွန်းအောင်ပေါ့။ သူက တိုင်း/ဆောက်(၂) ၊ မိတ္ထီလာမြို့ A.C.E။ နောက်တော့ C.E မန္တလေးနဲ့ အငြိမ်းစားယူရင်း သေဆုံးသွားရှာပါပြီ။ သူကကိုရာဇာရေ လမ်းဆိုတာ အနုပညာဆန်တယ်ကွ လို့ပြောတော့ ကျွန်တော်က ဆရာဘာပြောတာလဲမရှင်းဘူး ထပ်ပြီးအသေးစိတ်ရှင်းပြပါဦးဆိုတော့ - လမ်းဆိုတာ သိမ်မွေ့တယ် ၊ နူးညံ့တယ် ၊ ခက်ခဲတယ် ၊ ကျယ်ပြန့်တယ် ၊ နက်ရှိုင်းတယ် ၊ ခန့်ညားတယ်ပေါ့ကွာဟု ဖြေဆိုပါသည်။ ဆရာဦးစောစိန်ထွန်းအောင်ဆိုလိုချင်တာက လမ်းဆိုတဲ့ဘာသာရပ်ဟာ နက်နည်းတယ် ၊ လိုက်စားရန်ကျယ်ဝန်းတယ်ဆိုတာကို ပြောချင်တယ်လို့ ကျွန်တော်ထင်ပါတယ်ဗျာ။
ကျွန်တော် S.A.E ဘ၀ A.E ဘ၀များက ပြည်သူ့ဆောက်လုပ်ရေးလုပ်ငန်းရုံးချုပ် လမ်းဦးစီး/လမ်းစီမံတွင် E.E အမျိုးသမီးတစ်ဦးရှိခဲ့ဖူးပါသည်။ သူမ၏ အမည်မှာ ဒေါ်ထားထားညွှန့်ဖြစ်ပါသည်။ သူမ၏ အမျိုးသားမှာ လမ်း D.E ဦးငွေထွန်းဖြစ်ပါသည်။ ကျွန်တော်ရုံးကိစ္စများနှင့် အစ်မဒေါ်ထားထားညွှန့်နားသို့ရောက်စဉ်တွင် သူကပြောပါသည်။ ကိုရာဇာရေ ရှင့်ဆရာ D.E ကလေ လမ်းဆိုတာ . . . ဆိုပြီး စလိုက်လျှင် နှစ်ရက်လောက် ထမင်းမစားပဲသူပြောပြလိမ့်မည်။ ရေတော့ သောက်ပြီးပြောလိမ့်မည်ဟု ပြောကြားခဲ့ပါသည်။ ဆရာ D.E ဦးငွေထွန်းလေ့လာသိရှိသိခဲ့သမျှလေးတွေကို တပည့်တွေကိုပြောပြချင်စိတ်နဲ့ တက်ကြွမှုအကြောင်းပြောပြလိုခြင်းဖြစ်သည်ဟု ကျွန်တော်ထင်ပါတယ်ဗျာ။ ယခုတော့ ဆရာ D.E ဦးငွေထွန်းလည်း အငြိမ်းစားယူသွားပါပြီဗျာ။
ကျွန်တော်တို့ (18-8-2014) နေ့မှ (22-8-2014) အထိ E.E များ D.S.E များ C.E များသို့ အရည်အချင်းမြင့်သင်တန်း ပြုလုပ်ခဲ့ပါသည်။ ၀န်ထမ်းများအရည်အချင်းမြင့်တင်ရေး ၊ ဌာနကြီးတစ်ခုလုံး အရည်အချင်းမြင့်တင်ရေးအတွက် လူကြီးများက ရှုထောင့်မျိုးစုံမှ သင်ပြရှင်းလင်းညွှန်ကြားကြပါသည်။ ထိုအကြောင်းအရာများထဲမှတစ်ခုကို တင်ပြလိုပါသည်။
ဆရာ M.D U Kyaw Linn ၏ သင်ပြချက်များမှဖြစ်ပါသည်။ တပည့်တို့ တစ်နိုင်ငံလုံးမှာ Sub Base Course နဲ့ Base Course လမ်းလွှာတွေကို Macadam နည်းနဲ့ခင်း ၊ လမ်း Surfacing Course ကို Semi Grouting နည်းနဲ့ခင်း ၊ စသည်ဖြင့် လမ်းခင်းခဲ့တာနှစ်ပေါင်းများစွာကြာခဲ့ပြီ။ ဒို့ဌာနကြီးတိုးတက်ဖို့ ၊ ဒို့နိုင်ငံတော်ကြီးခေတ်မီဖို့ Mind-Set တွေ ပြောင်းရမည်။ အဲ့ဒါကတော့ လမ်းလွှာတွေ Base Course တွေကို Well Graded နည်းနဲ့ခင်းဖို့နဲ့ Surfacing Course တွေကို Asphalt Concrete နဲ့ ခင်းဖို့ ၊ ပြင်ဆင်ဖို့ကြိုးစားကြပါလို့ မှာကြားခြင်းပါပဲ။
ဒါကြောင့် ကျွန်တော်တို့တစ်တွေဟာ Well Graded နည်းတွေ လေ့လာဖို့ ၊ Asphalt Concrete နည်းတွေ လေ့လာဖို့ ၀ါယမစိုက်ကြိုးစားရမှာပေါ့ဗျာ။ တစ်နိုင်ငံလုံးမှာ အထူးစီမံကိန်းကြီးအဖွဲ့ (၁) ၊ ရန်ကုန်-မန္တလေးအမြန်လမ်းမကြီးထိန်းသိမ်းရေးအဖွဲ့ ၊ လမ်းအထူးအဖွဲ့ (၄) ၊ လမ်းအထူးအဖွဲ့ (၁၅) ၊ လမ်းအထူးအဖွဲ့ (၁၆) ၊ လေယာဉ်ကွင်းအထူးအဖွဲ့ (၂) စသောအဖွဲ့များသာ Asphalt Concrete ခင်းတတ်တာမဟုတ်ပဲ လမ်းအထူးအဖွဲ့အားလုံး ၊ ခရိုင်အဖွဲ့တွေအားလုံး ခင်းတတ်ဖို့ကြိုးစားရမှာမဟုတ်ပါလားဗျာ။ ဆရာ M.D U Kyaw Linn သင်ပြခဲ့တဲ့ Key Perfomance Indicator ထဲက 31/3/2014 မှာဆိုရင် မြန်မာနိုင်ငံမှာ ဆောက်လုပ်ရေးဝန်ကြီးဌာနပိုင်လမ်းများအနက် -
ကွန်ကရစ်လမ်း - ၅၈၀ မိုင် ၅ ဖာလုံ
ကတ္တရာလမ်း - ၁၂၆၉၂ မိုင် ၅.၅ ဖာလုံ
ကျောက်လမ်း - ၂၈၇၄ မိုင် ၀.၅ ဖာလုံ
အမာခံလမ်း - ၃၄၄၆ မိုင် ၆ ဖာလုံ
မြေလမ်း - ၄၈၉၂ မိုင် ၇.၅ ဖာလုံ
လားလမ်း - ၄၄၇ မိုင် ၆ ဖာလုံ
စုစုပေါင်း - ၂၄၉၃၄ မိုင် ၆.၅ ဖာလုံ ရှိကြောင်း သိရတယ်ဗျ။ အဲ့ဒီထဲက ကတ္တရာလမ်း ၁၂၆၉၂ မိုင် ၅.၅ ဖာလုံမှာ Asphalt Concrete လမ်းက တော်တော်လေးနည်းသေးတယ်ဗျ။ ဒါကြောင့် ဆရာ M.D U Kyaw Linn ပြောသလိုမျိုး Mind-Set တွေ ပြင်ပြီး နိုင်ငံတော်ခေတ်မှီဖို့ကြိုးစားရဦးမှာပါဗျာ။
ဒုတိယ၀န်ကြီး ဆရာဦးစိုးတင့်ကလည်း သင်ကြားသေးတယ်ဗျ။ မျက်မမြင်ပုဏ္ဏား (၆) ယောက်နှင့် ဆင်တစ်ကောင်ပုံပြင်ထဲကလို အစွယ်ကိုကိုင်မိတဲ့သူက ဆင်ဆိုတာ လှံနဲ့တူတယ်။ နားရွက်ကို ကိုင်မိတဲ့သူက ဆင်ဆိုတာ ယပ်တောင်နဲ့တူတယ်။ ကိုယ်ထည်ကြီးကိုင်မိတဲ့သူက ဆင်ဆိုတာနံရံနဲ့တူတယ် စသည်ဖြင့် မိမိတို့ရဲ့အမြင်လေးကို ကျဉ်းမြောင်းမနေစေပဲ ဆင်ကိုဆင်မှန်းသိဖို့ကြိုးစားကြပါလို့ သင်ကြားပါတယ်။ ဆရာ ဒု-၀န်ကြီး ဆိုလိုချင်တာက လမ်းပေါက်စလေး ၊ တံတားငယ်လေးများနဲ့ ကျေနပ်မနေ ၊ ပျော်မွေ့မနေပဲ တိုးတက်နေတဲ့ ခေတ်မီတဲ့နည်းစနစ်များကို အဆက်မပြတ် လေ့လာသင်ကြားသင့်တယ်ဆိုတာကို ပြောချင်တာလို့ ကျွန်တော်ထင်ပါတယ်။
ဒါကြောင့် မြန်မာနိုင်ငံမှာ တည်ဆောက်ခဲ့တဲ့ လမ်း/မိုင်တွေ တစ်နှစ်ထက်တစ်နှစ် တိုးတက်လာဖို့ ၊ တိုးတက်လာတဲ့လမ်းတွေဟာ စံချိန်/စံညွှန်း မီစေဖို့ ၊ နည်းပညာအသစ်တွေကို မျက်ခြည်မပြတ်ဖို့ကြိုးစားရင်း လူ့ဘောင်လောကကြီးတိုးတက်လာဖို့ လိုအပ်တယ်ဆိုတဲ့အကြောင်း Facebook Friend တွေကို မျှဝေချင်တာပါဗျာ။ ကျွန်တော်တို့ရဲ့ ဆရာကြီးတွေ ၊ ကွယ်လွန်တဲ့သူတွေလည်းကွယ်လွန်ကုန်ပြီ ၊ ပင်စင်ယူတဲ့သူတွေကလည်း ယူကုန်ပြီ ၊ အိုတဲ့သူတွေအိုကုန်ပြီဆိုတော့ ညီငယ်/ညီမငယ်များကလည်း လက်ဆင့်ကမ်းတာဝန်တွေကို ထမ်းဆောင်ကြရမှာ မဟုတ်ပါလားဗျာ။ ရောမမြို့ကြီးကို တစ်ရက်ထဲနဲ့ တည်ဆောက်ခဲ့တာမဟုတ်တာတော့သေချာတယ်။ ရောမမြို့ကြီးကို ဆက်လက်တည်ဆောက်ဖို့အတွက်နဲ့ ပြီးဆုံးဖို့အတွက်ကတော့ ညီငယ်/ညီမငယ်များက ဆက်လက်ပြီး ဆောင်ရွက်ကြရဦးမှာကတော့ သေချာပါတယ်ဗျာ။
ဒါကြောင့် ဆင်ကို ဆင်မှန်းသိတဲ့ ၊ လမ်းအကြောင်းကိုကြွယ်ဝစွာ/ပြည့်ဝစွာ သိရှိနိုင်တဲ့ ညီငယ်/ညီမငယ်များ ဖြစ်လာကြစေရန်ရည်ရွယ်ချက်ဖြင့် မျှဝေလိုက်ရပါတယ်ဗျာ။
Shwe Zin (28/8/2014)
Credit to > U Shwe Zin

ကျွန်တော်နှင့်လမ်းခင်းကျောက်များ

ကမ္ဘာပေါ်ရှိကျောက်များကို သုံးအုပ်စုခွဲခြား၍ရသည်ဟု သင်ကြားခဲ့ရဖူးပါသည်။ ၄င်းတို့မှာ မီးသင့်ကျောက် ၊ အနည်ကျကျောက် ၊ အသွင်ပြောင်းကျောက် တို့ဖြစ်ကြောင်း သိရှိရပါသည်။ မီးသင့်ကျောက်အုပ်စုဝင် နှမ်းဖက်ကျောက် ၊ လိပ်သဲကျောက်များမှာ အကောင်းဆုံးသော လမ်းခင်းကျောက်များဖြစ်ကြပါသည်။ မြန်မာနိုင်ငံရှိ ကျောက်ဆည်မြို့အနီး ဘဲလင်းကျောက်ထုတ်စခန်း ၊ သာစည်မြို့နယ် ဘုရားငါးဆူကျောက်ထုတ်စခန်း ၊ ပျဉ်းမနားမြို့နယ် ရေဆင်းကျောက်ထုတ်စခန်း ၊ မွန်ပြည်နယ် သိန်ဇရပ် ၊ မုပ္ပလင် ၊ ရင်းငြိမ် ၊ တောင်စွန်း စသည့်ကျောက်ထုတ်စခန်းများမှ လိပ်သဲကျောက်များထုတ်လုပ်ပါသည်။ တင်ပြပါကျောက်ကွင်းများမှ ကျောက်များသည် မြန်မာနိုင်ငံတွင်အကောင်းဆုံးကျောက်များဖြစ်သည်ဟု မှတ်သားဖူးပါသည်။
မန္တလေး-ပြင်ဦးလွင်လမ်းပေါ်ရှိ အုန်းကျော/ထုံးဖိုဟုခေါ်သောဒေသမှ ကျောက်များသည် ထုံးကျောက်အမျိုးအစားများဖြစ်ကြပါသည်။ ဘူမိဗေဒပညာရှင်တစ်ဦးဖြစ်သော ကိုစံတင်မှ ပြောပြဖူးသည်ကို မှတ်သားရဖူးပါသည်။ ကျောက်တောင်တစ်ခုမှ ရေစီးကြောင်းတွေဟာ ရေတိုက်စားပြီး လိမ္မော်ရောင်ကဲ့သို့ ( ထုံးကျောက်ရောင်ဟုလည်းခေါ်ဆိုကြပါသည် ) အရောင်စင်းကြီးများရှိနေလျှင် တင်ပြပါထုံးကျောက်နှင့် ရေတို့ ဓါတ်ပြုပြီး လိမ္မော်ရောင် ၊ သုံးဘီးကားရောင် ၊ ထုံးကျောက်ရောင်တို့ ဖြစ်ကြခြင်းဖြစ်ပါသည်။ ထိုတောင်များသည် ထုံးကျောက်တောင်များဖြစ်ကြပါသည်။ ထိုသို့သော ကျောက်တောင်မျိုးမှာ တကောင်း-ကသာ-ဗန်းမော်လမ်းပေါ်ရှိ ဥဒေါင်းတောင်နှင့် မျက်နှာချင်းဆိုင် နတ်မျက်နှာတောင် ၊ မိုင်းဆတ်-မိုင်းတုံလမ်းပေါ်ရှိ မိုင်းတုံမြို့အနီးမှ ကျောက်တောင်များ ၊ မော်လမြိုင် - ဘားအံလမ်းပေါ်ရှိ ဘုရင်ညီဂူရှိသော ကျောင်တောင် ၊ ပျဉ်းမနား-ပင်လောင်းလမ်းပေါ်ရှိ ဂျယ်တွင်းအရပ်၌ရှိသော ထုံးကျောက်တောင်များ စသည်တို့သည် ထုံးကျောက်တောင်များဖြစ်ကြပြီး ယင်းကျောက်တောင်များမှ လမ်းခင်းကျောက်များ ထုတ်ယူနိုင်ပါသည်။ သို့ပါ၍ အဆိုပါထုံးကျောက်တောင်တန်းကြီးများထဲမှ ကျောက်များကို လက်အားဖြင့်ဖြစ်စေ (သံတူရွင်း ၊ စို့များ ၊ တူများသုံး၍ ) ၊ ယမ်းဘီလူးများသုံး၍ဖြစ်စေ လမ်းခင်းကျောက်များထုတ်ယူနိုင်ပါသည်။
အနောက်ရိုးမတောင်တန်း ( ရခိုင်ရိုးမ ၊ ချင်းရိုးမနှင့် နာဂတောင်တန်း ) များသည် သက်နုကျောက်ပေါများပါသည်။ ပဲခူးရိုးမသည်လည်း သက်နုကျောက်များသာ ပေါများပါသည်။ ပုပ္ပါးတောင်အနီးတစ်ဝိုက်တွင်တော့ မီးသင့်ကျောက်အုပ်စုဝင် ကျောက်များရှိပါသည်။ အားလုံးတော့မဟုတ်ပါ ချော်ခဲများလည်းရှိပါသည်။
အရှေ့ရိုးမ ( ရှမ်းရိုးမ / ကယားတောင်တန်း / ကရင်တောင်တန်း/ မွန်တောင်တန်း ) များကတော့ သက်ရင့်အုပ်စု များပါသည်။ ရှမ်းရိုးမတိုင်းတွင်လည်း စံချိန်စံညွှန်းမှီသော လမ်းခင်းကျောက်များ မပေါများပါ။ #C.E U Hla Tun Oo နှင့် ရှမ်းပြည်နယ် (အရှေ့ပိုင်း) မက်မန်းမြို့သို့ခရီးထွက်စဉ်တွင် ကိုရာဇာရေ လျှိုတွေထဲကို Excavator နဲ့ တူးကြည့်ပါ။ လျှိုအတွင်းမှာ လမ်းခင်းကျောက်များရှိတတ်တယ်ဟု သင်ပြဖူးပါသည်။ သူ၏ အယူအဆအတိုင်း MTKT ( မိတ္ထီလာ-တောင်ကြီး-ကျိုင်းတုံ-တာချီလိတ်လမ်း) လမ်းပေါ်ရှိ လျှိုများတွင် ကျွန်တော်မှ A.E Ko Kaung Zan ကို ရှာဖွေခိုင်းရာတွင် ရှေးယခင်အကျဉ်းဦးစီးဌာနမှ ထုတ်ယူခဲ့သော ကျောက်ထုတ်အလုပ်စခန်းအဟောင်းများပင် ပြန်လည်တွေ့ရှိရပါသည်။ ကျောက်ကွင်းများလေလေ အလုပ်ပြီးလေလေပင်ဖြစ်ပါသည်။ ကျောက်ကွင်းနှင့် Work Site နီးလေလေ အလုပ်ပြီးလေလေပဲဖြစ်သည် မဟုတ်လားဗျာ။
ကိုရာဇာတို့ A.E ဘ၀က လမ်းအထူး (၁) ဖလမ်းမြို့၌ တာဝန်ကျစဉ်က မဏိပူရမြစ်အတွင်းရှိသော သောင်ခုံများမှ အုန်းသီးလုံးအရွယ်ထက်ကြီးသော ကျောက်များကို ထုခွဲကာ 2”-4” ကျောက် ၊ 1”-2” ကျောက်များအဖြစ်သုံးစွဲခဲ့ဖူးပါသည်။ တချို့ 2”-4” ကျောက်များကို ခွဲစက်အတွင်းထည့်ကာ 1 ½” – 2” ကျောက် ¾” ကျောက် 3/8” ကျောက်များအား ကတ္တရာ ခင်းရာတွင် အသုံးပြုဖူးပါသည်။ လမ်းခင်းကျောက်များအဖြစ်အသုံးပြုရာတွင်တော့ နှစ်ခြမ်းခြမ်းထားသော လုံးခြမ်းခွဲများ မသုံးသင့်ပါ။ ကျောက်တစ်ခုနှင့်တစ်ခု Inter Locking ဖြစ်စေရန် ချွန်ထက်သော မျက်နှာပြင်များများပါသော ကျောက်များသာသုံးသင့်ပါသည်။ ချင်းပြည်နယ် တောင်တန်းသာသနာပြုဆရာတော်ဘုရားကြီးသီတင်းသုံးရာ လုံပီးတောင်မှလည်း လမ်းခင်းကျောက်များထုတ်ယူဖူးပါသည်။ ထုံးကျောက်တောင်ဖြစ်ပါသည်။ ကျွန်တော်တို့ ခန္တီးခရိုင် ထမံသီ-လေရှီးလမ်းဖောက်လုပ်စဉ်မှာတော့ လမ်းရဲ့ဘယ်ဖက်မှာရှိတဲ့ နမ့်သလက်ချောင်းထဲကကျောက်တွေကိုထုခွဲပြီးခင်းခဲ့ရတာဗျ။ ကချင်ပြည်နယ်မှာလည်း ကျောက်ကောင်းရှားတယ်ဗျို့။ ကျွန်တော်တို့ကတော့ မြစ်ကြီးနား-ဆွမ်ပရာဘွမ်-ပူတာအိုလမ်း မိုင် ၁၁၀/၀ မှာရှိတဲ့ ဇနန်ရွာဟောင်းကကျောက်တွေကို လူနဲ့ မီးဖုတ်ပြီးထုခဲ့ရတာဗျ။
ယခုအချိန်ထိ တင်ပြခဲ့သောကျောက်များမှာ မြန်မာနိုင်ငံတွင် ကျွန်တော်ရောက်ရှိခဲ့သော နေရာများမှ ကျောက်များကိုဖော်ပြထားခြင်းသာဖြစ်ပါသည်။ ထိုကျောက်များကိုသာ အသုံးပြုရမည် အခြားကျောက်ကွင်းများမကောင်းပါဟု ဆိုလိုခြင်းမဟုတ်ပါ။ မိမိတို့လုပ်ငန်းတည်ရှိရာဒေသများတွင် ရနိုင်သောလမ်းခင်းကျောက်များကို အရည်အသွေးစစ်ဆေးကြည့်ရပါမည်။ ပြည်သူ့ဆောက်လုပ်ရေးလုပ်ငန်းရုံးချုပ်/လမ်းဦးစီး/လမ်းသုသေတနဓါတ်ခွဲခန်းသို့ပို့၍ စမ်းသပ်ရပါမည်။ ဓါတ်ခွဲခန်း Result များအရ Sub Grade တွင် သုံးသင့်သည် ၊ Sub-Base တွင်သုံးသင့်သည် ၊ Base Course တွင်သုံးသင့်သည် ၊ Wearing Surface Course တွင် သုံးသင့်သည် စသည်ဖြင့်ခွဲခြား၍ ဖော်ပြပေးလိမ့်မည်ဖြစ်သည်။
Facebook မှ ညီငယ်/ညီမငယ်များမှလည်း မှတ်သားထားပြီး ဘယ်ကျောက်ကွင်းက ကျောက်ကိုတော့ ဘယ်အလွှာမှာသုံးမယ် ၊ ဘယ်ကျောက်ကွင်းကတော့ ညံ့တယ် ၊ ကျောက်ကိုကြည့်ရင်ဖြင့် ဘယ်ကျောက်က အရောင်မလှဘူး ၊ ဘယ်ကျောက်က ရေစုတ်တယ် ( Absorption ) ၊ ဘယ်ကျောက်ကဖြင့်တော့ ကြွပ်ဆတ်တယ် ( Brittle ) ၊ ဘယ်ကျောက်က ဖိအားဒဏ်မခံနိုင်ဘူး ၊ ဘယ်ကျောက်က ပွတယ် ( Specific Gravity ညံ့တယ် ) ၊ ဘယ်ကျောက်က မျက်နှာပြင်လုံးတယ် (Interlocking မကောင်းဘူး) ၊ ဘယ်ကျောက်က ပွတ်စားမှုဒဏ်မခံဘူး (Abrasion) ၊ ဘယ်ကျောက်က အပြားအချပ်များတယ် (Flakiness Index) စသည်ဖြင့် ခွဲခြားတတ်အောင် အတွေ့အကြုံများမှ ပညာများယူတတ်ကြစေလိုသောစေတနာဖြင့်ရေးသားခြင်းဖြစ်ပါသည်။ မုဆိုးဆိုင်သင်ဆိုတဲ့ စကားလိုပေါ့ဗျာ။
ကျွန်တော်တို့ယခု 18-8-2014 ရက်နေ့မှ 22-8-2014 အတွင်း C.E များ ၊ D.S.E များ ၊ E.E. များ အရည်အချင်းမြှင့်တင်ရေးသင်တန်းတွင် လမ်းသုတေသနဓါတ်ခွဲခန်းမှ D.S.E ဒေါ်မြမြ၀င်းမှ သင်ကြားရာတွင် လမ်း Layer တိုင်းအတွက် C.B.R သတ်မှတ်ချက်များမတူပါ။ အပေါ်ဆုံးအလွှာမှာ CBR 100% ရရှိရန်လိုပြီး Base Course တွင် 80% ၊ Sub Base Course တွင် 40% စသည်ဖြင့် သတ်မှတ်ပါသည်။ Layer တိုင်း တသမတ်တည်းရှိရန်မလိုပါ။ ဘီးတစ်ခု၏ ၀န်ကို ခံစားရာတွင် အပေါ်ဆုံးအလွှာက Area နည်းပြီး အောက်အလွှာများက Area များပါသည်။ သို့ပါ၍ အပေါ်ဆုံးအလွှာက pressure များများခံရပြီး ၊ အောက်အလွှာများက pressure နည်းနည်းသာခံရပါသည်။ ထို့ကြောင့် အပေါ်ဆုံးအလွှာများမှ CBR များပြီး အောက်အလွှာများမှာ CBR နည်းရခြင်း ဖြစ်ပါသည်။ တင်ပြလိုသည်မှာ အပေါ်ဆုံးအလွှာမှာ ကျောက်များအရည်အသွေးကောင်းပြီး CBR များရပါမည်။ အောက်အလွှာမှာ ကျောက်များအရည်အသွေးကို လျှော့ချနိုင်ပြီး CBR နည်းနိုင်ပါသည်။ အပေါ်အလွှာအတွက်ကတော့ မဖြစ်မနေအကောင်းဆုံးကိုသုံးသင့်သည်ဟာ တင်ပြလိုခြင်းဖြစ်ပါသည်။
ကျွန်တောတို့ကံမပြည်လမ်းတွင် ဂုတ်ဂက်ကျောက်ကွင်းမှ ကျောက်များကို Base Course အတွက်သုံး၍ ပြည်-ပန်းတောင်း-တောင်ကုတ်လမ်း မိုင် ၂၄/၀ တွင် ရှိသော ညောင်ခြေထောက်ကျောက်ကွင်းက ပိုကောင်းတဲ့ကျောက်ကိုတော့ Surfacing Course အတွက် သုံးပါသည်။
လမ်းတစ်လမ်းကောင်းဖို့ဆိုတာကလည်း ကတ္တရာအချိုးအစားမှန်အောင်သုံးဖို့ ၊ တန်ပိုယာဉ်များမဖြတ်သန်းနိုင်အောင်ထိန်းသိမ်းဖို့ ၊ လမ်းလွှာ Design မှန်ကန်ဖို့ ၊ ခင်းတဲ့နည်းစနစ်တွေမှန်ကန်ဖို့နဲ့ လမ်းခင်းကျောက်များအရည်အသွေးကောင်းဖို့ဆိုတဲ့အချက်တွေက အဓိကပဲမဟုတ်ပါလားဗျာ။ ဒါကြောင့် မိမိတို့ Open Tender ပစ်မဲ့ကျောက်ကွင်းမှာရှိတဲ့ ကျောက်ရဲ့အရည်အေသွေးတွေကို ကြိုတင်ပြီး လမ်းသုတေသနဓါတ်ခွဲခန်းမှာ စစ်ဆေးဖို့ ၊ Tender အောင်မြင်ပြီးပေးသွင်းလာမဲ့ ကျောက်တွေကို အရည်အသွေးမှန်ကန်စွာရရှိစေဖို့ အရည်အတွက်ပြည့်ဝစွာရရှိစေဖို့ဆိုတာကလည်း ကျွန်တော်တို့တစ်တွေရဲ့ တာဝန်တွေဖြစ်ကြောင်းမျှဝေလိုက်ရပါတယ်ဗျာ။
Shwe Zin (26/8/2014)

Credit to > U Shwe Zin

မြန်မာလူမျိုး (ဦးကုလား မဟာရာဇ၀င်)

ဦးကုလား မဟာရာဇ၀င်တွင် မြန်မာလူမျိုး အသုံးအနှုန်းကို ဤသို့ တွေ့ရသည်။

ေေ ညောင်ရမ်းခေတ် (သို့) ဒုတိယအင်းဝခေတ် သာလွန်မင်းတရားကြီး(၁၆၂၉-၁၆၄၈)လက်ထက်တွင် စာပေကျမ်းဂန်တတ် ပညာရှိကြီးဖြစ်သည်။ ဦးကုလား၏ အဘသည် စဥ့်ကူးရွာသူဌေး ဒေဝသေဋ္ဌ၊ အမိ မဏိသြဃ ဖြစ်သည်။ ဦးကုလား၏ မွေးသက္ကရာဇ်ကို မသိရပါ။ စဥ့်ကူးရွာဇာတိ ဖြစ်သည်။

အဘသည်သူဌေးမျိုး၊ အမိသည် စော်ဘွား မြို့စားမျိုးဖြစ်၍ သူဌေးသား ဦးကုလားသည် မိမိစည်းစိမ်နှင့် အေးချမ်းသာယာစွာ နေနိုင်သော်လည်း နောင်လာနောက်သားတို့အတွက် အပတ်တကုတ် ကြိုးစားရှာဖွေ စုဆောင်း၍ ရာဇဝင်ကျမ်းကြီးများကို ပြုစုခဲ့သည်။

ပုဂံရာဇဝင်၊ တကောင်းရာဇဝင်၊ သရေခတ္တရာရာဇဝင်၊ အင်းဝရာဇဝင်၊ တောင်ငူရာဇဝင် စသည်ဖြင့် ရှေးဟောင်းရာဇဝင် ကျမ်းငယ်များကို စုပေါင်းညှိနှိုင်းပြီး မဟာရာဇဝင်ကြီး ကိုရေးသားခဲ့သည်။ ကျမ်းငယ်များအပြင် ကျောက်စာ ၊ ဧချင်း ၊ မော်ကွန်း များကိုလည်း အထောက်အထားပြု လေ့လာ၍ ရေးသားခဲ့၏။ ကွဲပြားနေသော ရှေးရာဇဝင်ကျမ်းငယ်များကို တကွဲတပြား တသီးတခြားဆီ မဖြစ်ရလေအောင် စုစည်း၍ စနစ်တကျ ပြုစုပြီး တစ်စောင်တည်း ပြုလုပ်ခဲ့သည်။ ဦးကုလား မဟာရာဇ၀င်ဟုလည်း ခေါ်၍ စံပြုလောက်သော ကျမ်းဖြစ်သည်။

ထို့ကြောင့် နောင် ရာဇဝင်ကျမ်းဆရာတို့သည် ဦးကုလား မဟာရာဇ၀င်ကို အမှီပြု၍ ရေးသားကြသည်။ ဦးကုလား မဟာရာဇ၀င်တွင် မှတ်တမ်းတင်လောက်သည့် အချက်မှာ ပြေပြစ်ကောင်းမွန်သော ဝါကျအသုံးအနှုန်း၊ စကားလုံး အထားအသိုများပင် ဖြစ်သည်။ စကားပြေရိုးရိုး ဖြစ်သည်။ ဘကြီးတော်(စစ်ကိုင်းမင်း)လက်ထက် ရေးသားသော မှန်နန်း ရာဇဝင်တော်ကြီး သည်လည်း ဦးကုလား မဟာရာဇ၀င်ကို အမှီပြုရသည်။ခေတ်ပြိုင် ဦးကုလားနှင့် တစ်ခေတ်တည်း ကျော်ကြားသူမှာ ၀န်ကြီးပဒေသရာဇာ ဖြစ်သည်။

ရေးသားခဲ့သော ကျမ်းများ

မဟာရာဇဝင်ကြီး
မဟာရာဇဝင်လတ်
မဟာရာဇဝင်ချုပ်

============

"မြန်မာနိုင်ငံ" ဟူသော အသုံးအနှုန်းလဲ တွေ့ရပြီး မည်သည်ကို ရည်ရွယ်ကြောင်း စဉ်းစားနိုင်ပါရန် အောက်ခြေတွင် ပူးတွဲ တင်ပြလိုက်ပါသည်။
===============================
“မြန်မာ” ဝေါဟာရ သမိုင်းကြောင်း
ရှေးရာဇဝင်သမိုင်း၊စာပေမှ မြန်မာလူမျိုး၊ မြန်မာပြည် အသုံးအနှုန်းများကို အကျယ်ဖတ်ရှုနိုင်ရန် ဤမှာ တတ်နိုင်သမျှ စုစည်းပေးထားပါသည်။
မြစေတီ ကျောက်စာ
လူမျိုးတစ်ရာ့တပါးစာရင်း
ဦးကုလား မဟာရာဇ၀င်
မက္ခရာမင်းသားကြီး၏ ပထမ အင်္ဂလိပ်-မြန်မာ အဘိဓာန်
ယောအတွင်းဝန် ဦးဖိုးလှိုင်၏ ရာဇဓမ္မသင်္ဂဟကျမ်း
ခေတ်မှီ မြန်မာရာဇ၀င်အကျဉ်း -အမျိုးသားပညာဝန် ဦးဖိုးကျား
ရခိုင်ရာဇဝင်သစ်ကျမ်း
လွတ်လပ်ရေး ကြေညာစာတမ်း
  မြန်မာ့စွယ်စုံကျမ်း
ေ  ဒေါက်တာနိုင်ပန်းလှ၏ ရာဇာဓိရာဇ် အရေးတော်ပုံကျမ်း
တွင်းသင်းမြန်မာရာဇဝင်သစ်

  ဒေါက်တာသန်းထွန်း-အမိန့်တော်ပြန်တမ်းများ၊ဒုတိယတွဲ
အလောင်းမင်းတရားကြီး၏ အမိန့်တော်များ - ဒေါက်တာသန်းထွန်းမြန်မာအစ (ဦးဖိုးလတ်)

သမိုင်းတကွေ့မှ သခင်ဗဟိန်း

မြန်မာ့လွတ်လပ်ရေးသမိုင်းတွင်ထင်ရှားခဲ့သော သခင်ဗဟိန်းကို ၁၉၁၇ ခုနှစ် ဇွန်လ ၂၇ ရက် ဗုဒ္ဓဟူးနေ့တွင် အင်းဝမြို့ ကိုင်းတန်းရပ်၌ အဖ ပွဲစားကြီး ဦးမှင်၊ အမိ ဒေါ်ဦးတို့မှ ဖွားမြင်ခဲ့သည်။ မွေးချင်း ၇ ယောက်အနက် နို့ညှာဖြစ်သည်။ အမည်ရင်းမှာ မောင်ဗဟိန်းဖြစ်သည်။ ညီ ငယ်မောင်သန်းနိုင်မှာ ဂျပန်ခေတ် မင်္ဂလာဒုံစစ်တက္ကသိုလ် ပထမပတ်ကျောင်းဆင်းဖြစ်၍ ဖက်ဆစ်တော်လှန်ရေးတွင် တိုင်း (၇) မှ ပါဝင်ခဲ့ သည်။

ငယ်စဉ်က အင်းဝမြို့ မူလတန်းကျောင်း၊ မန္တလေး အေဘီအမ် မိန်းကလေးကျောင်း၊ သကျသီဟဘုရားအနီး ဆရာငုံကျောင်းနှင့် မန္တလေးအမျိုးသားအထက်တန်းကျောင်းတို့တွင် ပညာသင်ကြားခဲ့သည်။ ၁၉၃၅ တွင် တက္ကသိုလ်ဝင်တန်းစာမေးပွဲကို မြန်မာစာ၊ အင်္ဂလိပ်စာ၊ ရာဇ ဝင် (သမိုင်း) ဘာသာ (၃) ခုစလုံးတွင် ဂုဏ်ထူးရခဲ့သည်။ ၁၉၃၅ - ၃၇ တွင် မန္တလေးဥပစာကောလိပ်၌ ပညာဆက်လက်သင်ယူသည်။ ၁၉ ၃၆ - ၃၇ အိုင်အေအထက်တန်းကို ပါဠိဂုဏ်ထူးဖြင့်အောင်ခဲ့သည်။ ထို့နောက် ရန်ကုန်တက္ကသိုလ်သို့ ပြောင်းရွှေ့ပညာသင်ခဲ့ပြီး ၁၉၃၈ - ၃၉ ဘီအေ အထက်တန်းတွင် ပညာသင်ကြားနေစဉ် ရေနံမြေသပိတ်ပေါ်ပေါက်လာရာ နိုင်ငံရေးလောကသို့ အချိန်ပြည့် ဝင်ရောက်ဆောင်ရွက် ခဲ့သည်။
အထက်တန်းကျောင်းသားဘဝကပင် မျိုးချစ်စိတ်ထက်သန်၍ ကျောင်းသားများသမဂ္ဂတွင် ပါဝင်ဆောင်ရွက်ခဲ့သည်။ မန္တလေးတွင် ပါတော်မူ နေ့အထိမ်းအမှတ် ဆီမီးဖယောင်းထွန်းညှိရန် စတင်လှုံ့ဆော်ခဲ့သည်။ ၁၉၃၅ - ၃၆ ခုနှစ် မန္တလေး ဥပစာကောလိပ်ကျောင်းသားသမဂ္ဂခေါင်း ဆောင်အဖြစ် ၁၉၃၆ ဖေဖေါ်ဝါရီ ၁၅ တွင် စတင်ဖြစ်ပွားခဲ့သော ဒုတိယကျောင်းသားသပိတ်တွင် ဦးဆောင်ပါဝင်ခဲ့သည်။ သပိတ်အတွင်း စစ်ကိုင်းအထက်တန်းကျောင်းသွား၍ ဦးဆောင်သပိတ်တားရာ ကျောင်းအုပ်ကြီး မစ္စတာဒေါင်းနှင့် တပည့်စကောက်အဖွဲ့ဝင် ကျောင်းသား များ ဝိုင်းရိုက်ရာ ဒဏ်ရာရရှိခဲ့သည်။

၁၉၃၇ ခုနှစ် မေလ ၉ ရက်နှင့် ၁၀ ရက်တွင် ဒုတိယအကြိမ် ဗမာနိုင်ငံလုံးဆိုင်ရာ ကျောင်းသားသမဂ္ဂ (ဗကသ) ညီလာခံကို မန္တလေးဗဟိုအမျိုးသားအထက်တန်းကျောင်း၌ကျင်းပရာ ကိုဗဟိန်းသည် ညီလာခံဧည့်ခံကြိုဆိုရေးဥက္ကအဖြစ် ဆောင်ရွက်ခဲ့သည်။ အဆိုပါညီလာခံသို့ အိန္ဒိယကွန်ဂရက်ပါတီခေါင်းဆောင် ဂျဝါဟာလာနေရူးနှင့် သမီးအင်ဒီရာတို့တက်ရောက်၍ သဘာပတိအဖြစ် ကိုအောင်ဆန်းက ဆောင်ရွက် ခဲ့သည်။

ယင်းညီလာခံတွင် ဧည့်ခံကြိုဆိုရေးဥက္ကဋ္ဌ ကိုဗဟိန်းက ...
“ကျောင်းသားများ၏ ဗမာနိုင်ငံလုံးဆိုင်ရာအစည်းအဝေးကြီးသို့ ကမ္ဘာကြီးတဝန်းလုံး၏ ချီးမွမ်းခံရသော နာမည်ကျော်ပုဂ္ဂိုလ်ကြီး ပန်ဒစ်ဂျဝါ ဟာနေရူး ကြွရောက်အားပေးချီးမြှင့်သည့်အတွက် အတိုင်းမသိကျေးဇူးတင်၍ ချီးမွမ်းထောပနာပြုကာ ဝမ်းမြောက်လှကြောင်း၊ ဤသို့ သိန်း သန်းကုဋေမျှသော ဆင်းရဲသားတို့၏ခေါင်းဆောင်ကြီးသည် ကျွန်ုပ်တို့၏ရဲဘော်များကြားမှ မားမားမတ်မတ်ရပ်၍ နည်းပေးလမ်းပြပြုလုပ်ခြင်း ဖြင့် ဗမာနိုင်ငံကြီးအတွက် ယခုကဲ့သို့သော ခေါင်းဆောင်ကြီးတဦးလိုနေကြောင်းသိရ၍ ဝမ်းနည်းမိကြောင်း။ ဤကဲ့သို့ ဂုဏ်ယူဖွယ်ကောင်း သော မျိုးချစ်စိတ်ရှိသည့် ခေါင်းဆောင်ကြီးပန်ဒစ်ကဲ့သို့သောပုဂ္ဂိုလ်ကြောင့် မြန်မာနိုင်ငံကျောင်းသားတို့မှာ မျိုးချစ်စိတ်တိုးတက်ရင့်သန်စေလိမ့်မည်ဟု ယုံကြည်ကြောင်း၊ ရဲဘော်များ ဤအကြိမ်သည် ဒုတိယအကြိမ်မြှောက် ကျောင်းသားရဲဘော်အချင်းချင်း တွေ့ဆုံစုဝေးဆွေးနွေး ခြင်းဖြစ်ကြောင်း” စသည်ဖြင့် ပြောကြားခဲ့သည်။ ထိုညီလာခံမှစ၍ ကျောင်းသားခေါင်းဆောင်ကိုဗဟိန်း၏ ခေါင်းဆောင်မှုစွမ်းရည်သည် ပိုမို ထင်ရှားလာခဲ့လေသည်။

ထို့နောက် ၁၉၃၇-၃၈ တွင် ကိုဗဟိန်းသည် ရန်ကုန်တက္ကသိုလ်ကျောင်းသားများသမဂ္ဂ (တကသ) နှင့် ဗမာနိုင်ငံနိုင်ငံလုံးဆိုင်ရာ ကျောင်းသား များသမဂ္ဂ (ဗကသ) ၏ အလုပ်အမှုဆောင်အဖွဲ့ဝင်ဖြစ်လာသည်။ ၁၉၃၇ - ၃၈ တွင် ဗကသမှ သုံးလတစ်ကြိမ်ထုတ်ဝေသည့် “မျိုးညွန့်” မဂ္ဂ ဇင်းအယ်ဒီတာအဖြစ် တာဝန်ယူခဲ့သည်။

ကိုဗဟိန်းသည် စာပေဝါသနာထုံ၍ ဂီတကိုမြတ်နိုးသည်။ ကာလပေါ် ဗမာ့ဂီတအခြေအနေကို စမ်းဝါးမိသူဖြစ်သည်။

ဆရာဒုဂုန်တာရာက သူ၏ “ရုပ်ပုံလွှာ” စာအုပ်တွင် “ကိုဗဟိန်း သို့မဟုတ် ကဗျာ” ခေါင်းစဉ်တပ်၍ “အကယ်၍ ကိုဗဟိန်းသည် နိုင်ငံရေး သမားမဖြစ်လျှင် ဧကန်စာရေးဆရာတစ်ယောက်ဖြစ်မည်ဟု ကျွန်တော်ထင်သည်။ သူသည် စာပေကိုလည်း အင်မတန်ဝါသနာပါသည်။ ကားလ်မတ်စ်၏ ကွန်မြူနစ်စာပေ ပရိယတ္တိကိုသာမဟုတ်၊ အနုစာပေစသည်ကိုလည်း ဖတ်သူဖြစ်သည်။ ရုရှားစာရေးဆရာကြီး ဂေါ်ကီကို သူအတော်ကြိုက်သည်။

တခါကသူသည် နွေရာသီကျောင်းပိတ်ရက်အတွင်း၌ တက္ကသိုလ်သမဂ္ဂတွင်ရှိစဉ်၊ ဂေါ်ကီ၏ဝတ္ထုတိုစ်ပုဒ်ကို ဗမာလိုဆီလျော်အောင် ဘာသာ ပြန်ဖူးသည်။ သူသည် ကျွန်တော့်ရှေ့တွင်ပင် ဝတ္ထုတိုကိုရေးလေသည်။

သူ၏ဝတ္ထုသည် ထိုအခါက နာမည်ထွက်စပြုလျက်ရှိသော လက်ရွေးစင်မဂ္ဂဇင်းတွင်ပါသည်။ (လက်ရွေးစင်မဂ္ဂဇင်းကို စတင်တည်ထောင်သူ အယ်ဒီတာမှာ ဂျာနယ်ကျော်တွင် မကြာခဏရေးလေ့ရှိသော ကွယ်လွန်သူ အဆန်းဆရာကြီးဖြစ်သည်။) ကိုဗဟိန်းရေးသာ ဝတ္ထုတို၏ အမည်မှာ “လေလွင့်သူ” ဖြစ်၍ ပစ္စည်းမဲ့အချင်းချင်း ဆင်းရဲသောဘဝအကွေ့၌ တွေ့ဆုံကာ ရင်းနှီးခင်မင်ပုံသဘာဝကို ပြထားသောငတ်မွတ် ခြင်း ဘွဲ့တစ်ပုဒ်ဖြစ်လေသည်။

ဒဂုန်မဂ္ဂဇင်းတွင်ပါဝင်သောသူ၏ “ဘဝခရီး” အမည်ရှိဝတ္ထုတိုကား ဝတ္ထုတိုဂုဏ်နှင့် ကြွယ်ဝပြည့်စုံလှသည်။ ကုလား-ဗမာ အဓိကရုဏ်းကို နောက်ကားခံကာ ဆင်းရဲမွဲတေသော ပန်းချီဆရာသူငယ်ချင်းနှစ်ယောက်၏ မေတ္တာနှင့် ငတ်မွတ်ခြင်းအကြောင်းကိုပေါင်းစပ်၍ ရေးသားထား သည်။ သည်အထဲတွင် အရင်းရှင်စနစ်၏စာရိတ္တကိုလည်း သိမ်မွေ့စွာထည့်သွင်းထားသေးသည်။

ထွန်းအေးစာအုပ်ဖြန့်ချိရေးဌာနမှထုတ်ဝေသော “ဓနရှင်သောက” ကား ထင်ရှားသည်။ ဓနရှင်သောကသည် ကွန်မြူနစ်ဝါဒကို မျိုးစေ့ချပေး သော သစ်စေ့ကောင်းတစေ့ဖြစ်သည်။ ရှင်းလင်းပြတ်သား၍လှသည်။ ဤစာအုပ်တွင် ကိုဗဟိန်းသည် အရေးအသား၌ နိုင်နင်းကျွမ်းကျင် ကြောင်း ဖေါ်ကြွားထားလေ၏။ သူသည် စာရေးကောင်းသူတစ်ယောက်ဖြစ်သည်။

အင်္ဂလိပ်ပြေးကာနီး သူထောင်မကျခင်က ချားလ်ဒစ်ကင်း၏နာမည်ကျော် “မျှော်တလင့်လင့်” ဝတ္ထုကြီးကို “လူ့အလို” အမည်ဖြင့် ရေးဖူး သည်။ သို့သော် တိုင်းပြည်ပျက်ခိုင်နှင့်ကြုံသဖြင့် စာမျက်နှာ (၆၀) ကျော်သာ ပုံနှိပ်ပြီးစီးရသေးသည်။ အကယ်၍ ဝတ္ထုအတွက်သာလျှင် မြန် မာစာပေလောကတွင် ကျော်စောထင်ရှားဦးမည့် ဝတ္ထုကောင်းတစ်ပုဒ်ဖြစ်လေသည်။ သူသည် နိုင်ငံရေးကိစ္စများဖြင့် အလုပ်ရှုပ်နေလေရာ တဖောင်ရိုက်နေစဉ် နောက်တစ်ဖောင်ဆက်စီနိုင်ရန် ပန်းဆိုးတန်းရှိ ထွန်းအေးစာအုပ်ဖြန့်ချိရေးဌာန အလုပ်ခန်းတွင်ထိုင်ကာ ရေးပေး သောဝတ္ထုဖြစ်သည်။ သူ့မှာ ဝတ္ထုရေးဆရာကြီးတစ်ယောက် ဖြစ်နိုင်သောလက္ခဏာတွေ အများကြီးရှိသည်။ သို့သော် မြန်မာပြည်ကို လွတ် လပ်ချင်သောစိတ်၊ ဆိုရှယ်လစ်နိုင်ငံတော် တည်ထောင်လိုသောစိတ်က ပြင်းထန်လွန်းလှသဖြင့်သာ ကျောင်းသားဘဝကတည်းကပင် ထောင်ကျဆင်းရဲအနစ်နာခံကာ နိုင်ငံရေးသမားဖြစ်လာရခြင်းဖြစ်ပေသည်။

“ဇမ္ဗူကျွန်းလုံး” သီချင်းကို ဂီတ၌အတန်ဝါရင့်သူများသာ ရပေသည်။ ကိုဗဟိန်းသည် ဇမ္ဗူကျွန်းလုံးသီချင်းခံကို အစအဆုံးပင်ဆိုနိုင်သည်မှာ အံ့သြဖွယ်ကောင်းလေသည်။ ဇမ္ဗူကျွန်းလုံးသည် ဂီတဝိသောဓနီကျမ်း၌ တစ်မျက်နှာကျော်ရှည်လျားသည်။

အေဝမ်းဓါတ်ပြားများလို သူသည်နှစ်သက်သည်။ ပြည်လှဖေဆိုသော နတ်ရှင်နောင်သီချင်းကို တူရိယာတီးမှုတ်သူတွေတိုင်း တီးခိုင်းလေ့ ရှိသည်။ နတ်ရှင်နောင်ထဲမှာ “ပေါ်နွေလလျှင်” ရတုကို မရတရဖြင့် ညည်းသည်။ ဒိုရာသန်းအေး “ဘိလပ်ပြန်သန်း”၏ “လှေကလေး”ကိုလည်း သူအတော်သဘောကျသည်။

တက္ကသိုလ်ရာဇဝင် ကထိကဦးဘညွန့်သီဆို ဓါတ်ပြားသွင်းသော “ဆုထူးရွယ်” သီချင်းကို သူသည်ဓါတ်ပြားမထွက်ခင်ကတည်းက ရနေ သည်။ ဦးဘညွန့်မှာ ကိုဗဟိန်းနှင့်ခရာ ဦးဘညွန့်တယောလေးနှင့် ဆိုလေ့ရှိသည်ကို နားဖြင့်မှတ်ကြားကာ ရနေဟန်တူလေသည်။ ကိုဗဟိန်း ကား အခြားနိုင်ငံရေးသမားများလို မဟုတ်။ နိုင်ငံရေးသမားများနှင့်သာမဟုတ်၊ အနုပညာသမားတွေနှင့်လည်း ခင်မင်ပေါင်းသင်းသူဖြစ် လေသည်။” ဟူ၍ ရေးသားထားလေသည်။ သခင်ဗဟိန်းသည် နိုင်ငံရေးစာပေသာမက အနုစာပေ (ရသစာပေ)၊ ဝတ္ထု၊ ဆောင်းပါးများကို ဒဂုံမဂ္ဂဇင်း၊ နဂါးနီဂျာနယ်နှင့် လက်ရွေးစင်မဂ္ဂဇင်းတို့တွင် ရေးသားခဲ့သည်။ အင်းစိန်တွင်း၌ အကျဉ်းကျခံရစဉ်အတွင်း “ဓနရှင်သောက” (၁၉၃၉) ကျောင်းသားအရေးတော်ပုံ (၁၉၃၉) ကမ္ဘာစစ်နှင့် ဗမာနောင်ရေး (၁၉၃၉) စာအုပ်များ ရေးသားခဲ့သည်။

ထို့နောက် ၁၉၃၈ - ၃၉ တွင် တကသ အထွေထွေအတွင်းရေးမှူးအဖြစ် ဆောင်ရွက်နေစဉ် တကသနှင့် ဗကသ နှစ်ဖွဲ့လုံး၏ဥက္ကဖြစ်သူ သခင်အောင်ဆန်း ကျောင်းသားဘဝမှ တို့ဗမာအစည်းအရုံးကို ဝင်ရောက်သွားရာ ဒုတိယဥက္ကဋ္ဌ ကိုလှရွှေ (ဆေးကျောင်းသား အာဏာရှင် ကိုလှရွှေ) ကိုယ်စား ဥက္ကဋ္ဌအဖြစ် တာဝန်ယူခဲ့သည်။

ထိုသို့တာဝန်ယူဆောင်ရွက်နေစဉ် ၁၉၃၈ နိုင်ဝင်ဘာလ ၃၀ ရက်တွင် ရေနံမြေလုပ်သားသပိတ်တပ်ကြီးသည် ရန်ကုန်မြို့သို့ချီတက်လာရာ မကွေးမြို့အရောက်တွင် အာဏာပိုင်များ၏ ဟန့်တားမှုကြောင့် ရေနံမြေအလုပ်သမားများ ဆက်လက်ချီတက်ရန် အခက်အခဲများကြုံတွေ့ နေရစဉ် တို့ဗမာအစည်းအရုံးဌာနချုပ်နှင့် ကျောင်းသားများသမဂ္ဂခေါင်းဆောင်များ အစီအစဉ်ဖြင့် ကျောင်းသားသမဂ္ဂဥက္ကဋ္ဌ ကိုဗဟိန်းနှင့် အထွေထွေအတွင်းရေးမှူး ကိုဗဆွေ (နောင်ဝန်ကြီးချုပ်) နှစ်ဦး မကွေးသို့သွားရောက်ခဲ့ကြသည်။ ၁၉၃၈ ဒီဇင်ဘာ ၁၂ တွင် မကွေးမြို့ မဲထီး ကျောင်းတိုက် သပိတ်မှောက်ရေနံမြေအလုပ်သမားများတရားပွဲကို သခင်စိုး၊ သခင်ထိန်ဝင်း၊ သခင်ဖေသန်းတို့နှင့်အတူ ကိုဗဟိန်းသည် တရားဟောခဲ့သည်။ တရားပွဲတွင် သမဂ္ဂဥက္ကဋ္ဌ ကိုဗဟိန်းက “မြင်းခွာတစ်ချက်ပေါက်လျှင် မီးဟုန်းဟုန်းထောက်ရမည်” ဟု ကြုံးဝါးခဲ့ရာ နိုင်ငံအနှံ့ပျံ့သွားလေသည်။

တရားပွဲအပြီးတွင် သခင်စိုး၊ သခင်ထိန်ဝင်း၊ ကိုဗဆွေ၊ သခင်ဖေသန်းတို့နှင့်အတူ သခင်ဗဟိန်းသည် ဖမ်းဆီးခံရပြီး မကွေးတရားရုံးက ထောင်ဒဏ် ၃ လချမှတ်၍ အင်းစိန်ထောင်သို့ ချက်ချင်းလွှဲပြောင်းခဲ့သည်။

ယင်းသို့ သမဂ္ဂဥက္ကဋ္ဌ ကိုဗဟိန်းနှင့် အတွင်းရေးမှူး ကိုဗဆွေတို့ကိုဖမ်းဆီးမှုကြောင့် ဒုတိယဥက္ကဋ္ဌ ကိုလှရွှေ (နောင်အာဏာရှင်လှရွှေ) နှင့် သမဂ္ဂခေါင်းဆောင်များ ဦးဆောင်မှုဖြင့် ၁၉၃၈ ကျောင်းသားသပိတ်ပေါ် ပေါက်လာသည်။ ၁၉၃၈ ဒီဇင်ဘာလ ၁၅ ရက်နေ့တွင် သမဂ္ဂဦး ဆောင်၍ ကျောင်းသားများပုဒ်မ ၁၄၄ ကိုဆန့်ကျင်ကာ ရန်ကုန်မြို့တွင်းလှည်လည်ဆန္ဒပြသည်။ ပြည်သူ့လွတ်လပ်မှုကို ချုပ်ချယ်သည့် တရားဥပဒေများ ပယ်ဖျက်ရေး၊ သမဂ္ဂဥက္ကဋ္ဌ ကိုဗဟိန်းနှင့် အတွင်းရေးမှူး ကိုဗဆွေတို့ကို အမြန်လွှတ်ပေးရေးတောင်းဆိုခဲ့ကြသည်။ တောင်းဆိုချက်များမရသဖြင့် ဒီဇင်ဘာလ ၂၀ တွင် ရန်ကုန်တက္ကသိုလ်အပါအဝင် ရန်ကုန်မြို့ရှိ ကျောင်းပေါင်းစုံ ကျောင်းသားထုက အ တွင်းဝန်များရုံး (နောင်ဝန်ကြီးများရုံး) ကိုဝိုင်း၍ သပိတ်တားဆန္ဒပြသည်။ မြင်းစီးပုလိပ်များ ကျောင်းသားကျောင်းသူများကို အကြမ်းဖက်ဖြိုခွင်း ၍ ရိုက်နှက်သဖြင့် ပုလိပ်များ၏ရိုက်နှက်ခံရသည့်ဒဏ်ရာကြောင့် ၁၉၃၈ ဒီဇင်ဘာလ ၂၂ တွင် မနက် ၁ နာရီ ၂၅ မိနစ်တွင် ဂျပ်ဆင်ကောလိပ် ကျောင်းသားကိုအောင်ကျော် ရန်ကုန်ဆေးရုံကြီးတွင် ကွယ်လွန်ခဲ့ရလေသည်။

ဒီဇင်ဘာ ၂၇ ရက်တွင် အရေးတော်ပုံအတွင်း အသက်ပေးခဲ့ရသည့် ကျောင်းသားသမဂ္ဂခေါင်းဆောင် ကိုအောင်ကျော်၏ ဈာပနအခမ်းအနား ကိုကျင်းပရာ အင်းစိန်ထောင်တွင်းမှ သမဂ္ဂဥက္ကဋ္ဌ ကိုဗဟိန်းက ကိုအောင်ကျော်အား ချီးကျူးဂုဏ်ပြုစာကို ရေးပို့ခဲ့သည်။

ထို့နောက် ကိုဗဟိန်းသည် အကျဉ်းထောင်မှလွတ်မြောက်ပြီးနောက် ဘီအေစာမေးပွဲမဖြေတော့ဘဲ နိုင်ငံရေးလောကသို့ အချိန်ပြည့်ဝင်ရောက် ဆောင်ရွက်သည်။ ၁၉၃၉ မတ်လတွင် ကိုဗဟိန်းသည် ဒဂုန်တရာနှင့်အတူ တရုတ်-မြန်မာနယ်စပ်သို့သွားခဲ့သည်။ လမ်းပန်းအခြေအ နေ ကောင်းပါက တရုတ်ပြည်ဘက်သို့ကူ၍ အမှတ် ၈ တပ်နီတော် (8th Route Red Army) ရှိသည့် အနောက်မြောက်ပြည်နယ်ကို သွားရောက် ရန်ဖြစ်သည်။ သို့သော် သူတို့နှစ်ဦးသည် ရှမ်းပြည်ပုဒ်မ ၁၀ ဖြင့် တားဆီးခံရ၍ နမ္မတူမြို့မှ ပြန်လှည့်လာရသည်။ ယင်းနောက် ၁၉၃၉ သြဂုတ် ၁၅ တွင် စမ်းချောင်းမြို့နယ် မြေနီကုန်း၊ မြေနုလမ်းအမှတ် (၁၄) ကိုဗဟိန်းနေထိုင်သည့်အိမ်တွင် သခင်အောင်ဆန်း၊ သခင်လှဖေ (နောက် ဗိုလ်လက်ျာ)၊ သခင်စိုး၊ ရဲဘော်နာ့တာနှင့်အတူ ကိုဗဟိန်းသည် မြေအောက် ကွန်မြူနစ်ပါတီ အမြုတေပါတီကို လျှို့ဝှက်ဖွဲ့စည်းခဲ့သည်။ စစ်ကိုင်းဟန်တင်၏ မြန်မာ့လွတ်လပ်ရေးသို့ စာအုပ် စာ ၃၂၀ ၌ မြေအောက်ကွန်မြူနစ်ပါတီကို ရန်ကုန်မြို့အရှေ့ပိုင်း ၄၉ လမ်း၊ အိမ်နံပါတ် ၁၈၈ ၌ ဗမာပြည်ကွန်မြူနစ်ပါတီကို ဖွဲ့စည်းသည်ဟူ၍ ဖေါ်ပြထားသည်။

၁၉၃၉ စက်တင်ဘာလ ၁ ရက်နေ့တွင် ဖွဲ့စည်းသောဗမာ့ထွက်ရပ်ဂိုဏ်းတွင် ကျောင်းသားခေါင်းဆောင်တစ်ဦးအဖြစ် ကိုဗဟိန်းသည် ပါဝင် ခဲ့သည်။ ၁၉၄၀ မှ ၁၉၄၁ အထိ မြန်မာ့အလင်းသတင်းစာတွင် ဘာသာပြန်အယ်ဒီတာအဖြစ်ဆောင်ရွက်၍ နိုင်ငံရေးအချိန်ပြည့်ဆောင်ရွက်ခဲ့သည်။

၁၉၄၀ ပြည့်နှစ်တွင် ဆရာအတတ်သင်ကျောင်းသူ မခင်ကြီးနှင့်လက်ထပ်ပြီး ဇနီးမောင်နှံနှစ်ဦးစလုံး တို့ဗမာအစည်းအရုံးဝင်ရောက်ခဲ့ရာ သခင်ဗဟိန်းအမည်တွင်ခဲ့သည်။ ၁၉၄၀ ပြည့်နှစ် မတ်လ ၁၂ ရက်နေ့တွင် အိန္ဒိယကွန်ဂရက်ပါတီဝင် ဖိတ်ကြားချက်အရ သခင်အောင်ဆန်း၊ သခင်သန်းထွန်း၊ သခင်တင်မောင် (ပန်းတနော်)၊ သခင်အုန်းမြင့် (တိုးတက်ရေး)၊ သခင်ခင်အောင်၊ သခင်အုန်းဖေ (ဝါးခယ်မ)၊ သခင်ဗသွင်၊ ဆင်ဂုပ္ပတား၊ ရန်ကုန်တက္ကသိုလ်မှ ကိုထွန်းရှိန်နှင့်အတူ သခင်ဗဟိန်းသည် အိန္ဒိယနိုင်ငံ ရမ်းဂါး (Ramgarh) ၌ကျင်းပသည့် အိန္ဒိယအမျိုးသား ကွန်ဂရက် နှစ်ပတ်လည်အစည်းအဝေးသို့ တက်ရောက်ခဲ့သည်။

သခင်ဗဟိန်းသည် ၁၉၄၀ ပြည့်နှစ် ဇူလိုင်တတိယပတ်တွင် တက္ကသိုလ်သမဂ္ဂ၌ တို့ဗမာအစည်းအရုံးနှင့် ကျောင်းသားသမဂ္ဂခေါင်းဆောင်များ ဗမာ့လွတ်လပ်ရေးအတွက် နိုင်ငံခြားအကူအညီရှာဖွေရေး လျှို့ဝှက်အစည်းအဝေးကို တက်ရောက်ခဲ့သည်။ အဆိုပါအစည်းအဝေး၌ နိုင်ငံ ခြား အကူ အညီရှာဖွေရန် သခင်အောင်ဆန်း နှင့် သခင်ကျော်စိန်တို့ကို ရွေးချယ်တာဝန်ပေးအပ်ခဲ့သည်။ နောက်ပိုင်းတွင် သခင်ကျော်စိန်အစား သခင်လှပြိုင် အားရွေးချယ်ခဲ့သည်။

၁၉၄၀ ပြည့်နှစ် ဒီဇင်ဘာလတွင် ရန်ကုန်တက္ကသိုလ်သမဂ္ဂ၌ကျင်းပသည့် ဗမာ့နိုင်ငံလုံးဆိုင်ရာ ကျောင်းသားများညီလာခံတွင် ရဲဘော်ဂို ရှယ်နှင့်အတူ “ဓနရှင်ခရီးစဉ်သဘောတရား” နှင့် “ဘောဂဗေဒအစွန်း ထွက်တန်ဖိုး” တို့ကို ဟောပြောပို့ချသည်။

၁၉၄၁ မတ် ၁၀ တွင် ပဲခူးမြို့၌ ကျင်းပသည့်ပဉ္စမအကြိမ်မြှောက် နိုင်ငံလုံးဆိုင်ရာ တို့ဗမာအစည်းအရုံး၏ ဒုတိယအကြိမ်အစည်းအဝေးတွင် ပြည်သူ့အရေးတော်ပုံပါတီကို ပြည်တွင်းအဖွဲ့နှင့် အဝေးရောက်အဖွဲ့ဟူ၍ နှစ်ပိုင်းခွဲပြီးဖွဲ့စည်းရာ ပြည်တွင်းအဖွဲ့ကို သခင်မြအားလည်း ကောင်း၊ အဝေးရောက်အဖွဲ့ကို သခင်အောင်ဆန်းအားလည်းကောင်း ခေါင်းဆောင်ရန်တာဝန်ပေးအပ်ခဲ့သည်။ ပြည်တွင်းအဖွဲ့သည် အမြင့် ဆုံးအာဏာပိုင်အဖွဲ့ဖြစ်၍ အဝေးရောက်အဖွဲ့သည် ပြည်တွင်းအဖွဲ့၏လက်အောက်ခံဖြစ်သည်။ ပြည်တွင်းအဖွဲ့၏ဌာနချုပ်တာဝန်ခံ အမှု ဆောင်များမှာ ...

- သခင်မြ (ဥက္ကဋ္ဌ)
- သခင်ချစ် (အတွင်းရေးမှူး)
- သခင်ဗဆွေ (စစ်ရေးဌာနနှင့် စည်းရုံးရေးဌာမှူး)
- ဦးကျော်ငြိမ်း (ထောက်လှမ်းရေးနှင့် နိုင်ငံခြားဆက်သွယ်ရေးမှူး)
- နဂါးနီဦးထွန်းရွှေ (စည်းရုံးရေးမှူး)
- သခင်ဗဟိန်း (ဝါဒဖြန့်ချိရေးမှူး)
- ကိုထွန်းအုံ(တက္ကသိုလ်သမဝါယမ) (ဘဏ္ဍာရေးမှူး) တို့ဖြစ်သည်။

သခင်ဗဟိန်းသည် ပြည်တွင်းအဖွဲ့၏ ဝါဒဖြန့်ချိရေးမှူးအနေဖြင့် “အရေးတော်ပုံ”၊ “ဗမာ့တော်လှန်မှု”၊ စီးပွားရေးစာစောင်များကို ကွန်မြူနစ်ပါ တီအမည်ဖြင့် လျှို့ဝှက်ဖြန့်ချိသည်။

၁၉၄၀ သြဂုတ် ၈ တွင် တရုတ်နိုင်ငံ အမွိုင်မြို့သို့ လျှို့ဝှက်သွားသော သခင်အောင်ဆန်းနှင့် သခင်လှမြိုင် (နောင်ဗိုလ်ရန်အောင်) တို့သည် အမွိုင်မှတဆင့် ဂျပန်နိုင်ငံကို တိုကျိုမြို့သို့ ၁၉၄၀ နိုင်ဝင်ဘာ ၁၂ တွင် ရောက်ရှိသွားခဲ့သည်။ ယင်းနောက် ၁၉၄၁ မတ် ၄ တွင် ဂျပန်နိုင်ငံမှ လျှို့ဝှက်ပြန်လည်ရောက်ရှိလာသော သခင်အောင်ဆန်းကို ရန်ကုန်မြို့ သင်္ကန်းကျွန်းမြို့နယ်ရှိ ခြံတစ်ခြံ၌ မြေအောက်တော်လှန်ရေးတာဝန်ခံများဖြစ် ကြသည့် သခင်မြ၊ သခင်ချစ်၊ သခင်ဗဆွေ၊ ဦးကျော်ငြိမ်း၊ သခင်ဗဟိန်းတို့နှင့် လျှို့ဝှက်တွေ့ဆုံဆွေးနွေးခဲ့ကြသည်။

ထို့နောက် သခင်ဗဟိန်းသည် သခင်မြ၏ဦးဆောင်မှုအောက်တွင် လျှို့ဝှက်တာဝန်ထမ်းဆောင်နေစဉ် ၁၉၄၁ အောက်တိုဘာလတွင် ဗြိတိ သျှအစိုးရ၏ ကာကွယ်ရေးပုဒ်မဖြင့် ဖမ်းဆီးခြင်းခံရသည်။ ၁၉၄၂ ဇန်နဝါရီလတွင် သခင်ဗဟိန်းအား မန္တလေးထောင်သို့ ပြောင်းရွှေ့ခံရ သည်။ ထိုစဉ်အတွင်း မန္တလေးသို့ ၁၉၄၂ ဧပြီလ တွင် တရုတ်ပြည် သမ္မတချန်ကေရှိတ်၏ အကြံပေးအရာရှိ ဂျင်နရယ်ပီအက်စ်ဝမ်းဆိုသူ ရောက်ရှိလာပြီး ဂျပန်ဆန့်ကျင်ရေးသခင်ခေါင်းဆောင်များဖြစ်ကြသည့် သခင်နု၊ သခင်စိုး၊ သခင်ကျော်စိန်၊ သခင်ဗဟိန်းတို့နှင့် ဆွေးနွေးပြီး အင်္ဂလိပ်အစိုးရ၏ခွင့်ပြုချက်ဖြင့် မန္တလေးထောင်မှ လွတ်မြောက်ခဲ့ကြသည်။ ယင်းနောက် မန္တလေးမှတ ဆင့် တရုတ်ပြည်သို့အသွား မေမြို့ (ပြင်ဦးလွင်) တောင်ခြေအရောက်တွင် လားရှိုးကို ဂျပန်တပ်များက သိမ်းပိုက် လိုက်ပြီးဟုသတင်းကြားရသဖြင့် နောက်ကြောင်းပြန်လှည့်၍ မန္တလေးထောင်သို့ ပြန်လည်ရောက်ရှိသွားခဲ့သည်။ ၁၉၄၂ မေလ ၁ ရက်နေ့တွင် မန္တလေးထောင်ကိုဖွင့်ပေးသဖြင့် သခင်ဗဟိန်းသည် သ ခင်နု၊ သခင်ကျော်စိန်၊ သခင်စိုးတို့နှင့်အတူ ပြန်လည်လွတ်မြောက်သွားခဲ့သည်။

လွတ်မြောက်သည်နှင့် သခင်ဗဟိန်းသည် ဇနီးမခင်ကြီး ခင်ကြီးနှင့် သူ့မိဘများရှိနေသည့်အင်းဝသို့ လိုက်သွားခဲ့သည်။ ၁၉၄၂ ဇွန်လဆန်းတွင် ဗိုလ်ချုပ်အောင်ဆန်း၊ ဗိုလ်လက်ျာ၊ သခင်သန်းထွန်းတို့ အမရပူရမြို့သို့ရောက်ရှိလာပြီး သခင်ဗဟိန်းနှင့်တွေ့ဆုံပြီး ဖက်ဆစ်ဂျပန် ဆန့်ကျင် ရေးအကြောင်း ဆွေးနွေးကြသည်။ သခင်ဗဟိန်းသည် အိန္ဒိယနိုင်ငံရှိ မဟာမိတ်တပ်များနှင့် အဆက်အသွယ်ယူသည့် သခင်စိုး၊ ကိုသိန်းဖေ၊ သခင်တင်ရွှေ (ကျောက်ဆည်) တို့နှင့် လျှို့ဝှက်တွေ့ဆုံခဲ့သည်။

ယင်းနောက် ၁၉၄၃ စက်တင်ဘာလတွင် အဓိပတိ ဒေါက်တာဘမော်က သခင်ဗဟိန်းကို အလုပ်သမားဝန်ကြီးဌာနအတွင်းဝန်အဖြစ် ခန့် အပ်လိုက်သည်။ တချိန်တည်းမှာပင် ချွေးတပ် (အလုပ်သမားတပ်) တွင် တာဝန်ခံခန့်လိုက်သည်။ သခင်ဗဟိန်းသည် သူ့ဆန္ဒကိုမမေးဘဲ ဤသို့ရာထူးခန့်ထားခြင်းကို မကျေနပ်သဖြင့် ရုံးမတက်ဘဲနေခဲ့သည်။ သူတို့လင်မယားသည် အလုပ်မရှိ၊ ဝင်ငွေမရှိဖြစ်နေသဖြင့် ကြားမှ မနေနိုင်ကြသည့် သခင်နုနှင့် သခင်သန်းထွန်းတို့က ဒေါက်တာဘမော်ကိုချဉ်းကပ်ပြီး အလုပ်တနေရာရအောင်ပြောပေးကြသည်။ ဤသို့ ဖြင့် သခင်ဘဟိန်းသည် နိုင်ငံခြားရေးဝန်ကြီး သခင်နု၏ရုံးတွင် ဒုတိယအတွင်းဝန်ရာထူးကို ရရှိခဲ့သည်။ နေစရာမရှိသဖြင့် သခင်နု၏ခြံ (ယခုဆီဒိုးနားဟိုတယ်) ဝင်းထဲတွင် တဲထိုးနေခဲ့ရသည်။

၁၉၄၄ မေလတွင် သခင်ဗဟိန်းသည် ဇနီးသည် ဖခင်ကြီးတို့ကိုပါခေါ်ပြီး သခင်နုကိုပင်မတိုင်ပင်ဘဲ သခင်စိုးပုန်းအောင်းနေသည့် ကွမ်းခြံ ကုန်းသို့ တိတ်တဆိတ် မြေလျှိုးသွားခဲ့သည်။ ကွမ်းခြံကုန်း အင်းဂလုံးရွာ ဆန်စက်ပိုင်ရှင် ဦးဖိုးထွန်းအိမ်တွင် သခင်စိုးနှင့် ဆွေးနွေးခဲ့သည်။ သခင်ဗဟိန်းတို့ ဇနီးမောင်နှံ ယခုကဲ့သို့ မြေလျှိုးသွားသည့်အတွက် သခင်နုမကျေမနပ်ဖြစ်နေကြောင်း သိရသဖြင့် သခင်ဗဟိန်းတို့သည် သခင်နုခြံထဲသို့ပြန်လာ၍ ကျန်းမာရေးအကြောင်းပြကာ ရာထူးမှနုတ်ထွက်၍ ဖြူးနယ်ဘက်သို့ မြေလျှိုးခဲ့ပြန်သည်။ ဖြူးနယ်တွင် သခင် သန်းဖေ၊ သခင်သိန်းမောင် (နောင်ရဲဘော်မြ)၊ ကိုမောင်မောင် (နောင်ဦးမြင့်ဆွေ)၊ မောင်မောင်စိန် စသည့် ဖက်ဆစ်ဆန့်ကျင်ရေးရဲဘော် များကို နိုင်ငံရေးသင်တန်းပေးပြီး နယ်လူထုကို ဂျပန်တော်လှန်ရေးအတွက် သခင်ဗဟိန်းသည် လှုံ့ဆော်စည်းရုံးခဲ့သည်။

၁၉၄၄ သြဂုတ် ၄ မှ ၇ အထိ ပဲခူးမြို့ ဘီဒီအေ ခံပြတပ်ရင်းရှိ ဗိုလ်ကျော်ဇောနေအိမ်တွင် ဗိုလ်ချုပ် အောင်ဆန်း၊ သခင်စိုး၊ သခင်သန်းထွန်းတို့နှင့် တွေ့ဆုံဆွေးနွေး၍ ဖက်ဆစ်တိုက်ဖျက်ရေးအဖွဲ့ချုပ် ဖွဲ့စည်းရေးသဘောတူ၍ သြဂုတ် ၂၃ ရန်ကုန်မြို့ ကန်တော်ကြီးပတ်လမ်း (ယခုနတ် မောက်လမ်း) နှင့် ဗိုလ်မြတ်ထွန်းလမ်းထောင့်ရှိ ဗိုလ်ချုပ်နေအိပ်၌ ဗမာ့တပ်မတော် ကွန်မြူနစ်ပါတီ၊ ပြည်သူ့အရေးတော်ပုံပါတီ ခေါင်းဆောင် များတွေ့ဆုံရန် ဖက်ဆစ်တိုက်ဖျက်ရေး ပြည်သူ့အဖွဲ့ချုပ် (ဖတပ) Anti-Fascist Organization (AFO) ဖွဲ့စည်း၍ ဖတပ ဗဟိုဦးစီးအဖွဲ့ဝင်အ ဖြစ် တာဝန်ယူခဲ့သည်။

ဖက်ဆစ်တော်လှန်ရေးတွင် သခင်ဗဟိန်းတို့ဇနီးမောင်နှံသည် ကိုထွန်းလှိုင်၊ မသန်းမြင့်အမည်ဖြင့် တောင်ငူပြောက်ကျားစစ်တာဝန်ခံအဖြစ် ဖက်ဆစ်တို့ကို ရွပ်ရွပ်ချွံချွံတိုက်ခဲ့ရာ သခင်ဗဟိန်းခေါင်းဆောင်သည့် ပြောက်ကျားတပ်များက ဂျပန်စစ်သည် ၂၀၀၀ ကျော် ကျဆုံးခဲ့သည်အထိ တိုက်ခိုက်နိုင်ခဲ့သည်။ ဂျပန်သုံ့ပန်း ၆၀၀ တို့ကိုလည်း လက်ရဖမ်းဆီးမိခဲ့ပြီး ဂျပန်စစ်လက်နက် အမြောက်အများကို သိမ်းဆီးနိုင်ခဲ့သည်။

ဤသို့စစ်ရေးစွမ်းဆောင်မှုကြောင့် သခင်ဗဟိန်းကို ဗိုလ်ချုပ်အောင်ဆန်းက ဗိုလ်မှူးကြီးအဆင့်ခန့်အပ်ခဲ့သော်လည်း ဗမာ့တပ်မတော်က ကွန်မြူနစ်ပါတီကို အထင်လွဲမည်စိုး၍ ငြင်းပယ်ခဲ့သည်။

ဖက်ဆစ်တော်လှန်ရေးပြီးနောက် သခင်ဗဟိန်းသည် ကွန်မြူနစ်ပါတီ ဗဟိုကော်မတီဝင်၊ အလုပ်သမား သမဂ္ဂဥက္ကဋ္ဌ၊ ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ချုပ် (ဖတပလ) ဗဟိုဦးစီးအဖွဲ့ဝင်အဖြစ် တာဝန်ထမ်းဆောင်ခဲ့သည်။ ထိုသို့ဆောင်ရွက်နေစဉ် ဌက်ဖျားရောဂါနှင့် ဆင်းရဲပင်ပန်းမှုဒဏ်ရာများကြောင့် ကျန်း မာရေးချို့တဲ့လာသည်။ ကျန်းမာရေးအတွက် အနားမယူဘဲ ကွန်မြူနစ်ပါတီနှင့် ပြည်သူ့အရေးတော် ပုံပါတီ ပူးပေါင်းရေး၊ ကွန်မြူနစ်ပါတီ နှစ်ခြမ်းမကွဲရေးအတွက် မနားမနေဆောင်ရွက်ခဲ့သည်။

၁၉၄၅ သြဂုတ် ၁၉ တွင် ရန်ကုန်မြို့ ကန်တော်ကြီးစောင်းရှိ နေသူရိန်ကဇာတ်ရုံ၌ ဖတပလမှကြီးမှူးကျင်းပသည့် လူထုအစည်းအဝေးကို တက်ရောက်၍ ဖတပလ ဗဟိုဦးစီးအဖွဲ့ဝင် ၁၉၄၆ ဇန်နဝါရီ ၁၇ မှ ၁၈ အထိ ရန်ကုန်မြို့ ရွှေတိဂုံစေတီတော်အလယ်ပစ္စ ဖဆပလ ပြည် လုံးကျွတ်ညီလာခံတွင် ကိုယ်စားလှယ်စီစစ်ရေးအဖွဲ့ဝင်၊ ၁၉၄၆ ဖေဖေါ်ဝါရီလ ၂၂ မှ မတ် ရ ထိ ကျင်းပသော ကွန်မြူနစ်ပါတီ ဗဟိုကော် မတီအစည်းအဝေးက သဘာပတိသခင်ဗဟိန်းအမည်ဖြင့် ပါတီတွင်းဂိုဏ်းခွဲမှုကျူးလွန်သည့် သခင်စိုး၏တပည့်ရင်း ၇ ဦးကို ပါတီမှထုတ် ပယ်ခဲ့သည်။ ၁၉၄၆ မတ် ၁၀ ရက်တွင် သခင်စိုးဦးဆောင်၍ ဗမာပြည်ကွန်မြူနစ်ပါတီမှ ကွန်မြူနစ်ပါတီ (ဗမာပြည်) (အလံနီပါတီ) ခွဲထွက် သွားခဲ့သည်။ သခင်ဗဟိန်းမှာ သခင်သန်းထွန်း၊ ကိုသိန်းဖေ (ပါတီအထွေထွေအတွင်းရေးမှူး) တို့နှင့်အတူ ဗမာပြည်ကွန်မြူနစ်ပါတီ (အ လံဖြူပါတီ)၏ ပါတီဗဟိုကော်မတီဝင်အဖြစ် ကျန်ရစ်ခဲ့သည်။

ပါတီကွဲပြီးနောက် သခင်ဗဟိန်း၏ ကျန်းမာရေးမှာ တဖြည်းဖြည်းဆိုးဝါးလာခဲ့ရာ ပါတီမှခွင့်တောင်း၍ မန္တလေး မိဘရပ်ထံ ပြန်၍နေသည်။ ထို့နောက် မန္တလေးဆေးရုံကြီးတွင် တက်ရောက်ကုသနေစဉ် ၁၉၄၆ နိုဝင်ဘာ ၁ ၌ ဖဆပလအဖွဲ့ချုပ်က ဗမာပြည်ကွန်မြူနစ်ပါတီကို ထုတ် ပယ်လိုက်သည့်သတင်း ကြားသိရပြီးနောက် စိတ်ထိခိုက်ကာ ၁၉၄၆ နိုင်ဝင်ဘာ ၂၀ ဗုဒ္ဓဟူးနေ့ (အသက် ၃၀ အရွယ်) တွင် မန္တလေးဆေးရုံကြီး၌ ကွယ်လွန်ခဲ့လေသည်။ ကွယ်လွန်စဉ်က ဇနီးမခင်ကြီး ကျန်ရစ်ခဲ့သည်။ မခင်ကြီးနှင့် သားတစ်ယောက်ထွန်းကားခဲ့သော်လည်း သားမှာငယ် စဉ်ကပင် ကွယ်လွန်သွားခဲ့သည်။

သခင်ဗဟိန်းကွယ်လွန်ကြောင်း သတင်းကြားသိသည်နှင့် ဗိုလ်ချုပ်အောင်ဆန်း မန္တလေးသို့ရောက်လာကာ ဆေးရုံတွင် သခင်ဗဟိန်း၏ရုပ် အလောင်းကို အတန်ကြာတွေတွေကြီးကြည့်ပြီး မည်သူ့ကိုမှနှုတ်မဆက်ဘဲ ပြန်သွားခဲ့သည်။ သခင်ဗဟိန်း၏ဈာပနကို မန္တလေး နိုင်ငံရေး၊ လူမှုရေးအသင်းအဖွဲ့များက ခမ်းနားစွာလိုက်ပါ ပို့ဆောင်၍ သခင်ဗဟိန်းရုပ်ကလာပ်ကို မန္တလေး-အမရပူရသွား ကားလမ်းဘေးရှိ အာဇာနည် (၁၇) ဦးသင်္ချိုင်းတွင် ဂူသွင်းသင်္ဂြိုဟ်ခဲ့လေသည်။
==========================
http://moemaka.blogspot.ca/