စကားပြောတဲ့အခါလည်း•••• သမ္မုတိ လွန်ကဲတာ၊ ပရမတ္ထ လွန်ကဲတာတွေ ရှိတယ်။

မကြားစဖူး ကြားဖူးထပ်မံ
ဝမ်းထဲမှာ ဘုရားတည်ကြစမ်းပါလို့ ဟောတာ
ကြားဖူး ကြသလား။
ဝမ်းထဲမှာ တည်ကြစမ်းပါကွဲ့။ ဝမ်းထဲမှာ။
နမ္မားဆရာတော်ဘုရား ဟောတာ ရှိတယ်။ ကျိုက်ထီးရိုး သွားတာက တမျိုး၊ ရွှေတိဂုံ သွားတာ မဟာမြတ်မုနိသွားတာက တမျိုးတဲ့။
အိမ်မှာ ရှိတဲ့ ဘုရားမှ အားမနာတဲ့။ အင်...
အိမ်မှာ ရှိတဲ့ ဘုရားတောင် အားမနာတဲ့။ ကြားလား။
အဲတော့ စကားပြောတဲ့အခါလည်း သမ္မုတိ လွန်ကဲတာ၊ ပရမတ္ထ လွန်ကဲတာတွေ ရှိတယ်။
သမ္မုတိ ဘက်ကလည်း မိမိက ကံဆိုတာ... ဘုန်းနိမ့် ကံနိမ့် ဆိုတာ ကြားဖူးသလား။
ဘုန်းနိမ့်တယ်တဲ့ ကံနိမ့်တယ်တဲ့နော်။ အမျိုးသမီးတွေ ဝတ်တဲ့ ထဘီတွေ လှမ်းထားမယ် အဲဒီအောက်ကို ယောက်ျားတွေ လျှိုးမိရင် ဘုန်းနိမ့်တယ်တဲ့ မကောင်းဘူးတဲ့ ကြားဖူးသလား။ ဘုန်းနိမ့်ကံနိမ့်တယ်တဲ့ အဲလိုရှိတယ်။
အဲဒါနဲ့ တနေ့သ၌ကျတော့... တောင်သူယောက်ျား တောထဲ တောင်ထဲသွား တောင်ယာလုပ် ကိုင်းကျွန်းလုပ် ။
အဲတော့ မယားက အင်္ကျီ ဘာညာလှန်းတာ စည်းမဲ့ကမ်းမဲ့ လှန်းပုံကျတယ် ကြားလား။
ဒီလိုမလုပ်နဲ့ တိုးမိ ထိမိရင် ခက်တယ်၊ ဘုန်းနိမ့်ကံနိမ့်တယ်။ တောပြန်မှာ အမျိုးသမီးကို အလျားမှောက်ပြီးတော့ အနင်းခိုင်းတော့ နင်းတော့တာ။ အညောင်းပြေတော့...အဲဒီဒကာမက ဝတ်လစ်စားလစ်တဲ့။ ဘယ်နှယ့်လဲဟေ့ နင်ဟာက။ ဘုန်းနိမ့်ကံနိမ့်ဆိုတာနဲ့ ငါက ချွတ်ထားတော့တာတဲ့။ ကြားလား။ ဘုန်းနိမ့်ကံနိမ့်ဆိုတာနဲ့ ချွတ်ထားတာတဲ့။ စဉ်းစားဦး ... အဲသလိုကလည်း ရှိသေးတာဟေ့။
အဲဒါနဲ့ ဟိုက ပရမတ် လွန်တဲ့ဟာတွေကလည်း ရှိတယ်။ ရန်ကုန်ကိုသွားလိုက်မဟာမုနိကိုသွားလိုက် ကျိုက်ထီးရိုး သွားလိုက်
ဘုရားဆိုတာ တခြားမှာ မဟုတ်ဘူးဟေ့ ဟောဒီ ဗိုက်ထဲမှာဟ...ဘုရားက။ ဒီမှာ ဘုရားက တခြား ရှာရတာ မဟုတ်ဘူး။ နောက်တော့ အဲဒါ အမျိုးသမီးကို အနင်းခိုင်းတာ။အနင်းခိုင်းလို့ မရဘူး။ ဘုရားနင်းမိလိမ့်မယ်တဲ့။
ကြားလား အဲလို... ခိုင်းလို့မရတော့ဘူး။
အဲသလို လွန်ကဲတာ တွေက ရှိသေးတယ်။ မစဉ်းစားဘဲနဲ့ပြောတာ။ စဉ်းစားဖို့ကောင်းတယ်။
ဒါတော့ မိုးကုတ်ဆရာတော်ဘုရားကြီးဟောတာ ဝမ်းထဲမှာ ဘုရားတည်ကြပါတဲ့။
ဝိဇ္ဇာစရဏသမ္ပန္နော...။ ဝိဇ္ဇာဆိုတာ...ဝိပဿနာဉာဏ်။
ခန္ဓာ ကိုသိ အနိစ္စသိ၊ ခန္ဓာ ကိုသိ ဒုက္ခသိ ၊ ခန္ဓာ ကိုသိ အနတ္တသိ၊အဲဒါ ဝိပဿနာ ဉာဏ်။ ဝိဇ္ဇာလို့ခေါ်တယ်။ စရဏဆိုတာ ... နည်းတာ များတာမဆို လှူတာ တန်းတာနဲ့ ပတ်သက်ပြီးတော့မှ သီလအချိုးကျကျနဲ့ ပြည့်စုံတဲ့ ပုဂ္ဂိုလ် တွေနော်။ အဲတော့ ဝိဇ္ဇာနဲ့ စရဏ ညီမျှရမယ်။ ညီမျှဖို့ မလိုဘူးလား။ ညီမျှဖို့ လိုတယ်။
ဒါတော့ ပြန်ပြီးတော့ စဉ်းစားရင်းနဲ့ ဘုန်းကြီး လူတုန်းက ကလေးဝမှာ တရားချီးမြှင့်တော့...
အဲဒီ ဆယ်တန်းကျောင်းအုပ် ဆယ်တန်းပြတဲ့ အထက်တန်းဆရာတွေ အကုန်လုံး ပင့်ပြီးတော့ ထမင်းကျွေးပြီးတော့မှ မဟာမုနိပုံတော်ကို အဲဒါ ကျုပ်တို့ မိဘလက်ထက်က စပြီးတော့ အခုထိ ကိုးကွယ်ခဲ့တာတဲ့။ အဲဒါ ကိုးကွယ်ပုံလေး ပြောစမ်းပါတဲ့။
ပုံတော် ပြတာ ပုံတော်။ အဲဒါ ပုံတော် ပြတဲ့အခါမှာ အဲဒီ ကျောင်းဆရာတွေကို ဘုန်းကြီး က မေးတယ်။
မင်းတို့ အဖေ အမေတွေ ရှိသေးလား ဆို မရှိဘူးတဲ့။ သေပြီတဲ့။
သူတို့ ကျောင်းဆရာ အလုပ်ရပြီးကာမှ သေတာ။
အဲဒီ မိဘဓာတ်ပုံတွေကား ရှိသေးသလားဆို...
ရှိတယ်တဲ့၊ အဲဒါ အခု ဘယ်မှာ..။
မုံရွာဆိုတော့ မုံရွာမှာ ရှိတယ်တဲ့။ လေးနှစ် ငါးနှစ်ကြာသွားပြီတဲ့။ ဥပမာ။
အဲတော့ ဆယ်ခါတစ်ခါမှာ မိဘဓာတ်ပုံကို မြင်တဲ့အခါ
ကျွေးမွေးခဲ့တဲ့ ကျေးဇူး တောင်သူလည်း တောင်သူအလျောက်၊ ကုန်သည်လည်း ကုန်သည်အလျောက် ငယ်စဉ်တောင်ကျေး ကစ ဖဝါး လက်နှစ်သစ် ပခုံး လက်နှစ်လုံးက စပြီးတော့မှ နို့ချိုတိုက်ပြီးတော့ ကျေးဇူးပြုလာခဲ့တာ။
မွေးမွေးချင်းသာ မိဘက ပစ်ထားမယ်ဆိုရင် အဲဒီကလေးက ရှင်မလား သေမလား။ အဲဒါ ဒီကလေးကို စောင့်ရှောက်ခဲ့တဲ့ မိဘရဲ့ကျေးဇူး ။ ကျောင်းထားတဲ့ အရွယ်ကျတော့ ကျောင်းထား ဆရာကပြောလိုက် သင်ပေးလိုက် အိမ်ပြန်တဲ့အခါ မိဘက ဆုံးမလိုက်၊ အဲလို အရွယ်ရောက်လို့ ကျောင်းဆရာ ဖြစ်သည် အထိ အဲဒီ ကျေးဇူးတွေဟာ ဓာတ်ပုံ မြင်တဲ့အခါ သတိမရလား။
ရတယ်။
ဓာတ်ပုံ မမြင်...ရပါမလား။ဓာတ်ပုံ မြင်တော့ မိဘကျေးဇူးကို သတိမရဘူးလား။
အခုလည်း ရုပ်ပွားတော်တွေ ဆင်းတုတော်တွေ စေတီတော်တွေ မြင်တဲ့အခါ ဘုရားအစစ်ကို သတိမရဘူးလား။ အဲသလို အာရုံပြုရမှာ...ဒကာ။
ဒါကြောင့် မိုးကုတ်ဆရာတော်ဘုရားကြီး က
ဘုရားက အတော် သပ္ပါယ် တာကိုးတဲ့ မျက်လုံးက ဘယ်လို ဘယ်ချမ်းသာဆိုတော့ ပန်းချီ မှာ လမ်းဆုံးတော့တာတဲ့။ ဆရာတော်ဘုရား တိပ်ခွေက မဟောဘူးလား။ ပန်းချီ မှာ လမ်းဆုံးတယ်တဲ့။
အဲတော့ မြင်တဲ့အခါမှာ သစ္စာသိတဲ့အသိ ဉာဏ်တော်ကို အာရုံ မပြုရပေဘူးလား။
အဲဒီ ဉာဏ်တော် အာရုံပြုရမှာ...
ပုံတော်မှာ လမ်းမဆုံးပါနဲ့။
ဂုဏ်တော် ကို ရောက်အောင် လုပ်ကြပါ။
ကျေးဇူးတော်ရှင် မုံလယ်ဆရာတော်ကြီး
အဂ္ဂမဟာကမ္မဋ္ဌာနာစရိယ ဘဒ္ဒန္တ သံဝရ
၁၈.၄.၂၀၀၀ခု
တောင်ကြီးမြို့ ရွှေကျားပျံ မိသားစု အိမ်တွင် ဆွမ်းမဘုဉ်းမီ ဟောကြားသောနံနက်ပိုင်း တရားတော်မှ စာစီပူဇော်ပါသည်။
‪#‎မုံလယ်ဇ‬ ။

 Credit to > အရှင်တေဇနိယ မုံလယ်ဇ

မင်းကွန်းဆရာတော်ကြီး မိခင်ကြီးကို ဂရုစိုက်ပုံ

ဆရာတော်သည် အနယ်နယ် အရပ်ရပ်သို့ လှည့်လည် တရားဟောစဉ် တရားနာပရိသတ်ထဲ၌ မိမိ၏မိခင်ကြီး ဒေါ်ဆင်နှင့် သက်တူရွယ်တူ အမျိုးသမီးများ ပါ၍ သူတို့ ဝတ်ထားသော အဝတ်အစားကလည်း မိခင်ကြီးနှင့် လိုက်ဖက်မည် ထင်လျှင် `သည်အဝတ်အစားနာမည် ဘယ်လိုခေါ်ကြောင်း၊ ဘယ်နေရာတွင် ဝယ်၍ ရနိုင်ကြောင်း´ စသည်ကို အခြားသူများ မသိစေဘဲ မိမိတပည့်များကို ထိုအမျိုးသမီးများထံ တိုးတိုးတိတ်တိတ် သွားရောက် မေးမြန်းစေသည်။ ထို့နောက် ကျောင်းပြန်ရောက်သည့်အခါ တပည့်များကို ထိုအဝတ်အထည်မျိုး အဝယ်ခိုင်းပြီး မိခင်ကြီးအား ပေးတော်မူသည်။

မိခင်ကြီးနှစ်သက်သည့် အစားအစာ စသည်ကိုလည်း ဂရုတစိုက် ပေးကာ ကျွေးကာ၊ နေစရာ နေအိမ် ဆောက်လုပ်ပေးကာ၊ သင့်တော်မည့်တရားများလည်း ဟောကြား ပြသပေးကာဖြင့် အလောင်းတော်မြတ် ဗောဓိသတ်ပမာ မာတုပေါသကလုပ်ငန်းကို ဝမ်းမြောက်စွာ ဆောင်ရွက်တော်မူလေသည်။
မိခင်ကြီးကို ပြုစုလုပ်ကျွေးပုံနှင့် ပတ်သက်၍ ဆရာတော်ဘုရား၏ မိန့်ကြားချက်တစ်ခုမှာ -
`ဘုန်းကြီးများ ရဟန်း ၄-ဝါလောက်အရ သကျသီဟ စာသင်တန်း စာချတန်း အောင်တဲ့နှစ်မှာ မှတ်မှတ်ရရ မန္တလေး မင်းကြီးတိုက် သီရိဝေပုလ္လဆရာတော် (ဦးဇာဂရ)က `မင်း ကံကောင်းလို့ မွေးသမိခင်ကို ပြုစု စောင့်ရှောက်ခွင့် ရတယ်၊ ကြိုးစားပြီး ပြုစုကွယ်´လို့ ဆုံးမတယ်။
ဆုံးမတဲ့အချိန်က စပြီးတော့ မွေးသမိခင်ကို ပြုစုခဲ့တာ ... ဖြူတာကို မည်းတယ်လို့ သူက ပြောလဲပဲ ဆန့်ကျင်ဘက် မပြောခဲ့ဘူး၊ ရယ်ပြီးတော့ နေခဲ့တယ်၊ မည်းတာကို ဖြူတယ်လို့ ပြောရင်လဲပဲ သူ့ကို ဆန့်ကျင်ဘက် မပြောဘူး၊ ရယ်ပြီးတော့ နေခဲ့တယ်။
ပြီးတော့ ဘုန်းကြီးများရဲ့ မိခင်က အင်မတန် လောဘ နည်းတယ်။ သူ့ကို ဘုန်းကြီးများက တစ်လ တစ်ဆယ်လောက် ထောက်ရင် သူ ပြုံးပြုံး ပြုံးပြုံးနဲ့ သဘောကျနေတယ်။ တခါတလေတော့ အကြောင်းညီညွတ်လို့ နှစ်ဆယ်လောက် သုံးဆယ်လောက် ထောက်လိုက်ရင် ဘာပြောတယ် မှတ်လဲ?၊ `လူကို ဒမြတိုက်ခံရအောင် လုပ်တာလား´တဲ့။ နှစ်ဆယ်သုံးဆယ်လောက်ဆိုရင် အင်မတန်များပြီး ဒမြတိုက်ခံရမှာ ကြောက်တဲ့သဘောက ဒီလို ဖြစ်နေတယ်။ (ရှေးဖြစ်ဟောင်း အောက်မေ့ဖွယ်ဟု ဆိုရပါမည်။ ယခုခေတ် ငွေကြေးတန်ဖိုးနှင့်ဆိုလျှင်ကား တကယ့်ကို ရယ်စရာ ဖြစ်နေပေလိမ့်မည်။)
ထို့အတူ ဘုန်းကြီးများ ရန်ကုန်မြို့ လာတဲ့အခါ ဒိပြင် ဘယ်မှ မဝင်ပေမယ်လို့ စာပေဝါသနာပါတော့ စာရွက်စက္ကူရောင်းတဲ့ဆိုင်တော့ ဝင်တယ်။ အဲ သိမ်ကြီးဈေးဘက် အထည်ဆိုင်နားရောက်ရင် ကြည့်ပြီးတော့ ... သြော် ဒီအဆင်တော့ ငါ့အမေနဲ့ သင့်တော်တဲ့ အဆင်ပဲ´ဆိုပြီးတော့ ခါးဝတ်တစ်ထည် အင်္ကျီလေးတစ်စုံ ဒီလိုယူပြီး ကပ္ပိပြီးတော့ သူ့ကို ပေးရင် သူ့စိတ်ထဲမှာ ကျေနပ်တယ်။ တခါတလေ မိမိစိတ်ထဲမှာ ... သြော် ဒီအဆင်ဟာဖြင့် ငါ့မိခင်နဲ့ သိပ်တော်တဲ့အဆင်ပဲ ဆိုပြီးတော့ ခါးဝတ်နှစ်ထည် အင်္ကျီနှစ်ထည် နှစ်စုံယူသွားရင် ဘာပြောသလဲ၊ `ဒီလောက် များများကြီး ဒကာမကြီး ဘယ့်နှယ်လုပ် ဝတ်နိုင်မှာတုန်း´ သူက ပြောတယ်။
မိခင်ကို မသေခင် လုပ်ကျွေး
ဆရာတော်သည် ၁၃၁၇-ခုနှစ်ခန့်တွင် မိခင်ကြီး ဒေါ်ဆင်အတွက် သဲဖြူဝရွာ၌ အိမ်ကြီးတစ်လုံး ဆောက်ပေးရာ ၁၃၂၅-ကျပ် ကုန်ကျခဲ့သည်။ တစ်ရပ်တစ်ရွာတွင် နေထိုင်သူ ညီ-ဦးဘသင်ကိုလည်း ထိုအိမ်အတွက် ကုသိုလ်ပါဝင်စေလိုသည်။ (ဆရာတော်၏ညီ ဦးဘသင်သည် ပဲခူးတိုင်း ကဝမြို့နယ် သပြေကန်ရွာ၌ နေထိုင်သည့် လယ်ပိုင်ရှင်တစ်ဦး ဖြစ်သည်။) သို့ဖြစ်၍ ညီဖြစ်သူအား ပြောပြရာ ဦးဘသင်က အိမ်ဆောက်သည့်အထဲ ကုသိုလ်မပါဝင်ဘဲ မိခင်ကြီးအား ငွေ ၁၀၀-ကျပ် သီးသန့် ပေးပို့သည်။
၁၃၂၃-ခုနှစ် မိခင်ကြီး ဒေါ်ဆင် ကွယ်လွန်သွားချိန်တွင် ဦးဘသင် ရောက်လာပြီး မိခင်ကြီး၏ ရုပ်ကလာပ်ကို ကြည့်ကာ ရှိုက်ကြီးတငင် ငိုကြွေးလေရာ ဆရာတော်သည် ညီဖြစ်သူ ဦးဘသင်အား -
`ငိုရမှာပေါ့ကွာ၊ အေး .. မင်းက အခုမှ နောင်တရပြီး ငိုကြွေးနေတာ၊ အမေ အသက်ရှိစဉ်က မင်းဟာ အမေ့ကို ထောက်ပံ့ရမှန်း ကျွေးမွေးရမှန်း မသိဘူး။ မင်းရဲ့ ပူဆွေးသောကဟာ နောက်ကျသွားပြီ။ ငါကတော့ တစ်သက်လုံး မငိုရအောင် လုပ်ခဲ့တယ်။ မင်းလို ငိုကြွေးစရာ ပူပင်သောကရောက်စရာ မလိုတော့ဘူး။ ငါကတော့ မငိုပါဘူး၊ မိခင်အပေါ် လိုသည်ထက် ပိုပြီး ပြုစုထားတာဖြစ်လို့ ငါ ငိုဖို့ မလိုဘူး။ မင်းကတော့ နဝကမ္မ ၁၀၀ ဆိုပြီး ပို့တဲ့လူဆိုတော့ ငိုပေတော့ပေါ့ကွာ။ ငိုကွ ငိုကွ´ဟု ကရုဏာဒေါသောဖြင့် မိန့်ကြားတော်မူသည်။ (ညီအရင်းဖြစ်၍ ဤသို့ အားမလို အားမရ မိန့်ကြားခြင်း ဖြစ်သည်။ အခြားသူများကိုကား ယခုလို တစ်ကြိမ်မှ ရင့်ရင့်သီးသီး မပြောကြားခဲ့ဖူးပေ။)
ဦးဘသင်ကို အကြောင်းပြုပြီး သိကျွမ်းရသည့် ဒေါက်တာနေလင်းဆိုသူ လူငယ်ဆရာဝန်လေးအား မိန့်ကြားသည့် သြဝါဒတစ်ခုမှာ -
`ကိုရင် ... မိဘကို လုပ်ကျွေးဗျား၊ ဘုန်းကြီးအသက် ၂၄-နှစ်အရွယ်တုန်းက ဘုန်းကြီးအကျိုးလိုလားတဲ့ ဆရာတော်တစ်ပါးက ဆုံးမဖူးတယ်။ ဦးဇင်း မိဘကို ရိုရိုသေသေ လုပ်ကျွေး၊ မိဘက ဖြူတယ်ဆိုရင် ဖြူလိုက်၊ မည်းတယ်ဆိုရင် မည်းလိုက်၊ ကိုယ်က ဝါးလုံးလို့ သိရက်သားနဲ့ မိဘက ဝါးခြမ်းဆိုရင် ခြမ်းလိုက်ဗျာလို့ သြဝါဒပေးခဲ့တယ်။ ဘုန်းကြီးလဲ အသက် ၂၄-နှစ်ကတည်းက မယ်တော်ကြီး ကွယ်လွန်သည်အထိ ဒီအဆုံးအမအတိုင်း လိုက်နာခဲ့တယ်။ ယခုလဲ ကိုရင် မိဘကို လုပ်ကျွေးဗျာ။ ကိုရင် အသက်ရှည်မှာပါ´ဟူ၍ ဖြစ်ပေသည်။
+++++
ဘဒ္ဒန္တသီလက္ခန္ဓာဘိဝံသ ရေးဖွဲ့ ပူဇော်သည့် မင်းကွန်းဆရာတော်ဘုရားကြီး သက်တော်ရာပြည့်အထိမ်းအမှတ် (၁၂၇၃-၁၃၇၃)၊ `တိပိဋကဓရအရှင်မြတ်များ၏ ဖခင် ကမ္ဘာကျော် မင်းကွန်းထေရှင်´ မှ
Posted by LokaChantha

မြတ်စွာဘုရားရှင်၏ မုဒြာအမျိုးမျိုး

 Credit to> ဓမ္မစက်ဝန်း

ဥာဏ်ကောင်းချင်ကြလား

မင်းလှမြို့ နယ် အရှေ့ကြို့ ကုန်းကျေးရွာမှာ
ဒေါ်ရွှေမယ်ဆိုတာရှိတယ် သူဟာ စာတစ်လုံးမှမတက်ဘူး
ဒါနဲ့ သူက ဆရာတော်ကြီးတွေကို စာတက်ချင်လို့ 
အကျိုးအကြောင်းလျှောက်တော့ ဆရာတော်ကြီးတွေက
တရားစာအုပ်လှုရင် ဥာဏ်ကောင်းတယ်ဆိုပြီး
အကြံပေးလို့  သူဟာ ပိဋကတ်သုံးပုံစာအုပ်ကို
ငွေ လေးကျပ်နဲ့ ဝယ်ပြီး သံဃာတော်တွေကို
လှုဒါန်းခဲ့တယ် ပြီးတော့သူဟာ သေသွားခဲ့တယ်
သူဟာ ဒီဘဝမှာ လူဝင်စားလာဖြစ်ပြီး မောင်သာလှဆိုတဲ့ လူငယ်လေးဖြစ်လာခဲ့တယ်
သူဟာ အတန်းတိုင်းမှာ ပထမချည်းရပြီး နောက်ပိုင်းမှာ
ဆရာဝန်ဖြစ်လာခဲ့တယ် နိုင်ငံခြားကိုပညာတော်သင်
သွားတော့လည်း ထူးချွန်စွာအောင်မြင်ခဲ့ပြီး
  မြန်မာနိုင်ငံကို ပြန်ရောက်တော့ အတော်ဆုံး
ဆရာဝန်ကြီး ဦးသာလှအဖြစ်နဲ့ ရပ်တည်နိုင်ခဲ့တယ်
'
ဆဋ္ဌမသံဃာယနာတင်တော့မှ မင်းကွန်းဆရာ
  တော်ဘုရားကြီးကို တွေ့ လိုက်တော့မှ သူဟာ
သူ့ ရဲ့ ဒေါ်ရွှေမယ်ဘဝက လာတဲ့အကြောင်းကို
သတိယတဲ့ ဇာတိဿရ ဥာဏ်ကို ရှိပြီး
အကြောင်းစုံပြန်ပြောပြနိုင်ခဲ့တယ်
သူဟာ မင်းကွန်းဆရာတော်ဘုရားကြီးကို
ေ ကျောင်းဆောက်လှုနိုင်ခဲ့တယ်
တရားစာနဲ ပါတ်သတ်တာလှုရင် ဥာဏ်ကောင်းတယ်
နိဗ္ဗါန်အထောက်အပံ့ဖြစ်တယ်
လောကီစာပေတွေ လှုဒါန်းလျှင် ဟာသဥာဏ်
ဇဝန ဥာဏ် တင်္ခဏုပ္ပတ္တိ ဥာဏ် တွေရှိတယ်
လစ်သူရေးနီးယန်းနိုင်ငံသား ရက်ဘီအီလီဂျက်
ဆိုသူဟာ စာအုပ်ပေါင်း နှစ်ထောင်ကျော်ကို
တခါဖတ်တာနဲ့ အလွတ်ပြန်ဆိုနိုင်တယ်
အဲဒါ လောကီစာပေတွေ လှုဒါန်းခဲ့ဘူးလို့ ပဲ
ဒါ့ကြောင့် ဥာဏ်ကောင်းချင်ရင်
တရားစာပေ နဲ့ လောကီစာပေတွေကို
လှုဒါန်းကြပါက ဥာဏ်ကောင်းပါလိမ့်မယ်

Credit to> ဦးမြင့်ခိုင် စိတ်ပညာ

အသားစားခြင်းသည် ပါဏာတိပါတကံ ထိုက်၏ - မထိုက်၏ ...

  ရောက်ပါတယ်၊ သို့သော်လည်း မြတ်စွာဘုရားရှင်အားလုံးသော်မှ ချွတ်လို့ မရနိုင်တဲ့လူတွေ ( တနည်းအားဖြင့် )ပါရမီ မပြည့်သေးတဲ့ လူတွေ ကို မချွတ်နိုင်ပါဘူး၊ ဆိုလိုတာက မတားမြစ်နိုင်ဘူး၊ ဒီတော့ ကမ္မဿကာ - သတ္တ၀ါတခု ကံတခုပဲ၊ ပြုသူအသစ် ခံရသူ အဟောင်း၊ ၀ဋ်ကြွေးရှိလို့ ခံကြရတာ - ဆိုပြီး မျက်နှာလွှဲထားတော်မူခဲ့ရတယ်။
ဒီနေရာမှာ သက်သက်လွတ်အကြောင်းနဲ့ စားလိုက်တဲ့ အာဟာရက လူတယောက်ကို သစ္စာတရား ထိုးထွင်းသိနိုင်ဖို့ ကျေးဇူးပြုပုံဆိုပြီး အချက် ၂ ခုနဲ့ဖြေကြားပါမယ်။

ဖြေ ။ လူတွေအားလုံး မစားသုံးကြဘူး ဆိုရင် အကောင်းဆုံးနည်းလမ်းပဲပေါ့၊ သတ္တ၀ါတွေ တိရိစ္ဆာန်တွေကိုလဲ ဇီဝိတဒါန ပေးလှူရာ

ရဟန်းတော်များမှာ သီးသန့် မစားအပ်တဲ့ အသားကြီး ( ၁၀ ) မျိုးရှိတယ်။
၁။ လူသား ( ဇာတ်တူသား ဖြစ်သောကြောင့် )
၂။ ဆင်သား ( ရှင်ဘုရင်ရဲ့ အသုံးအဆောင်ဖြစ်ပြီး အန္တရာယ်ကြိုတင်ကာကွယ်နိုင်အောင်လို့ )
၃။ မြင်းသား ( ရှင်ဘုရင်ရဲ့ အသုံးအဆောင်ဖြစ်ပြီး အန္တရာယ်ကြိုတင်ကာကွယ်နိုင်အောင်လို့ )၄။ ခွေးသား ( စက်ဆုပ် ရွံရှာဖွယ် ဖြစ်လို့ )
၅။ မြွေသား ( စက်ဆုပ် ရွံရှာဖွယ် ဖြစ်လို့ )
၆။ ကျားသား ( အနံ့ခံပြီး စားသူကို အန္တရာယ်ပေးတတ်လို့ )
၇။ ကျားသစ်သား ( အနံ့ခံပြီး စားသူကို အန္တရာယ်ပေးတတ်လို့ )
၈။ ခြင်္သေ့သား ( အနံ့ခံပြီး စားသူကို အန္တရာယ်ပေးတတ်လို့ )
၉။ အောင်းသား ( အနံ့ခံပြီး စားသူကို အန္တရာယ်ပေးတတ်လို့ )
၁၀။ ၀ံသား ( အနံ့ခံပြီး စားသူကို အန္တရာယ်ပေးတတ်လို့ )
အထက်ပါ အသားကြီး ဆယ်မျိုးက လွတ်တဲ့ ကြက်သား ၀က်သားစတာတွေမှာလဲ အစွန်းသုံးပါး လွတ်ရင် ဘုန်ပေးနိင်တယ် လို့ ခွင့်ပြုထားခဲ့တယ်။
အစွန်းသုံးပါး ဆိုတာက - ၁။ ဒိဋ္ဌမံသ - ကိုယ့်ကို ရည်စူးပြီး သတ်ဖြတ်တယ်လို့ မျက်စိနဲ့ တပ်အပ်မြင်ကာ ချက်ကပ်ထားတဲ့ ဟင်းလျာ၊
၂။ သုတမံသ - ကိုယ့်ကို ရည်စူးပြီး သတ်ဖြတ်ထားတယ် လို့ တဆင့်စကား ကြားကာ ချက်ထားတဲ့ ဟင်းလျာ၊
၃။ ပရိသင်္ကိတ မံသ - ကိုယ့်ကို ရည်စူးပြီး သတ်ဖြတ်ထားတယ် လို့ စိတ်က ယုံမှားရှိနေတဲ့ ဟင်းလျာ၊
တွေကို မဘုန်းပေးကောင်းပါဘူး၊ စားသုံးခဲ့ရင် အပြစ်ဖြစ်ပါတယ်၊ ဒါကြောင့် ကိုယ်နဲ့ သင့်လျော်တဲ့ ဆန္ဒရှိတဲ့ရဟန်းတော်တွေ စားလိုက စားနိုင်တယ်၊ မစားပဲ နေလိုက နေနိုင်ပါတယ် လို့ ကရုဏာတော်နဲ့ ခွင့်ပြုတော်မူခဲ့တယ်၊ လူတွေမှာတော့ ကိုယ်တိုင် မသတ်ရင် စိတ်ကြိုက် စားသုံးနိုင်ပါတယ်။
ဒုတိယအချက်ဖြစ်တဲ့ အာဟာရက တရားထူးရဖို့ ကျေးဇူးပြုပုံကတော့
ဘုရားရှင်သက်တော်ထင်ရှား ရှိစဉ်အခါက ရဟန်းတော် အပါး ( ၆၀ ) ဟာ မြတ်စွာဘု၇ားဆီက ကမ္မဋ္ဌာန်းတောင်းပြီး သာဝတ္ထိနဲ့ ဝေးလံတဲ့ တောရွာတရွာမှာ ၀ါဆိုခဲ့ကြတယ်၊ အဲဒီရွာက ဒကာမကြီးတယောက်ကလဲ သိပ်ကြည်ညိုလွန်းလို့ အစစအရာရာ လှူဒါန်းပေးတယ်၊
တနေ့တော့ ကိုယ်တော်တွေ တရားအားထုတ်နေတာကို ကြည့်ပြီး တပည့်တော်လဲ အားထုတ်လို့ ရနိုင်ပါသလား လို့ မေးလိုက်တာ ရနိုင်တယ် ဆိုတာနဲ့ ၃၂ ကောဋ္ဌာသ ကမ္မဋ္ဌာန်းတောင်းပြီး အချိန်ပြည့် အားထုတ်နေသတဲ့၊
မကြာခင်မှာပဲ ဒကာမကြီးက သုံးမဂ် သုံးဖိုလ် ဆိုက်ပြီး လောကီ ဈာန် အဘိညာဉ်နှင့်တကွ အနာဂါမ်အရိယာ ဖြစ်သွားတယ်၊ တရားထူးရတာနဲ့ တပြိုင်နက်ထဲ
" ငါ့ သားတော်တွေ ငါ့လို တရားထူး ရနေကြပြီလား - ဘယ်လို အဆင့် ရောက်နေကြပြီလဲ " လို့ ကြည့်လိုက်တော့ အားလုံး ဟာ ပုထုဇဉ်တွေပဲ ရှိသေးတာကို အဘိညာဉ်နဲ့ မြင်တွေ့လိုက်ရတော့ စိတ်မကောင်းဖြစ်သွားတယ်၊ ဘယ်လိုတွေကြောင့် တရားထူးမရနိုင်ကြတာလဲ လို့ ဆက်လက်ဆင်ခြင်ကြည့်ပြန်တော့
သေနာသန သပ္ပါယ - နေရာထိုင်ခင်း အအေး အပူ ရာသီဥတု တွေတော့ မျှတကြပါတယ်၊
ပုဂ္ဂလ သပ္ပါယ - တပါးနဲ့ တပါး လည်းပဲ အမျက်ဒေါသ စတာတွေမရှိပဲ ချစ်ချစ်ခင်ခင် နေကြ မျှတကြပါတယ်၊
ဘောဇန သပ္ပါယ - စားသုံးနေရတဲ့ အာဟာရကတော့ မမျှတကြဘူး၊
ဒီနေ့ အချဉ်လေး စားချင်တဲ့ ဆန္ဒရှိပေမယ့် အချဉ်ကို မစားရဘူး၊ အချိုကို တောင့်တပြန်တော့ အစပ် အခါး အရသာရှိတဲ့ ဟင်းတွေ ကို စားရပြန်တယ်၊ ဒီလိုနဲ့ စားချင်တာက တခြား စားနေရတာက တမျိုး ဆိုတော့ မမျှတဘူး ဖြစ်နေတယ်၊
အဘိညာဉ်နဲ့ ဆင်ခြင်ပြီးတဲ့ နောက်နေ့မှာတော့ ရဟန်းအပါး ၆၀ ဆန္ဒ ရှိနေကြတဲ့ ဆွမ်း ခဲဖွယ် ဘောဇဉ် ဟင်းလျာ မှန်သမျှကို စီစဉ် ဆက်ကပ် ပြီး အရှင်ဘုရားတို့ အလိုရှိသမျှ လိုအပ်သလောက် ဘုန်းပေး သုံးဆောင်တော်မူကြပါဘုရား ဆိုပြီး လှူဒါန်းခဲ့သတဲ့၊
ရဟန်းဘ၀ ဆိုတာကလဲ သပိတ်ထဲ ရောက်လာတာ လောင်းလှူလိုက်တာကိုပဲ ဘုန်းပေးနေကြရတာကိုး၊ ဂျီးများလို့ မရဘူးပေါ့၊ ဟင်းချို ပူပူလေး သောက်ချင်ပေမယ့် လှူတဲ့သူက အေးတိအေးစက် လှူပြန်ရင် သပ္ပါယ မဖြစ်ပြန်ဘူး ၊ ဒါကြောင့်လဲ ရဟန်း ဆိုတဲ့ အဓိပ္ပါယ်ကို
(ဘိက္ခတိ ယာစတီတိ ဘိက္ခု ) - တောင်းရမ်း အလှူခံပြီး အသက်မွေးရတဲ့ ဘ၀မို့ ဘိက္ခု ခေါ်သတဲ့၊
နောက်တမျိုးက ( ပရဒတ္တူပ ဇီဝီ )- သူတပါး ဆိုတဲ့ ဒကာ ဒကာမတွေအပေါ်မှာ မှီပြီး အသက်မွေးရတဲ့ ပုဂ္ဂိုလ်တွေ လို့ ဆိုပြန်သေးတယ်၊ ... ဒါက ထားပါတော့ -
ဒီနောက်မှာ လိုအပ်တဲ့ အစာ အာဟာရကို သုံးဆောင်ပြီး ဘောဇန သပ္ပါယ မျှတနေကြတဲ့ ရဟန်းတော်တွေဟာ တရားအားထုတ်လိုက်တာ သမာဓိတွေ အဆင့်ဆင့် တက်ကာ တည်ကြည်ပြီး အပါး ( ၆၀ ) လုံး ပဋိသမ္ဘိဒါ လေးပါး ဈာန် အဘိညာဉ်အားလုံးနှင့်တကွ ရဟန္တာ ဖြစ်သွားကြတယ်၊
ရဟန္တာဖြစ်ကြတာနဲ့ တပြိုင်နက်ထဲ အဘိညာဉ်နဲ့ ဆင်ခြင် ကြည့်ပြန်တော့ --
" အော် -- ငါတို့ အားလုံးရဲ့ မယ်တော်ကြီး မာတိက မာတာ ဟာ ငါတို့ အပေါ်မှာ သိပ်ပြီး ကျေးဇူးများတာပဲ၊ သူရှိနေလို့သာ ငါတို့ တရားထူးရနိုင်ပေတယ် "- လို့ ကျေးဇူးကို မြင်တော်မူကြပြီး ၀မ်းမြောက်ဝမ်းသာ ဖြစ်ကြ၇သတဲ့။
ဒီနေရာမှာ အကယ်၍များ တရားအားထုတ်နေသူအားလုံးအတွက် လိုအပ်တဲ့ ဘောဇန သပ္ပါယ ကို မရခဲ့လျင် တရားထူး မရနိုင်ဘူး ဆိုတာ ထင်ရှားနေပါတယ်၊ အသားငါးတွေ ကို ရှောင်ကြဉ်ဖို့ စွဲကိုင်နေလျင် ထိုရဟန်းတော်များ ရဟန္တာဖြစ်နိုင်ဦးမည် မဟုတ်ပေ။
ဒါကြောင့်လဲ ယခုအခါ ဗုဒ္ဓဘာသာဝင် ဒကာ ဒကာမများက ဘုန်းကြီး ၇ဟန်းတော်များကို ဆွမ်းကပ်သည့်အခါ ချို ချဉ် စပ် အခါး၊ အဖန် အရသာ စသည်ဖြင့် သစ်သီးဝလံ ခဲဖွယ်ဘောဇဉ် စုံစုံလင်လင် ဆက်ကပ်နေကြသည်ဟု စာရေးသူက ထင်မြင်မိပါတယ် ။
( အရှင်သုနန္ဒာလင်္ကာရ ) ......................................................................................................
မစားသင့်သော အသားကြီးဆယ်မျိုး နှင့် အစွန်းသုံးပါးလွတ်သော အသားငါး အကြောင်းဖော်ပြပြီဖြစ်၍ အောက်ပါအဖြေတွင် အဆိုပါအကြောင်းအရာများကို ဖြတ်နုတ်ထားပါကြောင်း ...
ဖြေ ။ တလောကလုံး သက်သတ်လွှတ်စားပါ ဆိုရင်လဲ မဖြစ်နိုင်သလို၊ အားလုံး အသားတွေ စားကြပါလို့လဲ မဖြစ်နိုင်ဘူး မဟုတ်လား။ စားသူစား ရှောင်သူရှောင်မှာပေါ့။ တပြည်းတည်း မဖြစ်နိုင်ပါဘူး။ ရှောင်တယ်ဆိုရင်လဲ သတ္တ၀ါတွေ ငါ့ကြောင့် မသေစေပါနဲ့ နင်တို့အသားကို ငါမစားတော့ဘူး ဆိုပြီး မေတ္တာစိတ်နဲ့ ရှောင်ရင် မေတ္တာစိတ်ကြောင့် ကုသိုလ်ဖြစ်ပါတယ်။သိပ်အသား စားကျူးလွှန်းရင်တော့ ရောဂါများတတ်တယ်။ မတတ်သာလို့ စားတယ်ဆိုရင်လည်း ခန္ဓာကိုယ် မျှတကျန်းမာစေဖို့ ဆိုတဲ့စိတ်နဲ့ စားသင့်တယ်။ တဏှာလောဘဇောနဲ့ မစားသင့်ဘူးပေါ့။ ဘုရားရှင်က ရဟန်းတော်တွေကို ဆုံးမထားတာ မှတ်သားစရာ သိပ်ကောင်းတယ် … ဒီလိုပါ အသားစားရင်လဲ ဥပမာ တစ်ခုပေးထားတယ်။
ကန္တာရ တစ်ခုကို ခရီးသွားတဲ့ လင်မယားနှစ်ယောက်နဲ့ သားငယ်တစ်ယောက်။ လမ်းမှာ သားငယ်က ဆုံးသွားတယ်။ စားဖို့ ရိက္ခာတွေလည်း မရှိတော့ သူတို့ သားငယ်ရဲ့ အသားကို လှီးဖြတ်ယူပြီး အခြောက်လှမ်းကာ စားဖို့ ရိက္ခာအတွက် ယူဆောင်လာရတယ်။ အဲဒီ လင်မယားနှစ်ယောက် ထမင်းဆာလို့ သူတို့ သားငယ်ရဲ့ အသားကို စားတဲ့အချိန်မှာ တဏှာလောဘနဲ့ စားပါ့မလား ရဟန်းတို့ လို့ ဘုရားကမေးတော့ ရဟန်းတော်တွေက (မစားပါဘုရား) လို့ဖြေတယ်။ ဟုတ်တယ် သူတို့လင်မယား အသားကို စားတိုင်း မျက်ရည်လည်ပြီးတော့ မတတ်သာလို့ သူတို့သားငယ်ရဲ့ အသားကို စားကြတယ်။ အဟာရဖြစ်ဖို့သာ စားကြတာတဲ့။
ဒါကြောင့် စားရင် တဏှာလောဘနဲ့ မစားဖို့ အရေးကြီးတယ် လို့ဖြေပါရစေ။
အသားစားတဲ့သူကို လူစိတ်မရှိတဲ့သူတွေ ဘီလူးတဘက်တွေ ဆိုပြီး မစွပ်စွဲသင့်သလို သက်သတ်လွှတ် စားတဲ့သူတွေကိုလည်း နွားတွေ ကျွဲတွေလည်း သက်သတ်လွှတ်ပဲစားတယ် ဆိုပြီး မစွပ်စွဲသင့်ပါဘူး။ စိတ်ထားတတ်ဖို့ အသိတရား ရှိဖို့ အရေးအကြီးဆုံးပါ။
သတ်သတ်လွတ်စားခြင်းဖြင့် အကျိုး ရှိ ၊ မရှိ
အထူးသဖြင့် ကျန်းမာရေးကို ကောင်းမွန်စေပြီး အသက်ရှည်စေပါတယ်။ ခန္ဓာကိုယ်အနံ့အသက် သိပ်မနံဘူး အသားစားများတဲ့ အက်စကီးမိုးလူမျိုးတွေဟာ အသက်တိုကြတယ်။ သူတို့ရဲ့ ပျှမ်းမျှအသက် ၃၅ လောက်ပဲရှိတယ်။ အသားစားများလို့ ဆိုပြီး သုတေသနတွေ ကောက်ချက်ချတယ်။ …ဒါပေမယ့် ကိုယ်က သက်သတ်လွှတ်စားပြီး မစားတဲ့သူတွေကို အထင်သေးအမြင်သေးတာမျိုးတော့ မဖြစ်သင့်ဘူးထင်တယ်။ အသားလျှော့စားတာတော့ ကောင်းပါတယ်။ အသီးအရွက်တွေကို များများစားပေးရင် ပိုကောင်းတယ်လို့ ဆေးသူတေသနတွေ ကောက်ချက်ချကြတယ်။
(အရှင်စ၀်ဆုခမ်း)
........................................................................................................
နောက်ပြီ တချို့ဆရာတော်ကြီးတွေရဲ့တရားရိပ်သာတွေမှာ သက်သက်လွတ်ပဲစားကြရတဲ့ အကြောင်းရင်းကတော့ တရားနာပရိတ်သတ် နှင့် ယောဂီများမှာ ရာချီထောင်ချီ ရှိကြတယ် ဆိုတော့ တစ်နေ့တစ်နေ့ အသားငါးများကျွေးမွေး ရမည်ဆိုလျှင် တရွာလုံးမှာရှိတဲ့ အသားငါးများသတ်ဖြတ်ရုံပါမက အခြားရွာမှလည်း မာယူနေကြရမည်ဖြစ်သောကြောင့်သာလျှင် သက်သက်လွတ်စားခြင်းဖြစ်သည်။
(အရှင်ဇဝန)
..............................................................................
အဆုံးသတ်ရမည်ဆိုလျင် ...
ဟင်းသီးဟင်းရွက်တွေကို ပိုးမွှားများမတက်ရအောင် ပိုးမထိုးရအောင် ဆေးများဖြန်းယူကြရတယ်၊ ဖျားနာရင်လည်း ဆေးများသောက်သုံးနေကြရတယ်၊ ဒါကိုကြည့်ခြင်းအားဖြင့်လည်း သက်သက်လွတ်ဖို့ဆိုတာခဲရင်းကြောင်းပါ။ အဒီက တော့ အစွန်းမရောက်ဖို့ပါပဲ၊ မျှတတဲ့ အလယ်အလတ် (မဇ္ဈိမ ပဋိပဒါ ) လမ်းစဉ်းကိုလျှောက်လှမ်းနိုင်ကြပါစေ။
Buddhism Beams (Myanmar) Website မှကူးယူဖော်ပြသည်။
စာဖတ်သူမိတ်ဆွေအပေါင်း ချမ်းသာကိုယ်စိတ်မြဲပါစေ။

ဒိဋ္ဌိသစ်ငုတ်အမြစ်ဖြုတ်

ဒီကနေ့ဒိဋ္ဌိသတ်တရားဟောရမယ်။ ပေါ့ပေါ့တန်တန် မမှတ်ကြနဲ့လို့ ကြိုတင်သတိပေးလိုက်ပါတယ်။ ဒီနေ့ ပထမ ဒိဋ္ဌိပြုတ်အောင် ဟောရမယ်။ နောက်ဒိဋ္ဌိပြုတ် ပြီး သောတာပန်ဖြစ်အောင် ဟောမယ်။
ဘုရားရှင် ပွင့်တော်မမူခင်အခါက ဒိဋ္ဌိချည်းပဲများတယ်။ ဘုရားပွင့်တော့ ဒိဋ္ဌိတောရှင်းနေရတာက အကြာကြီးပဲ။ ဒိဋ္ဌိတောရှင်းနေရတာနဲ့ အချိန်တွေအများကြီးကုန်သွား တယ်လို့ ဆိုနိုင်တယ်။ အခုဒို့ဒကာတွေအတွက်လည်း ပထမ ဒိဋ္ဌိတောကိုရှင်းပစ်ရလိမ့်မယ်။ ဒုတိယတဏှာ တောကိုရှင်းရမယ်လို့မှတ်ကြ။
အခုနေမှာ ခင်ဗျားတို့တစ်တွေက ရှင်းချင်ရာရှင်းနေ ကြတော့ လိုရင်းမရောက်ကြဘူး။ ပထမရှင်းရမယ့် ဒိဋ္ဌိကို ဒုတိယ၊ ဒုတိယရှင်းရမယ့် တဏှာကိုပထမ လုပ်နေတော့ အရင်ဟာကနောက်၊ နောက်ဟာက အရင်ဖြစ်နေကြတယ်။ ဒီလိုပြောင်းပြန်ဖြစ်နေတော့ တရားမရကြဘူး။ တရားအရနိုင်တော့ပါရမီလှည့်ချ ကြတယ်။
သာဝကဉာဏ်အရာမှာ ပါရမီမဆိုနဲ့။ ပါရမီမလိုဘူး။ ပါရမီကရှိကြပြီးသား။ လူအဖြစ်ကိုလည်းရနေကြ ပြီ။ သာသနာနဲ့လည်းကြုံနေရပြီ။ ထောင်နိုင်တဲ့နား လည်းပါကြတယ်။ ဒါတွေပြည့်စုံရက်နဲ့တရားမရ တာဟာ ကျင့်စဉ်မမှန်လို့မရကြတာပဲလို့ဆုံးဖြတ် ချက်ချ။ ကျင့်စဉ်မမှန်ရင်ဘယ်အခါမှ နိဗ္ဗာန်မရ နိုင်ကြဘူး။ ကျင့်စဉ်မှန်မှနိဗ္ဗာန်ရကြမယ်။
သုံးဆယ့်နှစ်ကောဋ္ဌာသဆိုတဲ့အကျင့် တချို့ ကျင့်ကြတယ်။ သုံးဆယ့်နှစ်ကောဋ္ဌာသအကျင့် ကတဏှာသတ်တရား။ တဏှာသတ်ဖို့အချိန် မဟုတ်ဘဲ တဏှာသတ်နေတော့အကျင့်လွဲ နေတာပေါ့။ ဒါနဲ့ပဲသူများပါးစပ်ဖျားလမ်းဆုံး နေကြရတယ်။
ပထမသောတာပန်ဖြစ်ဖို့ ဒိဋ္ဌိသတ်ရမယ်။ ဒိဋ္ဌိသတ်ပြီးတဲ့နောက်မှ တဏှာသတ်ရမယ်။ အဲဒီဓမ္မသဘာဝအစဉ်ကို ဇောက်ထိုးမိုးမျှော် ထင်ရာလုပ်နေတော့ ခရီးမရောက်တော့ဘူး။
ဘုရားလက်ထက်က ယမကဆိုတဲ့ရဟန်း တစ်ပါးရှိတယ်။ အဲဒီယမကရဟန်းကရဟန္တာ သေရင် ပြတ်တယ်လို့ယူတဲ့ ဥစ္ဆေဒအယူရှိနေ တယ်တဲ့ ခန္ဓ၀ဂ္ဂသံယုတ်ပါဠိတော် ယမက သုတ်မှာပါတယ်။
တထာဟံ ဘဂ၀တော ဒေသိတံ ဓမ္မံ အာဇာနာမိ။
ဘုရားဟောတဲ့အတိုင်းငါသိပါတယ်တဲ့။
ယထာခီဏာသဝေါဘိက္ခု ကာယဿ
ဘေဒါဥစ္ဆိဇ္ဇတိန ယော တိပရံမရဏာ
ရဟန္တာသေရင်ပြတ်တယ်။ ပျောက်သွားတာပဲ။ သေပြီးတဲ့နောက်မဖြစ်တော့ဘူးတဲ့ အဲဒီလို မိစ္ဆာဒိဋ္ဌိအယူရှိပြီးဖြစ်နေတယ်။
သာဝတ္ထိပြည်ဇေတ၀န်ကျောင်းတော်မှာ အရှင်သာရိပုတ္တရာမထေရ်သီတင်းသုံးနေတဲ့ အခါဖြစ်တယ်။ အဲဒီအခါမှာ ယမကရဟန်းက သူ့အယူရှိတဲ့အတိုင်း သီတင်းသုံးဖက်ဖြစ်တဲ့ ရဟန်းများကို လှည့်ပြီးပြောဆိုနေတယ်တဲ့။ ဘုရားဟောတာငါသိပါတယ်။ ရဟန္တာသေရင့် ပြတ်တယ်။ နောက်မဖြစ်တော့ဘူး။ တစ်ခါ တည်းပျောက်သွားတာပဲတဲ့။ ဘုရားကဒီလို ဟောတယ်ဆိုပြီး ၀ါဒလည်ဖြန့်တယ်တဲ့။
ဒါနဲ့သီတင်းသုံးဖော်ရဟန်းတော်တွေက အဲဒီယမကရဟန်းတော်ကို ၀ိုင်းဝန်းတားမြစ် ဆုံးမကြပါတယ်။ ငါ့ရှင်ယမက ဒီလိုမပြော မဟောပါနဲ့တဲ့။ ဘုရားက ဒီလိုမဟောဘူး ဆိုပြီး အကြိမ်ကြိမ် ဆုံးမတားမြစ်ကြပေ မယ့်နားမထောင်ဘူးတဲ့ အဲဒီလိုပြောဆို ဆုံးမလို့မရနိုင်ကြတာနဲ့ အရှင်သာရိပုတ္တရာ မထေရ်ထံသွားရောက်လျှောက်ထားကြတယ်။ ဒီတော့ အရှင်သာရိပုတ္တရာမထေရ်က ငါ့ရှင် ယမက အသင်ဟာဒီလို မိစ္ဆာအယူရှိပြီး ဒီအတိုင်းလည်ပြောနေတယ်လို့ ရဟန်းများ ပြောပြလို့သိရတယ်။ ဒီကြားတဲ့အတိုင်း မှန်သလား။
မှန်လှပါ။ ရဟန်းများလျှောက်ထားသည့် အတိုင်းပင်အမှန်ဖြစ်ပါသည်ဘုရား။
ဒါဖြင့်ငါ့ရှင်ကိုမေးမယ်။ သေသေချာချာ စဉ်းစားပြီးသင့်ဉာဏ်မြင်တဲ့အတိုင်းဖြေ ဆိုစမ်းလော့။
မှန်လှပါ ဉာဏ်မှီသမျှဖြေဆိုပါ့မည်ဘုရား။
င့ါရှင်ယမက၊ ရုပ်၊ ဝေဒနာ၊ သညာ၊ သင်္ခါရ၊ ၀ိညာဏ်ဆိုတဲ့ ခန္ဓာငါးပါးရုပ်တရားနာမ် တရားတွေဟာ မြဲသလား မမြဲဘူးလား။
မမြဲတဲ့အနိစ္စ စင်စစ်အမှန်ပင်ဖြစ်ပါသည် ဘုရား။
ဒီမမြဲတဲ့အနိစ္စ ငါးပါးကိုသုခလို့ဆိုရမလား။ ဒုက္ခလို့ဆိုရမလား။
မှန်လှပါ။ မမြဲတဲ့သဘောဟာ ဒုက္ခစင်စစ် ပင်ဖြစ်ပါသည်ဘုရား။
ဒီမမြဲလို့ ဒုက္ခအမှန်ဖြစ်တဲ့ခန္ဓာငါးပါးကို ငါ့အတ္တပဲ ငါ့ကိုယ်ပဲလို့ စွဲယူသင့်ပါသလား။
မမြဲလို့ဆင်းရဲတဲ့သဘောဖြစ်တဲ့အတွက် ငါ့အတ္တ ငါ့ကိုယ်ပဲလို့ စွဲယူစရာမရှိပါဘုရား။
ဒီဒုက္ခစင်စစ်ဖြစ်တဲ့အတွက် ငါ့အတ္တပဲလို့ စွဲယူဖို့ရာမသင့်တဲ့ ခန္ဓာငါးပါးကိုပုဂ္ဂိုလ်ဆို ထိုက်ပါသလား။ သတ္တ၀ါဆိုထိုက်မလား။
ဒီခန္ဓာငါးပါးကို ပုဂ္ဂိုလ်သတ္တ၀ါမဟုတ်။ ပုဂ္ဂိုလ်သတ္တ၀ါကတစ်ခြား၊ ခန္ဓာငါးပါးက တစ်ခြားလို့ရောဆိုမလား။
အဲဒီလို မဆိုရပါဘုရား။
ဒါဖြင့်ခန္ဓာငါးပါးမှာ ပုဂ္ဂိုလ်သတ္တ၀ါတည်ရှိ နေတယ်လို့ရော ယူဆထိုက်သလား။
အဲဒီလိုမယူဆထိုက်ပါဘုရား။
ငါ့ရှင်ယမက ခန္ဓာငါးပါးဟာ ပုဂ္ဂိုလ်သတ္တ၀ါ မဟုတ်၊ ခန္ဓာငါးပါးက အလွတ်မှာ ပုဂ္ဂိုလ် သတ္တ၀ါလို့လည်းမရှိ၊ ဒီလိုပုဂ္ဂိုလ်သတ္တ၀ါ ဆိုစရာမရှိ၊ စင်စစ်မရှိရိုးမှန်ပါလျှင် ရဟန္တာ သေရင် ပြတ်တယ်လို့ အသင်ယူတဲ့အယူ ၀ါဒဟာ သင့်မြတ်မှန်ကန်ပါသလား။
မှန်လှပါဘုရား။ တပည့်တော်ရှေးကမလိမ္မာ လို့ ယူမိပါသည်။ သည်းခံတော်မူပါဘုရား။ ယခုအရှင်ဘုရားရဲ့ကျေးဇူးတော်ကြောင့် အရှင်ဘုရား၏တရားစကားကိုကြားနာရ သဖြင့် မိစ္ဆာအယူလည်းပျောက်ကင်းပါပြီ။ တရားအထူးကိုလည်းသိမြင်ရပါပြီဘုရား။
ကောင်းပါပြီ ဒါဖြင့် ရဟန္တာပုဂ္ဂိုလ်သေရင် ဘယ်လိုဖြစ်သလဲလို့ ငါ့ရှင်ကိုသူများတွေ က မေးခဲ့ကြရင် ဘယ်လိုပြောမလဲ။
ခန္ဓာငါးပါးသာပဲရှိလို့ ခန္ဓာငါးပါးမှာလည်း ရုပ်ခန္ဓာတစ်ပါး နာမ်ခန္ဓာလေးပါးပဲရှိတဲ့ ရုပ်နာမ်တရားဟာမမြဲတဲ့ အနိစ္စမျိုးသာ အမှန်ဖြစ်တယ်။ အနိစ္စမျိုးမှန်သမျှဒုက္ခမျိုး သာအမှန်ဖြစ်တယ်။ ပုဂ္ဂိုလ်သတ္တ၀ါရဟန္တာ ပုဂ္ဂိုလ်လို့ဆိုစရာမရှိ။ တကယ်ဆိုစရာ ရဟန္တာရယ်လို့မရှိတော့ ရဟန္တာသေတယ် လို့လည်းဆိုစရာမရှိ၊ သေပြီးတဲ့နောက်ပြတ် တယ် မပြတ်ဘူးလို့လည်း ဆိုစရာမရှိ၊ ဒုက္ခ မျိုးအမှန်ဖြစ်တဲ့ ခန္ဓာငါးပါးသာ ချုပ်ဆုံးသွား တာပဲ။ ခန္ဓာငါးပါးသာကွယ်ပျောက်သွားတဲ့ သဘောပဲလို့ ပြောကြားပါမည်ဘုရား။
သာဓု သာဓု ငါ့ရှင် ယမက ကောင်းလေစွ ကောင်းလေစွ ဒီလိုအရှင်သာရိပုတ္တရာက ၀မ်းမြောက်ဝမ်းသာ သာဓုခေါ်ပြီးဇေတ၀န် ကျောင်းတော်သို့ပြန်ကြွတော်မူတယ်။
ရုပ် ဝေဒနာ သညာ၊ သင်္ခါရ ၀ိညာဏ်ဆိုတဲ့ ခန္ဓာငါးခု ရုပ်နာမ်အစုဟာ အမြဲတမ်းဖြစ်ပြီး ပျက် ဖြစ်ပြီးပျက်နဲ့ အမှန်အရှိက ဖြစ်ပျက် ပဲ ရှိနေတာ။ ဒီဖြစ်ပျက် အနိစ္စအချက်ကို ပိုင်နိုင်ရင် ဒုက္ခအချက်ပိုင်မယ်။ ဒုက္ခအချက် ပိုင်ရင် အနတ္တအချက်ပိုင်မယ်။ အနတ္တအချက် ပိုင်ရင် အတ္တဒိဋ္ဌိ၊ ပုဂ္ဂလဒိဋ္ဌိကွာရော၊ အတ္တ ဒိဋ္ဌိကွာတော့ ရဟန္တာရယ်လို့တကယ်မရှိတဲ့ အဖြစ်ကို သိမြင်လာမယ်။ ဒီလိုသိမြင်လာ ပြီးတော့ သေပြီးတဲ့နောက်ပြတ်တယ်ဆိုတဲ့ ဥစ္ဆေဒဒိဋ္ဌိလည်း ပြုတော့တာပဲ။ နဂိုကမှ ပုဂ္ဂိုလ် ရဟန္တာလို့ တကယ်မရှိတာမို့သေရင် ပြတ်တယ် မပြတ်ဘူးလို့ ဆိုစရာမရှိတော့ ဘူးပေါ့။
ဒီအခုပြောတဲ့ဆက်မှား ပြတ်မှားဆိုတဲ့ မိစ္ဆာအယူတွေ မိမိသန္တာန်မှာ ရှိနေသလား။ မရှိဘူးလား ကိုယ်တိုင်စမ်းစစ်ပြီး ကြည့်ကြ တကယ်လို့များရှိနေသေးရင် မကွာကွာ အောင် ခွါထုတ်ပစ်ကြ။ ဒီသဿတ၊ ဥစ္ဆေဒစတဲ့အယူမျိုးတွေရှိနေရင် မဂ်လမ်း ဖိုလ်လမ်းနဲ့ဖီလာဖြစ်သွားမယ်။
ဒိဋ္ဌိကွာအောင် ဘယ်လိုလုပ်ရမလဲ။ အကြောင်းကြောင့်အကျိုးဖြစ်တယ်။ အကြောင်းတရားကပြုပြင်လို့အကျိုးတရား ပေါ်လာတယ်။ နောက်ဘ၀က မသိလို့ အမျိုးမျိုးတွေ လုပ်ခဲ့ကြတယ်။ အဲဒီ အမျိုးမျိုးလုပ်ခဲ့တဲ့အကြောင်းကြောင့် ဒီဘ၀မှာဝိညာဏ်ပေါ်တယ်။ ဒီဝိညာဏ် ကြောင့်နာမ်ရုပ်ပေါ်၊ အဲဒီလိုသင်္ခါရ အဆက်ဆက်ဖြစ်ပြီး ချုပ်နေတာပဲရှိ တယ်။ ဒီလိုသိရင် ဥစ္ဆေဒဒိဋ္ဌိပြုတ်မယ်။
ယမကရဟန်းရဲ့ဒီနေရာမှာ သင်္ခါရဖြစ်ပြီး ချုပ်တာပဲရှိတယ်။ ရဟန္တာသေတာရယ်လို့ မရှိဘူး။ ရှေ့သင်္ခါရဖြစ်ပြီးချုပ်၊ နောက် သင်္ခါရ ဖြစ်ပြီးချုပ်၊ ဒီလိုရုပ်နာမ်သင်္ခါရ အဆက်ဆက်ဖြစ်ချုပ်တွေပဲရှိတယ်။ သင်္ခါရချုပ်ဆိုတာ ဒုက္ခအစုချုပ်တာရဟန္တာ သေတာမဟုတ်၊ ဒုက္ခအစုတွေချုပ်တာပဲ တကယ်ရှိတယ်လို့သိရင်ဒိဋ္ဌိစင်ပြီဆိုတာ မှတ်ကြ။
သင်္ခါရဒုက္ခအစုချုပ်တော့ အသင်္ခတသုခရ တယ်။ သင်္ခါရဒုက္ခအစုတွေကလွန်မြောက် သွားပြီး အသင်္ခတသုခဆိုတဲ့ ဒီဘက်ကူး သွားတယ်လို့မှတ်ထားကြ။
တို့ဒကာတွေ ပြောတတ်ရှာတယ်။ သိရင် ပြီးရော၊ သိရင်ပြီးတာပဲ။ ဘာမျှမလိုတော့ ဘူးတဲ့။ အသိဖြစ်ရုံနဲ့ အပါယ်စိတ်မချရဘူး လို့ မြဲမြဲမှတ်။ အသိကလေးနဲ့မရ။ အကျင့် နဲ့ဖြတ်နိုင်မှသာ သေချာမယ်။ ၀ါးလုံးခေါင်း ထဲလသာပြီး ကိုယ့်အသိကလေးနဲ့ကိုယ် တော်လေရဲ့အောက်မေ့ပြီး ကျေနပ်မနေ ကြနဲ့။
လောကထဲမှာ သင်္ခါရဒုက္ခနဲ့နေကြရလို့ သတ္တ၀ါမှန်သမျှ အားလုံးလူဆင်းရဲချည်း ဆိုတာ သိထားကြပါ။ သဘောပါကြပလား။ ကဲကြိုးစားကြ။
မိုးကုတ်ဆရာတော်ဘုရားကြီး
ဒိဋ္ဌိသစ်ငုတ်အမြစ်ဖြုတ်တရားတော်

အတုနှင့် အစစ် ခွဲခြားသိရန်

ခရီးသွား လူတစ်ယောက် ဟာ ဇရပ် တစ်ဆောင်ပေါ်မှာ တက်ပြီး အနားယူတယ်။

ညရောက်တော့ လူသေအလောင်း ကောင်ကို ထမ်းပြီး ဘီလူးတစ်ကောင် ဇရပ်ပေါ်ရောက်လာတယ်။
ခရီးသည်ကြီး သိပ်ကြောက်နေတာပေါ့။

ခဏနေတော့ နောက်ဘီလူးတစ်ကောင် ဝုန်းကနဲ ပေါ်လာပြန်တယ်။
ဘီလူးနှစ်ကောင်ဟာလူသေအလောင်းကို စားမလို့ လုကြတယ်။
သူ့ဟာ ငါ့ဟာ ဆိုပြီး အငြင်းအခုန် ဖြစ်ကြတယ် ။
ဒီတော့ ခရီးသည်ကြီးဆီက အဆုံးဖြတ်ခံ မယ်ဆိုပြီး ပြောကြတယ်။
ခရီးသည်ကြီးက မဆုံးဖြတ်ရဲဘူး။ တစ်ကောင်ကို အနိုင်ပေးရင် နောက်တစ်ကောင်က မကျေနပ်ပဲ သူ့ကို စားမှာကြောက်ရတယ်။
မဆုံးဖြတ်လို့ကလည်းမဖြစ်ဘူး။ဘီလူးတွေက ခိုင်းနေတော့ ကြောက်လို့ လုပ်ကိုလုပ်ရတော့မယ်။
ကြောက်ကြောက် နဲ့ ပထမဘီလူးသည်သာ အလောင်းကိုရထိုက်ကြောင်း အမှန်အတိုင်း ဆုံးဖြတ်ပေးလိုက်တယ်။
ဒီတော့ နောက်ရောက်လာတဲ့ဘီလူးက မကျေမနပ်ဖြစ်ပြီး သူ့ကို စားမလို့ လုပ်တော့တယ်။
ခရီးသည်ကြီးက ရဲ့ လက်တစ်ချောင်းကို ဆွဲဖြုတ်တယ်။
ပထဘီလူးက အမှန်အတိုင်းဆုံးဖြတ်ပေးတဲ့ အတွက် ကျေးဇူးတင်ပြီး ပြုတ်သွားတဲ့ လက်နေရာမှာ အလောင်းကောင်က လက်ကို တပ်ပေးလိုက်တယ်။
ဒုတိယဘီလူးက နောက်လက် တစ်ဘက်ထပ်ဖြုတ်တယ်။ ပထမဘီဘူးက အလောင်းကလက်ကို ထပ်တပ်ပေးတယ်။
ဒီလိုနဲ့ ဒုတိယဘီလူးက အင်္ဂါအစိတ်ပိုင်းတစ်ခုဆီ ကိုဖြုတ်ပြီး စားလိုက် ၊ပထမဘီလူးက ပြန်တပ်ပေးလိုက်နဲ့ နောက်ဆုံး ဒုတိယဘီလူး အားလုံးကို စားလို့ ကုန်သွားပေမဲ့ ခရီးသည်ကြီးမှာတော့ အင်္ဂတစ်ခုမှ ချွတ်ယွင်းမှုမရှိတော့ဘူး။
ဘီလူနှစ်ကောင် ဇရပ်ပေါ်က ပြန်သွားတော့ သူ့ကိုယ်သူကြည့်လိုက်တယ်။ သူ တော့ သူ ပဲ ။ ဒါပေမဲ့ သူ မဟုတ်တော့တာကို သွားတွေ့တယ်။
အားလုံးဟာ အစားထိုးတားတဲ့ သူ ဖြစ်နေတယ်။
ဖတ်ခဲ့ဖူးတဲ့ ဂျပန်ပုံပြင်လား ကိူရီယား ပုံပြင်လားတော့ မမှတ်မိတော့ပါဘူး။
ပုံပြင်ရဲ့ ဆိုလိုချက်ကို သဘောပေါက်ကြမလားပဲ။
ကျွန်ုပ်တို့ဟာ ငါ မဟုတ် သော ငါ တွေ ပါ။
အချိန်တိုင်း အစားထိုးနေ တာကို သတိမထားတတ်ကြဘူး။ စောစောက ငါ နဲ့ အခု ငါ ကို အတူတူထင်နေကြတယ်။
မဟုတ်တော့ ဘူးနော်။ အသစ်ဖြစ်သော ငါ ဖြစ်နေပြီ။
စောစောက ငါ နဲ့ အခု ငါ ဟာ အတူတူမဟုတ်တော့ဘူး။ စောစောက ငါ ရဲ့အကြောင်း အထောက်ပံ့ကြောင့် အသစ်ဖြစ်လာတဲ့ ငါ ဖြစ်နေတာ။ ဒါကြောင့် အတူတူမဟုတ်ပေမဲ့ ပတ်သက်မှု တော့ရှိနေတယ်။
ဖယောင်းတိုင် မီးတောက်လေးတစ်ခု ဟာ မီးဇာစလေး တစ်ခုကို လောင်ပြီးတာနဲ့ အပြီးငြိမ်းသွားပြီ။ ဒါပေမဲ့ နောက်မီးဇာကို ဆက်လောင်ဖို့ ပထမမီးတောက်က အကြောင်းဆက်ပေးခဲ့ရတယ်။
ဒါကြောင့် မီးဇာတွေအဆက်မပြတ် လောင်ပြီး မီးတောက်အလျဉ်အဖြစ် ကျွန်ုပ်တို့ မြင်နေကြရတာဖြစ်တယ်။
ဖယောင်းတိုင်နှစ်တိုင် ကို ယှဉ်ကြည့်။ ပထမ ဖယောင်းတိုင်က မီး ကို ဒုတိယ ဖယောင်းတိုင်မှာ ကူးလိုက်။
ဒုတိယ ဖယောင်းတိုင်ရဲ့ မီးဟာ ပထမဖယောင်းတိုင်မီးတော့မဟုတ်ဘူး။ ဒုတိယဖယောင်းတိုင်က မီးဇာကိုစွဲပြီး လောင်နေတဲ့ မီးအသစ်သာဖြစ်တယ်။
အသစ်မီး ဆိုပေမဲ့ ပထမဖယောင်း တိုင်မီးရဲ့ အကြောင်းကြောင့်သာ ဒုတိယ ဖယောင်တိုင် မီးဇာလောင်နိုင်တာဖြစ်တယ်။
ဒါကြောင့် ပထမ နဲ့ ဒုတိယ သည် မတူပေမဲ့ အကြောင်းလည်း မကင်းကြပြန်ဘူး။
ဒါကိုပဲ တစ်ခုတည်းလည်းမဟုတ် ၊ သီးခြားလည်းမဟုတ် အကြောင်းကြောင့်အကျိုး လို့ ဗုဒ္ဓ ဟောကြားခဲ့တာဖြစ်တယ်။
ဖယောင်းတိုင် နှစ်တိုင်ကို ပူးထားလိုက်ရင် မီးတောက်တစ်ခုအဖြစ်ပဲ ရှိနေတယ်လို့ မြင်နေရတယ်။ အမှန်တော့ သူ့မီးဇာနဲ့ သူ သီခြားဆီ လောင်နေတာသာဖြစ်တယ်။
အမြဲလည်းရှိနေတာမဟုတ်ဘူး။မီးဇာအမှုန်မွှားလေးတွေကို လောင်လိုက် ၊ကုန်သွားလိုက်၊ နောက်မီးဇာလေးတွေကို လောင်လိုက်နဲ့ အရမ်းလျင်မြန်လို့ အမြဲရှိနေတဲ့မီးတောက်တစ်ခုအဖြစ် စိတ် ကို လှည့်စားသွားတာသာဖြစ်တယ်။
ဒါ ဝိပ္ပလ္လာသ ဆိုတဲ့ ဖောက်ပြန် မှားယွင်းစွာ မြင်မှုတွေဖြစ်တယ်။
ညအခါ ကောင်းကင်ကို ကြည့်လိုက်ရင် ကြယ်တွေကို တွေ့ရတယ်။
ဒီကြယ်တွေဟာ ကမ္ဘာနဲ့ မိုင်သန်းချီဝေးကြတယ်။
သူတို့ရဲ့အလင်းကမ္ဘာ ကိုရောက်ဖို့ နှစ်တွေအများကြီးဖြတ်လာရမှာပဲ။
ဒါဆိုရင် သူတို့ကိုကျွန်ုပ်တို့ မြင်နေရတာဟာ အလင်းသာဖြစ်လို့ အဲဒီအလင်းကျွန်ုပ်တို့ မျက်စိမှာ ထိခတ်ချိန်မှာ နဂိုမူလကြယ် မဟုတ်နိုင်တော့ဘူး။နှစ်နဲ့ချီပြီးကြာခဲ့ပြီ် ဖြစ်နေပြီပဲ။
အတိတ်က ကြယ်ကြီးဖြစ်နေပြီ။။အတော်အံ့ဖို့ကောင်းတဲ့ သဘာဝပဲ။
မိမိအရှေ့က မြင်နေရတဲ့ အရာကို သွားကိုင်ကြည့်လိုက်ရင် မူလမြင်ရတဲ့ အရာမဟုတ်တောပြန်ဘူး။ ထိမိ တဲ့ အချိန်မှာ အစားထိုးလာတဲ့ အသစ် ကြီးဖြစ်နေပြန်ပြီ။
ဒါဆို လောကဆိုတာ အတုတွေနဲ့ ကျင်လည်နေကြတာပေါ့။
သတ္တလောက ဆိုတဲ့ သတ္တဝါ တွေကိုကြည့်ရင် အစစ်ကို မတွေ့ရဘူး။
သြကာသလောက ဆိုတဲ့ သတ္တဝါ တွေရဲ့ ဖြစ်ရာဘုံကို ကြည့်ရင်လည်း အတုတွေပဲ။
သင်္ခာရလောက ဆိုတဲ့ရုပ်နာမ် သာလျင် အစစ်ဖြစ်တယ်။
အစစ်ဆိုတာက ကြာရှည်မခံဘူး။ တကယ့်ခဏတာလေးရယ်။ ဒါကိုမသိတော့ အတုကို အစစ်ထင်ပြီး အမြဲရှိနေတယ်လို့ ယူဆသွားသွားကြတယ်။
ကျွန်ုပ်တို့ ခရီးသွားတွေလည်း ငါ မဟုတ်သော အတု ငါ ဖြစ်နေတာကို သိမှ ဒီခန္ဓာကို မုန်းတော့မှာပေါ့။
အတု နဲ့ အစစ် ခွဲခြားသိကြပါစေ။
အရှင်ပညာသီရိ(ရမ္မာကျွန်း)

သိမ်ဟူသည် အဘယ်နည်း ?

သံဃာတော်များ ကံကြီးကံငယ်ပြုရာ နေရာဋ္ဌာနကို သ်ိမ်ဟုခေါ်သည်။
သိမ်ဟူသည် ရှိသမျှ ရဟန်းတော်များ တစုတဝေးတည်း အညီအညွတ် ပေါင်းစု၍ ကံကြီးကံငယ်ဆောင်ရာ နယ်တခုအဖြစ် သီးခြားသတ်မှတ်ထားသောနေရာပင်ဖြစ်သည်။ ရဟန်းတော်တို့ခြည်း သာပြုလုပ်ဆောင် ရွက်ရသော ရဟန်းခံခြင်း၊ ဥပုသ်ပြုခြင်း၊ ပဝါရဏာပြုခြင်း၊ ကထိန်သင်္ကန်းပေးခြင်းစသော ကိစ္စများကို သာသနာတော် အသုံးအနှုန်းအားဖြင့် ကံကြီးကံငယ် ဟုခေါ်၏။ ထိုကံကြီးကံငယ်တို့တွင် တခုခု ကို ဆောင်ရွက်လိုသောအခါ ရဟန်းတော်တို့ သိမ်အတွင်း စုဝေးကြရသည်။ ထိုသို့စုဝေးရာ၌ တပါးနှင့်တပါး ၂-တောင့်ထွာ်ထက် မဝေးစေဘဲ ထိုင်နေစည်းဝေးခြင်းကိုပင် ကာယသာမဂ္ဂီ ပေးသည်ဟုခေါ်သည်။ ကိုယ်ဖြင့်ညီညွတ်မှု သဘောတူ ကျေနပ်မှုကို ပြသည်ဟုဆိုလိုသည်။

ထိုသို့စည်းဝေး၍ ကံပြုသောအခါ အစွန်ဆုံးရဟန်းမှ အပြင်ဖက် ၂-တောင့်ထွာ အရပ်အတွင်းသို့ လူဝတ်ကြောင်၊ သာမဏေစသူတို့ မဝလာ မရှိစေရပေ။ ဝင်လာခဲ့ ရှိခဲ့သော် ပြုဆဲကံ မပျက်သော်လည်း ကံပြုသော ရဟန်းတော်တို့ အာပတ်သင့်လေသည်။ ထို့ကြောင့် ကံပြုနေစဉ် အဆိုပါပုဂ္ဂိုလ်များ မဝင်လာ မရှိစေဖို့ အရေးကြီးသည်။ ထို့အပြင် ကံပြုနေသော သံဃာ၏ ၂-တောင့်ထွာအရပ်၌ အပြင်ဘက်သိမ်နယ်ပယ်အတွင်း တနေရာ၌ ရဟန်းတပါးပါး သို့မဟုတ် ၂-ပါး၊ ၃-ပါးစသည် မရှိစေဖို့လည်း အရေးကြီးပြန်သည်။ ယင်းသို့ရှိလျှင် ကာယသာမဂ္ဂီကို မပေးသဖြင့် ပြုသောကံကို သဘောမတူရာ ရောက်သောကြောင့် ပြုဆဲကံပျက်လေသည်။ ထို့သို့သိမ်နယ်ပယ်တခုအတွင်းမှာပင် ကံပြုသံဃာ၏ ၂-တောင့်ထွာ အရပ်မှ လွှတ်လျက် အခြားရဟန်းဖြစ်စေ၊ ရဟန်းများဖြစ်စေ ရှိနေခြင်းကို ဝဂ်ဖြစ်သည်ဟု ခေါ်လေသည်။ အစုကွဲသည်ဟု ဆိုလိုပေသည်။

သာသနာတော် အရှည်တည်တံ့နိုင်ရန် ရဟန်းတော်များ အဆက်မပြတ်ရှိနေဖို့ အရေးကြီးသည်။ ရဟန်းအဖြစ်သို့ ရောက်အောင် ဆောင်ရွက်ရန်မှာလည်း သိမ်တမျိုးမျိုးမရှိပဲ မဖြစ်နိုင်ပေ။ ထို့ကြောင့် သိမ်သည် သာသနာတော် အရှည်တည်တံ့ရေးတွင် ရေသောက်မြစ်ပမာ လွန်စာ ရေးကြီးသောအရာ ဖြစ်ပေသည်။
သိမ်အမျိုးအစားအကျဉ်း
ထိုသိမ်သည် အကျဉ်းအားဖြင့် ၂-မျိုး၊ ၂-စားရှိ၏။ ယင်းတို့ကား ၄ပါး၊ ၄ပါးထက်များသော ရဟန်းတော်တို့ စုပေါင်း၍ ဉ တ်ကမ္မဝါစာဖတ်၍ မသမုတ်ရပဲ အလိုလိုသိမ်ဖြစ်နေသော သိမ်တို့ဖြစ်လေသည်။ ထို ၂-မျိုးတွင် ပထမအမျိုးအစားကို ဗဒ္ဓသိမ် (ဉ တ်ကမ္မဝါစာဖြင့် ဖွဲ့အပ်သောသိမ်ဟု ခေါ်၍ ဒုတိယအမျိုးအစားကို အဗဒ္ဓသိမ် (ဉ တ်ကမ္မဝါစာဖြင့် မဖွဲ့အပ်သောသိမ်) ဟု ခေါ်လေသည်။
ထို ၂-မျိုးတွင်လည်း ဗဒ္ဓသိမ်သည် (၁) ခဏ္ဍသိမ် (၂) သမာနသံဝါသကသိမ် (၃) အဝိပ္ပဝါသသိမ်ဟု ၃မျိုးပြား၍ အဗဒ္ဓသိမ်လည်း (၁) ဂါမသိမ် (၂) ဥဒကုက္ခေပသိမ် (၃) သတ္တဗ္ဘန္တရသိမ်ဟု ၃မျိုးပင် ပြားပြန်သည်။ (ခဏ္ဍသိမ်စသည်၏ အဓိပ္ပါယ်ကို လာလတ္တံ့ ကထာတို့၌ ပြဆိုပါမည်။)
ဂါမ- ဂါမသိမ်- ဂါမခေတ်
အထက်၌ပြခဲ့သော ဗဒ္ဓသ်ိမ်၊ အဗဒ္ဓသိမ် ၂-မျိုးတို့တွင် ဗဒ္ဓသ်ိမ်ဟူသည် ဂါမ သိမ်ပေါ်မှာ သမုတ်ရသော သိမ်ဖြစ်၏။ ထို့ကြောင့် ဗဒ္ဓသိမ်ကို လေ့လာ သောအခါ ရှေးဦးစွာ ဂါမသိမ်အကြောင်းကို နားလည်ရန် လိုအပ်ပေသည်။

ဂါမသိမ် ဟူသော စကားမှာ ဂါမသီမာဟူသော ပါဠိစကားမှလာသော စကား ဖြစ်၏။ ထို၏အနက်မှာ ရွာအပိုင်းအခြား ဖြစ်၏။ ရွာအပိုင်းအခြားဟူသည်မှာလည်း လူတို့နေရာ ရွာသက်သက် (စည်းရိုးအတွင်း) သာမက ထိုရွာပိုင်ဆိုင်ရာ ကုန်းမြေများအပါအဝင် ရွာအရပ်ကိုပင် ဤသိမ်ဆိုင်ရာ၌ ဂါမဟု လည်းကောင်း၊ ဂါမခေတ်ဟုလည်းကောင်း၊ ဂါမသိမ်ဟုလည်းကောင်းခေါ်ပေသည်။ အကျဉ်းအားဖြင့် အစိုးရ တို့က ရွာတရွာနယ်မြေဟု သတ်မှတ်ထားသော အရပ်ကို ဂါမသိမ်တခုဟု ခေါ်ဆိုရသည်။

ထိုဂါမသိမ်အတွင်းရှိ မြစ်၊ ဆားငန်ချောင်း၊ ဇာတဿရ (အလိုလိုဖြစ်သော) အိုင်တို့ကိုကား ဂါမသီမာဟူသောပုဒ်၏ တိုက်ရိုက် အနက်မှာ ရွာအပိုင်းအခြားဖြစ်သော်လည်း ဤအရာ၌ ဆိုခဲ့ပြီး ရွာအပိုင်းအခြားသာမကပဲ နိဂုံးအပိုင်းအခြား၊ မြို့အပိုင်းအခြားတို့ကိုလည်း ဂါမသိမ်ဟု ခေါ်ရလေသည်။

ထိုကြောင့် အကျဉ်းချုပ်လိုက်လျှင် ရွာအပိုင်းအခြား နိဂုံး (ရွာကြီး) အပိုင်းအခြား၊ မြို့အပိုင်းအခြား အားလုံးကိုပင် ဂါမ၊ ဂါမသိမ်၊ ဂါမခေတ်ဟု ဆိုအပ်တော့သည်ဟု မှတ်အပ်၏။ ပြဆိုခဲ့ပြီးသော ရွာအပိုင်းအခြား၊ နိဂုံးအပိုင်းအခြား၊ မြို့အပိုင်းအခြား အရပ်တို့သည် ဉ တ်ကမ္မဝါစာဖြင့် မသမုတ်ရပဲ အလိုလိုသိမ်ဖြစ်နေသော အရပ်များဖြစ်လေ သည်။ ထို့ကြောင့် အဆိုပါဂါမသိမ်တို့၌ ရဟန်းတော်တို့သည် တစုတည်းပေါင်းစု၍ ဥပုသ်ပြုခြင်း၊ ရဟန်းခံခြင်း စသော သံဃာ့ကံများကို ဆောင်ရွက်နိုင်ကြတော့သည်။ (ဝိနယာလင်္ကာရ ပ၊ ၃၄၈။ ဤကား မှတ်နှင့်ရုံသာ၊ အကျယ်ကို အဗဒ္ဓသိမ်အခန်းမှာ ရှုပါရန်)။

ဘာကြောင့် သိမ်သမုတ်ရသနည်း
အထက်၌ပြခဲ့သည့်အတိုင်း ရွာအပိုင်းအခြားစသော ဂါမသိမ်သည် အလိုလိုဖြစ်နေခဲ့သော် ရဟန်းတော်တို့သည် အဘယ်ကြောင့် ထိုဂါမသိမ်အတွင်း၌ ဗဒ္ဓသိမ်တို့ကို သမုတ်ကြသနည်း။ အလုပ်ပိုကို လုပ်နေသည်နှင့် မတူပါ လောဟု စောဒနာဖွယ်ရှိ၏။ အဖြေကား ဤသို့တည်း။

သံဃာတော်များ ကံကြီးကံငယ် ပြုသောအခါ ကျယ်သည်ဖြစ်စေ၊ ကျဉ်းသည်ဖြစ်စေ သိမ်တခုအတွင်းရှိ ရဟန်း တော်အားလုံး ကံပြုရာအရပ်သို့ စုဝေးလာရောက်ကြရသည်။ အကယ်၍ မလာရောက်နိုင်သူ ရှိနေပါက ကံပြုခြင်းကို သဘောတူကြောင်း ဆန္ဒပေးလိုက်ရသည်။ ဆန္ဒမပေးပါက သိမ်နယ်၏ အပြင်ဘက်သို့ ထွက်နေ ရမည်။ ဤသို့ ဆန္ဒလည်းမပေး၊ စည်းဝေးရာသို့လည်း မလာရောက်၊ သိမ်အပြင်ဖက်ကိုလည်း ထွက်မနေသော ရဟန်းတပါးမျှပင် ရှိနေခဲ့သော် အခြားသံဃာအားလုံး စုဝေး၍ ပြုအပ်သောကံသည် အချည်းနှီးဖြစ်လေ တော့သည်။

ဤသို့ ဂါမသိမ် တခုအတွင်းရှိ သံဃာတို့ကို စုဝေးရန်မှာ တကျောင်း၊ နှစ်ကျောင်းမျှသာရှိသော ရွာငယ်တို့၌ ဖြစ်နိုင်စရာရှိသော်လည်း ကျောင်းများစွာရှိသော ရွာကြီးတို့၌မူ ဖြစ်နိုင်ရန် မလွယ်ကူလှပေ။ ထို့ပြင် ကံပြု နေစဉ်အတွင်း ကျယ်ဝန်းလှသော ဂါမသိမ်အပိုင်းအခြားအတွင်းသို့ အပြင်အပမှ ရဟန်းများမဝင်လာရန် စောင့် ရှောက်တားဆီးရသည်မှာလည်း ဖြစ်နိုင်စရာမရှိသော အလုပ်ဖြစ်လေသည်။ ရွာထက်ကြီးသော နိဂုံ၊ မြို့တို့၌မူ မဖြစ်နိုင်ဟုပင် ဆိုရပေမည်။

ယင်းသို့ ဂါမသိမ်သည် မသမုတ်ရပဲ သိမ်ဖြစ်နေသော်လည်း သံဃာများစွာရှိသော ဂါမသိမ်တို့၌ သံဃာသိမ်းရန် မလွယ်ကူမဖြစ်နိုင်သောကြောင့်လည်း၊ ယခုခေတ်ကဲ့သို့ မော်တော်ကား၊ မီးရထားစသော ယာဉ်တို့ဖြင့် ခရီး အသွားအလာ များသောအခါ၌ ဂါမသိမ်အတွင်းသို့ ပြင်ပရဟန်းများ မဝင်လာရန် တားဆီးစောင့်ရှောက်ဖို့ မဖြစ်နိုင်သောကြောင့်လည်းကောင်း။ လက်တွေ့အားဖြင့်မူ ယင်းဂါမသိမ်မှာ စိတ်ချလက်ချ သံသယ ကင်းရှင်း စွာဖြင့် ကံပြုနိုင်သောရော မဟုတ်ပဲ ဖြစ်နေလေတော့သည်။

ထို့ကြောင့် သံဃာအသိမ်ရလွယ်၍ စိတ်ချလက်ချ ချမ်းချမ်းသာသာ ကံပြုနိုင်ရန် အလို့ငှာ ကျယ်ဝန်းလှသော ဂါမသိမ်ထဲ၌ ဗဒ္ဓသိမ်များကို သမုတ်ကြရခြင်း ဖြစ်လေသည်။ ဗဒ္ဓသိမ် သမုတ်ထားသောအခါ ဂါမသိမ် တခုလုံး အတွင်းရှိ ရဟန်းများကို သိမ်းစရာမလိုတော့ပဲ သမုတ်ထားသည့်နေရာ (ဥပမာ- ကျောင်းတကျောင်းစာမျှ အရပ်) အတွင်းမှာသာ သံဃာကို သိမ်းရတော့သဖြင့် လွယ်လည်းလွယ်ကူသည်။ ဖြစ်လည်းဖြစ်နိုင်လေ တော့သည်။ ဗဒ္ဓသိမ်အပြင်ဘက် ဂါမသိမ်၌တည်သော ရဟန်းက ဗဒ္ဓသိမ်အတွင်း၌ ပြုအပ်သောကံကို မပျက်စေနိုင်တော့ပေ။ ကံပြုနေစဉ်အတွင်း အခြားရဟန်းများလည်း ဝင်ရောက်လာစရာ မရှိသလောက်ဖြစ်၍ နယ်နိမိတ်တို့၌ အစောင့်အရှောက်ထားရသည့် တာဝန်လည်း ပေါ့သွားလေတော့သည်။ ဤသို့လျှင် သံဃာ့ကံများကို စိတ်ချလက်ချ သံသယကင်းရှင်းစွာဖြင့် အောင်အောင်မြင်မြင်ပြုနိုင်ရန် အလို့ငှာ လည်းကောင်း၊ ဆိုခဲ့ပြီးတာဝန်များ ဒုက္ခများမှ ကင်းလွတ်ခွင့် ရစေရန်လည်းကောင်း၊ ဂါမသိမ်ပေါ်၌ ဗဒ္ဓသိမ် များကို သမုတ်ကြရခြင်းဖြစ်ရာ ထိုသို့သမုတ်ခြင်းမှာ အကျိုးလည်းရှိ၊ ကျေးဇူးလည်းများသော လုပ်ငန်းတရပ် ဖြစ်ပါတော့သည်။
ဘာကြောင့် သိမ်နုတ်ရသနည်း
သိမ်သမုတ်ရန် လိုအပ်သောကြောင့် သိမ်သမုတ်ကြရသည်ဖြစ်လျှင် မိမိတို့သမုတ်လိုသည့်နေရာ၌ သိမ်သမုတ်ရန်ပင် ဖြစ်သည်မဟုတ်ပါလော။ အဘယ့်ကြောင့် သိမ်မသမုတ်မီ သိမ်နုတ်ခြင်းကိစ္စကို ပြုလုပ်ကြပြန်ပါ သနည်းဟု မေးဖွယ်ရှိပြန်ပါသည်။

ဤအမေး၏အဖြေကို နားလည်နိုင်ရန် ရှေးဦးစွာ သိမ်ပျက် ၁၁- လုံးတို့တွင် အပါအဝင်ဖြစ်သော (က) စပ်၍ သမုတ်အပ်သောသိမ်နှင့် (ခ) လွှမ်းမိုး၍ သမုတ်အပ်သောသ်ိမ်။ ဤနှစ်မျိုးကို သိရှိနားလည်ရန် လိုအပ်ပေသည်။ သိမ်သမုတ်လိုသော မြေအရပ်အတွင်း၌ သိမ်ဟောင်းတခုခုရှိနေခဲ့လျှင် အသစ်သမုတ်သည့်သိမ်မှာ မအောင်မြင်တော့ပေ။ သိမ်သစ် သမုတ်မြေအတွင်း သိမ်ဟောင်းမှာ မြေအားလုံးသော်လည်းကောင်း၊ အယုတ်ဆုံးအားဖြင့် ရဟန်း ၄- ပါး ကံပြုလောက်ရုံ အရပ်သော်လည်းကောင်း ပါရှိနေခဲ့ပြီး သိမ်သစ်သမုတ်လျှင် ထိုသိမ်ကို လွှမ်းမိုး၍ သမုတ်အပ်သောသိမ်ဟု ခေါ်သည်။

ရဟန်းလေးပါးနေလောက်ရုံ အရပ်မှအောက် တဆံခြည်မျှပင်ဖြစ်စေကာမူ လွှမ်းမိုး၍ သိမ်သစ်သမုတ်လျှင် ထိုကို စပ်၍ သမုတ်အပ်သောသိမ် ဟုခေါ်သည်။ ထိုသိမ်နှစ်မျိုးလုံးပင် မအောင်မြင်သော သိမ်များဖြစ်၍ သိမ်ပျက်များ ဖြစ်လေသည်။ ထိုသို့စပ် လွှမ်း၍ သမုတ်အပ်သောအခါ နဂိုရှိရင်းသိမ်ဟောင်းတို့ကား ပျက်၍ မသွားကြပေ။ တည်မြဲတိုင်းပင် တည်ကြလေသည်။ (ဤ၌စပ်၊ လွှမ်း၏ အဓိပ္ပါယ်ကို သာရတ္ထ၊ ဝိမတိ၊ ကင်္ခါဋီကာသစ်တို့နှင့်အညီ ရေးသည်) ထိုသို့စပ်၊ လွှမ်း၍ သမုတ်အပ်သောသိမ်တို့မှာ သိမ်ပျက်ဖြစ်ကုန်ရကား မိမိတို့သမုတ်မည့်သိမ်ကို ယင်းအပြစ်နှစ်ပါးမှာ လွတ်စေဖို့ရန် အရေးကြီးလေသည်။

သိမ်သစ်သမုတ်မည့်နေရာ၌ ရှေးက သိမ်ဟောင်းများ မရှိဟု သံသယကင်းလောက်အောင် အတိအကျသိရလျှင်မူကား သိမ်ကို နုတ်ဖို့ပင်မလို၊ သမုတ်လိုသောနေရာ၌ သိမ်ကို သမုတ်လိုက်ရုံသာရှိသည်။ သို့သော် ဂေါတမဘုရားရှင်၏ သာသနာတော် ၂၅၀၀ကျော် အတွင်း မိမိတို့ သိမ်သစ်သမုတ်မည့် နေရာ၌ ရှေးမည်သည့်အခါကမှ သိမ်မသမုတ်ခဲ့ဖူးသေးဟု မည်သူပြောနိုင်ပါမည်နည်း။ ထို့သို့မပြောနိုင်သည့်အတွက် ရှေးက သမုတ်ခဲ့ဖူးသော သိမ်ဟောင်းများ အကယ်၍ရှိခဲ့သော် ထိုသိမ်ဟောင်းများ ကျွတ်လွတ်သွား၍ သန့်ရှင်းသောမြေဖြစ်ဖို့ရာ သိမ်နုတ်ရခြင်းဖြစ်လေသည်။ ထို့ကြောင့် သိမ်နုတ်ခြင်းသည် ရှေးကသိမ်ဟောင်းရှိခဲ့သော် ထိုသိမ်ဟောင်းတို့ ကျွတ်လွတ်သွားခြင်း အကျိုးရှိ၍ ရှေးကသိမ်ဟောင်းများ မရှိခဲ့လျှင်လည်း မိမိတို့ သိမ်သစ်သမုတ်မည့် နေရာသည် စင်ကြယ်သော မြေနေရာနှစ်မျိုးကို မျှော်ကိုး၍ပင် သိမ်သစ်သမုတ်မည့်နေရာ၌ သိမ်နုတ်ကြရခြင်း ဖြစ်လေသည်။
အထပ်ထပ်နုတ်ရန် လိုအပ်ပုံ
ထိုသို့သိမ်နုတ်သောအခါ တကြိမ်တခါမျှသာ မနုတ်မူ၍ သိမ်သစ်မြေနေရာအတွင်း နေရာအနှံ့အပြား အထပ်ထပ် နုတ်ရလေသည်။ အဘယ်ကြောင့် ယင်းသို့နုတ်ရသနည်းဟူမူ သိမ်ဟောင်းမည့်သည့်နေရာမှာ ရှိသည်ဟု ဧကန်သိရသည်မဟုတ်။ မှန်းဆ၍သာ နုတ်ရသောကြောင့် မိမိတို့ ကမ္မဝါစာဖတ်၍ နုတ်ခဲ့သော နေရာတို့တွင် တနေရာရာ၌ သိမ်ဟောင်းကို ကျကျနနမိ၍ ယင်းသိမ်ဟောင်း ကျွတ်လွတ်သွားပြီဟု စိတ်ချလက်ချ မှတ်ယူနိုင်ရန် အလို့ငှာ နေရာအနှံ့အပြား အထပ်ထပ် နုတ်ရခြင်းဖြစ်လေသည်။ ထိုသို့စေ့စပ်အောင် နုတ်လိုက်သောအခါ သိမ်သစ်မြေနေရာ၏ မည့်သည့်နေရာမှာပင် သိမ်ဟောင်းရှိခဲ့ရှိခဲ့ ထိုသိမ်ဟောင်းမှာ ဧကန်ကျွတ်လွတ်သွားပြီးဟု စိတ်ချလက်ချ သံသယ ကင်းရှင်းစွာ မှတ်ယူနိုင်လေတော့သည်။
ပို၍နုတ်ရပုံ
ထို့သို့နုတ်သောအခါ သိမ်သမုတ်မည့် မြေနေရာသာမကပဲ နေရာ၏ အရပ် ၄- မျက်နှာလုံးမှာပင် အပြင်သို့ တိုးချဲ့၍ ပို၍နုတ်ရသည်။ အဘယ်ကြောင့် ပိုနုတ်ရသနည်းဟူမူ အကယ်၍ မြေနေရာသစ်တွင်း၌ ပါဝင်နေသော သိမ်ဟောင်းမှာ ရဟန်း ၄-ပါး ထိုင်လောက်ရုံမဟုတ်ပဲ ထိုအောက်လျော့၍ အနည်းငယ်မျှသာ ပါဝင်နေသည်ဖြစ်အံ့။ ထိုသို့ဖြစ်လျှင် သိမ်သစ်တနေရာမှာသာနုတ်က ထိုအနည်းငယ်မျှသာ ပါဝင်နေသော သိမ်ဟောင်း ကျွတ်သွားမည် မဟုတ်ပေ။ အဘယ်ကြောင့်ဆိုသော် ထိုသိမ်ဟောင်းပေါ်၌ ရဟန်း ၄- ပါးနေ၍ ကမ္မဝါစာဖတ်သည် မဟုတ်သောကြောင့်တည်း။

သိမ်နုတ်ရာ၌ အင်္ဂါနှစ်ချက်ရှိ၏။ တချက်မှာ နုတ်မည့်သိမ်ပေါ်၌ အနည်းဆုံး ရဟန်း ၄-ပါးစုဝေးခြင်းဖြစ်၍ နောက်တချက်မှာ သိမ်နုတ်အံ့ဟု နှလုံးသွင်း၍ ကမ္မဝါစာဖတ်ခြင်းဖြစ်၏။ အထက်၌ပြခဲ့သော အနည်းငယ်မျှသာ ပါဝင်နေသော သိမ်ဟောင်း၌ သိမ်သစ်ဧရိယာ ရှိသမျှသာနုတ်လျှင် ရဟန်း ၄- ပါး စုဝေးမိနိုင်မည် မဟုတ်သောကြောင့် ထိုသိမ်ဟောင်း ကျွတ်မည်မဟုတ်ချေ။ ထိုသိမ်ဟောင်းမကျွတ်ပဲ အပေါ်ကထပ်၍ သိမ်သစ်သမုတ်လျှင် ထိုသိမ်မှာ အောင်မြင်သောသိမ် ဖြစ်လာတော့မည်မဟုတ်။
ထိုသိမ်သစ်မအောင်မြင်လျှင် အောင်မြင်သည့်အထင်ဖြင့် ထိုသိမ်၌ပြုသမျှသော သံဃာ့ကံတို့မှာ မအောင်မြင်သော ကံတို့သာဖြစ်ကုန်မည်။ ထိုသို့ဖြစ်သော် သာသနာတော်ကြီးကို များစွာထိခိုက်မည် ဖြစ်လေသည်။ ထို့ကြောင့်သိမ်နုတ်သောအခါ သိမ်သစ် မြေနေရာ၏ အပြင်ဘက် အရပ်လေးမျက်နှာလုံးမှာပင် ညောင်စောင်းတခု၊ နှစ်ခုစာမျှ (ဝိနယာလင်္ကာရအလို) တိုးချဲ့၍ နုတ်မှာသာ စိတ်ချရလေသည်။

ထိုသို့ စိတ်ချလောက်အောင် တိုးချဲ့၍ နုတ်ခဲ့လျှင် “စပ်၍ သမုတ်ခြင်း” အပြစ်မှ လွတ်ရုံသာမက အခြားအကျိုးတခုလည်း ရေသေးသည်။ အကယ်၍ သိမ်ဟောင်းနယ်နိမိတ်နှင့် သိမ်သစ်နယ်နိမိတ်တို့သည် ဖြစ်တောင့်ဖြစ်ခဲ တိုက်တိုက်ဆိုင်ဆိုင်တခုခုသောဘက်၌ တလျှောက်လုံး ထိစပ်ရုံမျှသာ ထိစပ်နေသည်ဆိုကြပါစို့၊ ထိုသို့ဖြစ်နေရာဝယ် တိုး၍လည်းမနုတ်မိခဲ့သော် သိမ်ချင်းထိနေသည့်အတွက် သိမ်နှစ်ခုရောစပ်ခြင်း “သီမာသင်္ကရ”အပြစ် ပေါ်လာဦးမည်ဖြစ်သည်။ (ဝိနယာ လင်္ကာရ- ပ၊ ၃၆၂) သို့ ဖြစ်သော် သိမ်သစ်သည် သိမ်ပျက်ကား မဖြစ်ပေ။ သို့သော် သိမ်ချင်းထိနေသည့်အတွက် တသိမ်တည်းလို ဖြစ်နေရကား တသိမ်၌ ကံပြုလျှင် အခြားတသိမ်တွင်းရှိ သံဃာများကို ကံပြုရာနေရာသို့လည်းကောင်း ပင့်ရမည်။ သို့မဟုတ် ဆန္ဒသော်လည်းကောင်း ဆောင်ရမည်။ သို့မဟုတ် ထိုအခြားသိမ်မှ လွတ်ရာကျွတ်ရာ အပြင်ဘက်သို့သော်လည်းကောင်း ထွက်နေစေရမည်။ ထိုကဲ့သို့ မဟုတ်ပဲ ကံပြုသော် ကံပျက်လေတော့သည်။ သိမ်သစ်၊ သိမ်ဟောင်း ထိနေသည်ကို သိရလျှင် တော်သေးသည်။ ထိုသို့မသိပဲ သိမ်သစ်၌ကံပြုအံ့။ သိမ်ဟောင်နေရာ၌လည်း ရဟန်းများရှိသည်ဖြစ်အံ့၊ ထိုကံသည်အောင်မြင်သောကံ မဖြစ်နိုင်တော့ပေ။ ထို့ကြောင့် သိမ်နေရာ၏ အပြင်ဘက်ကိုပါ တိုးချဲ့၍နုတ်ခြင်းသည် ဤဆိုအပ်ပြီး သီမာလင်္ကာရအပြစ်မှ လွတ်စေခြင်း အကျိုးရှိလေသည်။

ထို့ကြောင့် သိမ်နုတ်သောအခါ တိုးချဲ့၍လည်း နုတ်ရမည်၊ သိမ်နုတ်သည့်မြေနေရာ အတွင်း၌လည်း အနေအထားအမျိုးမျိုးနေ၍ အထပ်ထပ်နုတ်ရမည်၊ ထိုသို့ ကျနစွာနုတ်မှသာ သိမ်သစ် သမုတ်မည့် နေရာသည် သန့်ရှင်းသော မြေနေရာဖြစ်ကြောင်း ယုံကြည်စိတ်ချရမည်ဖြစ်လေသည်။

အောင်မြင်သော ဗဒ္ဓသိမ်လက္ခဏာ
သိမ်နုတ်ပြီးနောက် သန့်ရှင်းသော မြေအပြင်ဝယ် သိမ်သမုတ်သောအခါ မိမိတို့ သမုတ်သည့်သိမ်သည် အောင်မြင်သောသိမ်ဖြစ်ရန် များစွာအရေးကြီးလေသည်။ သမုတ်သောသိမ်သည် အကြောင်းတစုံတရာကြောင့် မအောင်မြင်ပါက အကျိုးမရှိရုံမျှမဟုတ် အကျိုးမဲ့အပြစ်ပင် ဖြစ်နိုင်လေသည်။ မိမိတို့သမုတ်သော သိမ် မအောင်မြင်သည်ကို မသိပဲ အောင်မြင်သည်အထင်ဖြင့် ထိုသိမ်ပျက်၌ ရဟန်းခံမိသော ပုဂ္ဂိုလ်များလည်း ရဟန်းဖြစ်တော့မည်မဟုတ်။ ထိုအခါ သာသနာတော်ကြီးကို လွန်စွာ ထိခိုက်ပေတော့မည်။ ထို့ကြောင့် သိမ်သမုတ်သောအခါ အောင်မြင်သော သိမ်ဖြစ်ရန် များစွာ အရေးကြီးလေတော့သည်။

အောင်မြင်သော ဗဒ္ဓသိမ်၏ လက္ခဏာကို ကင်္ခါအဋ္ဌကထာ (၈၇)၌ (၁) ဧကာဒသဝိပတ္တိသီမာယေ အတိက္ကမိတွာ၊ (၂) တိဝိဓ သမ္ပတ္တိယုတ္တာ၊ (၃) နိမိတ္တေန နိမိတ္တံ သမ္ဗန္ဓိတွာ သမ္မတာဟု ၃- ပါးပြထားပေသည်။ မိမိတို့ သမုတ်မည့်သိမ်ကို အောင်မြင်သော ဗဒ္ဓသိမ် ဖြစ်စေလိုလျှင် (၁) သိမ်ပျက် ၁၁- လုံး အဖြစ်မှ လွတ်ကင်းစေရခြင်း၊ (၂) သမ္ပတ္တိ (ပြည့်စုံခြင်း) ၃- ပါးနှင့် ပြည်စုံစေရခြင်း၊ (၃) နိမိတ်ခြင်းစပ်အောင် နိမိတ်ကြား၍ သမုတ်ခြင်း။ ဤလိုအပ်ချက် ၃-ပါးနှင့် ညီညွတ်စေရမည်ဟု ဆိုလိုပေသည်။ ဤအင်္ဂါ ၃- ပါးကို ကျကျနန နားလည်အောင် ရှေးဦးစွာ အားထုတ်ရမည် ဖြစ်လေသည်။

သိမ်ပျက် ၁၁- လုံး
ထိုအင်္ဂါ ၃-ပါးတွင် ပထမအင်္ဂါ၌ပါသော သိမ်ပျက် ၁၁- လုံးကား ပါဠိတော်၌ပင်လာသော သိမ်ပျက်များတည်း။ ကံပျက်ခြင်း၏ အကြောင်း ၅-ပါးတွင် အပါအဝင်ဖြစ်သော သိမ်ကြောင့် ကံပျက်ပုံကို ပြရာဝယ် ပရိဝါ ပါဠိတော် ကမ္မဝဂ် (၃၈၁) ၌ သိမ်ပျက် ၁၁- လုံးကို ထုတ်ပြ၍ ဤသိမ်တို့ကြောင့်ကံပျက်နိုင်ကြောင်း ဟောကြားမိန့်ဆိုထားသည်ကို တွေ့ရသည်။ (ထို့ကြောင့် ထိုသိမ်ပျက်တို့၏ အဖွင့်ကို မဟာဝါ အဋ္ဌကထာမှာ အပြည့်အစုံ မတွေ့ရပဲ ပရိဝါအဋ္ဌကထာ, အင်္ခါအဋ္ဌကထာတို့မှာသာ တွေ့ရခြင်းဖြစ်သည်။)

ထိုသိမ်ပျက် ၁၁- လုံးတို့ကား-
(၁) ငယ်လွန်းသောသိမ်
(၂) ကြီးလွန်းသောသိမ်
(၃) နိမိတ်ကျိုးသောသိမ်
(၄) အရိပ်ကို နိမိတ်လုပ်သောသိမ်
(၅) နိမိတ်လုံးဝ မရှိသောသိမ်
(၆) သိမ်ပ၌တည်၍ သမုတ်အပ်သောသိမ်
(၇) မြစ်၌ သမုတ်အပ်သောသိမ်
(၈) သမုဒြာ၌ သမုတ်အပ်သောသိမ်
(၉) ဇာတဿရအိုင်၌ သမုတ်အပ်သောသိမ်
(၁၀) မိမိသိမ်ဖြင့် သူတပါးသိမ်ကို စပ်၍ သမုတ်အပ်သောသိမ်
(၁၁) မိမိသ်ိမ်ဖြင့် သူတပါးသိမ်ကို လွှမ်း၍ သမုတ်အပ်သောသိမ်တို့ ဖြစ်လေသည်။

(ဆောင်) ကြီး, ငယ်, ကျိုး, ရိပ်၊ အနိမိတ်၊ ဗဟိဒ်တည်သမုတ်။
အိုင်, သမုဒ်, မြစ်, စပ်, လွှမ်းလစ်၊ ဆယ့်တသိမ်ပျက်ထုတ်။
(ဝိနယသံခိပ်)

(၁) ငယ်လွန်းသောသိမ်
ငယ်လွန်းသောသိမ်ဟူသည် ရဟန်း ၂၁ ပါး ထိုင်မနေနိုင်လောက်အောင် သေးငယ် ကျဉ်းမြောင်းသော သိမ်တည်း၊ သံဃာ့ကံတို့တွင် သံဃာ ၄- ပါး လိုအပ်သောကံ၊ ၅- ပါး၊ ၁၀- ပါး၊ အပါး ၂၀- လိုအပ်သောကံဟု အမျိုးမျိုးရှိ၏။ သိမ်ဟူသည်မှာလည်း မည်သည့် သံဃာ့ကံကိုမဆို ပြုနိုင်လောက်အောင် ကျယ်ရမည်ဖြစ်၏။ သံဃာအများဆုံး လိုအပ်သော ကံကိုပြုနိုင်လျှင် ထိုအောက်နည်းသော သံဃာလိုအပ်သည့် ကံများကိုလည်း ပြုနိုင်တော့သည်။ ထို့ကြောင့် အများဆုံးလိုအပ်သော သံဃာ ၂၀၊ ကံပြုခံရမည့် သံဃာ ၁-ပါး အားဖြင့် အနည်းဆုံး ရဟန်း ၂၁- ပါး ထိုင်နေလောက်မှသာ အောင်မြင်သော သိမ်ဖြစ်သည်။ ထို့အောက်ငယ်လျှင် “ ငယ်လွန်းသော သိမ်” ဖြစ်၍ သိမ်ပျက်ဖြစ်တော့သည်။

အဋ္ဌကထာတို့၌ “ ရဟန်း ၂၁- ပါး ထိုင်မနေလောက်လျှင် ငယ်လွန်းသောသိမ် ဖြစ်သည်” ဟု ဤမျှသာ ပြထားသည်။ ထို့ကြောင့် အလျားအနံကို မိမိတို့ဘာသာ တွက်ယူရမည်ဖြစ်၏။ ရဟန်းတပါး ထိုင်လောက်ရာ အရပ်ကို တိုင်းတာကြည့်သောအခါ ၂- ပေ ပတ်လည်ခန့် ရှိသည်ကို တွေ့ရ၏။ ထို့ကြောင့် ၂- ပေ ပတ်လည် အကွက်ပေါင်း အနည်းဆုံး ၂၁- ကွက်ရှိမှ အငယ်ဆုံး အောင်မြင်မည့်သိမ် ဖြစ်မည်ကို မှတ်သင့်သည်။ ထို ၂၁- ကွက်ကို အတိအကျဖြစ်အောင် စီစဉ်ကြည့်လျှင် ၇- ကွက် ၃- တန်းရမည်ဖြစ်၏။ ထိုကို အလျားအနံ ပေဖွဲ့လျှင် အလျား ၁၄- ပေ, အနံ ၆- ပေ အနည်းဆုံး ရှိရမည်ဖြစ်သည်။ ၇- ကွက် ၃- တန်း မဟုတ်ပဲ ကြိုက်သလို ၂- ပေ ပတ်လည် ၂၁- ကွက် ဖြစ်အောင်လည်း စီစဉ်နိုင်သည်ပင်။

ဤသို့ တွက်ရာ၌ စတုရန်းနှင့် တွက်ခြင်းကို ရှောင်သင့်သည်၊ အဘယ်ကြောင့်ဟူမူ စတုရန်းနှင့် တွက်လျှင် စတုရန်း ပြည့်သော်လည်း ၂- ပေ ပတ်လည် ၂၁- ကွက် မရနိုင်သော အလျား အနံလည်းဖြစ်နိုင်သောကြောင့်တည်း။ ရှင်းဦးအံ့ ၂- ပေပတ်လည်ကွက်တွင် စတုရန်း ၄- ပေရှိ၏။ ထို့ကြောင့် ၂- ပေပတ်လည် ၂၁- ကွက်တွင် စတုရန်း ၈၄- ပေဖြစ်သည်။ သို့ဖြစ်ရာ အလျား ၁၂ ပေ၊ အနံ ၇-ပေ လုပ်လျှင် စတုရန်း ၈၄- ပေကား ပြည့်သည့်၊ သို့သော် ယင်းအလျားအနံတွင် ၂- ပေ ပတ်လည် ၂၁ ကွက်ရမည် မဟုတ်ပေ။ ထို့ကြောင့် စတုရန်းပေမည်ရွေ့မည်မျှဟု ဆိုခြင်းထက် ၂- ပေပတ်လည် ၂၁- ကွက်ရှိမှဟု ဆိုခြင်းက စိတ်ချရသည်ဟု မှတ်သင့်ပေသည်။

ကင်္ခါဋီကာသစ် (၁၃၆) ၌ ရဟန်းတို့ ထိုင်ပုံကို “ ပရိမဏ္ဍမာ ကာရေန” ဝန်းဝိုင်းသော အခြင်းအရာဖြင့် ဟု ဆို၏။ ထိုအတိုင်းဖြစ်လျှင် အလျားအနံ မျှအောင်လုပ်ရပေမည်။ အလျားအနံလည်းမျှ၊ ၂၁- ပါးစာ အတိအကျလည်းရအောင် လုပ်ရန် ခဲယဉ်းသည်။ ထို့ကြောင့် အလျားအနံလည်းမျှအောင် အလျားလိုက် ၅- ပါး၊ ထောင်လိုက် ၅- ပါးအားဖြင့် ၂၅- ပါးထိုင်လောက်ရာကို သတ်မှတ်လျှင် ၁၀- ပေပတ်လည်ဖြစ်လေသည်။ ထို့ကြောင့် ကင်္ခါဋီကာသစ်အလို ၁၀- ပေပတ်လည် အနည်းဆုံး ရှိရမည်ဟု သတ်မှတ်သင့်ပေသည်။

လက်တွေ့တွင် ဤမျှသေးငယ်သော သိမ်ကို သမုတ်ကြသည်ကား မဟုတ်ပေ။ သို့သော် ကျမ်းဂန်၌ ရှိသောကြောင့် အသေးဆုံးသိမ်ပမာဏကို မှန်းဆနိုင်ရန် တွက်ချက်၍ ပြရခြင်း ဖြစ်ပေသည်။

(၂) ကြီးလွန်းသောသိမ်
တဆံခြည်ဖျားမျှဖြင့်သော်လည်း ၃- ယူဇနာကိုလွန်၍ သမုတ်အပ်သောသိမ်ကို “ ကြီးလွန်းသောသိမ်” ဟု ခေါ်၏။ ထို့ကြောင့် အောင်မြင်သောသိမ်၏ အကြီးဆုံးပမာဏမှာ ၃- ယူဇနာဟု မှတ်အပ်၏။ ဤ၌ ၃- ယူဇနာ သတ်မှတ်ခြင်းမှာလည်း ဥပေါသထက္ခန္ဓကလာ မြတ်စွာဘုရား၏ ပညတ်တော်မူချက်ကြောင့် ဖြစ်လေသည်။

ချဲ့ဦးအံ့- သိမ်သမုတ်ခြင်းကို မြတ်စွာဘုရား ခွင့်ပြုတော်မူလေသည်ဆိုလျှင်ပင် ဆဗ္ဗီရဟန်းတို့သည် ၄- ယူဇနာ, ၅- ယူဇနာ, ၆- ယူဇနာကျယ်သောသိမ်တို့ကို သမုတ်ကြတော့သည်။ ဥပုသ်ပြုရန်လာသော ရဟန်းတို့သည် ဥပုသ်ပြုသည့်နေရာ ဝေးလွန်းသည့်အတွက် ပါတိမောက် ပြနေစဉ်မှလည်း ရောကလာကြ၏။ ပြီးခါစမှာလည်း ရောက်လာကြ၏။ ပါတိမောက်ပြသည်ကို လုံးဝမမှီပဲလည်းရှိကြ၏ ထိုအကြောင်းကို မြတ်စွာဘုရားအား လျှောက်လာသောအခါ မြတ်စွာဘုရားက “ ၄- ယူဇနာရှိသော, ၅- ယူဇနာ, ၆- ယူဇနာရှိသော ကြီးလွန်းသော သိမ်များကို မသမုတ်ရ။ မဟုတ်လျှင် ဒုက္ကဋ် အာပတ်သင့်စေ” ဟု မိန်တော်မူ၍ အလွန်ဆုံး ၃- ယူဇနာရှိသောသိမ်ကိုသာ သမုတ်ရန် ခွင့်ပြုတော်မူလေသည်။ (မဟာဝါပါဠိတော်၊ ၁၄၄- ၅)။

ထိုပညတ်တော်အရပင် ၃- ယူဇနာထက်အနည်းဆုံး ဆံခြည်တမျှင်စာမျှ ပိုလွန်သောသိမ်ကို ကြီးလွန်းသော သိမ်ပျက်ဖြစ်သော သိမ်ဟုဆိုရကြောင်း အဋ္ဌကထာဆရာ ဖွင့်ပြတော်မူခြင်းဖြစ်လေသည်။ အဋ္ဌကထာ၌ “ တဆံခြည်ဖျားမျှဖြင့်သော်လည်း” ဟု ဆိုသောစကားမှာလည်း ၃- ယူဇနာအတိုင်းအတာကို မည်သည့်နည်းနှင့်မျှ မကျော်လွန်ရသည်ကို လေးနက်အောင် ဆိုသောစကားသာ ဖြစ်လေသည်။ လက်တွေ့တိုင်းတာရာတွင်မူ တဆံခြည်လွန်သည်, မလွန်သည်ကို သိနိုင်ရန် ခဲယဉ်းဘိတောင်း၊ ထို့ကြောင့် ၃- ယူဇနာရှိသော သိမ်ကို အကယ်၍ သမုတ်လိုပါမူ ၃- ယူဇနာအောက် အတော်အတန်လျော့၍ သမုတ်သင့်သည်။ သို့မှ စိတ်ချရမည်ဖြစ်သည်။

၃- ယူဇနာဟူရာ၌ ၄-ထောင့်သိမ်ဖြစ်လျှင် အလျား ၃- ယူဇနာ အနံ ၃- ယူဇနာဖြစ်ရမည်။ ၃- ထောင့်သိမ်ဖြစ်လျှင် ထောင့်တခုမှ တခုသို့ ၃- ယူဇနာထက် လွန်စေ၍ သိမ်သမုတ်အံ့။ သမုတ်သော ရဟန်းများလည်း အာပတ်သင့်၍ သိမ်လည်းမအောင်ပဲ သိမ်ပျက်ဖြစ်တော့သည်။ (မဟာဝါ၊ ဋ္ဌ၊ ၃၂၇)။

(၃) နိမိတ်ကျိုးသောသိမ်
နိမိတ်ကျိုးသောသိမ်ကား ၂- မျိုးရှိသည်၊ ထိုတွင် ပထမ အမျိုးအစားမှာ နိမိတ်ချင်းစပ်အောင် မကြားပဲ သမုတ်အပ်သော သိမ်မျိုးတည်း။ သိမ်ကို အရှေ့အနောက် တောင်မြောက်၌ နိမိတ်တခုစီထား၍ သမုတ်သည်ဆိုကြပါစို့၊ နိမိတ်ကြားသောအခါ အရှေ့နိမိတ်ကို ရှေးဦးစွာကြား၍ အစဉ်အတိုင်းလှည့်ကာ တောင်, အနောက်, မြောက်နိမိတ်တိုိ့ကိုကြားပြီး တဖန် အရှေ့နိမိတ်ကိုထပ်၍ စပ်သွားအောင် မကြားပဲသမုတ်လျှင် ထိုသိမ်သည် နိမိတ်ကျိုးသော သိမ်ဖြစ်၍ သိမ်ပျက်ဖြစ်လေတော့သည်။ (နိမိတ်ခန်း၌ အကျယ်တွေ့ရဦး လတ္တံ့)။

ဒုတိယအမျိုးအစားကား နိမိတ်လောက်သော နိမိတ်များအကြား၌ နိမိတ်မလောက်သော နိမိတ်ဝတ္ထုကိုဖြစ်စေ, နိမိတ်မလုပ်ကောင်းသော ဝတ္ထုကိုဖြစ်စေ နိမိတ်အဖြစ်ထား၍ ကြားပြီး သမုတ်အပ်သော သိမ်တည်း။ 
Credit to > APRIL MAUNG MAUNG

စန္ဒာမုနိစေတီ သမိုင်းကြောင်း

မန္တလေးတောင်ခြေက ထင်ရှားတဲ့ စေတီတော်နဲ့ ရုပ်တုတော် တစ်ဆူဖြစ်ပါတယ်။

မြန်မာသက္ကရာဇ် ၁၁၆၄-ခုနှစ်တွင် ဘိုးတော်ဘုရား(ခေါ်) ဗဒုံမင်းတရားသည် မင်းကွန်းစေတီတော်
တည်နေချိန်၌ မင်းကွန်းအလယ်ကျွန်းတွင် သွန်းလုပ်တော်မူခဲ့သည်။ သံချိန် (၁၁၃၆၈)ပိဿာ ရှိသော
စန္ဒာမုနိ ဘုရားရှင် ရုပ်ပွားတော်ကို ထုလုပ်ခဲ့တယ်လို့ မှတ်တမ်းမှာရေးပါတယ်။

လ၀န်းလို အသရေတော်ရှိလို့
စန္ဒာမုနိလို့ အမည်တွင်တယ်လို့ ဆိုပါသည်။
အဲဒီနောက် အမရပူရကို ပင့်ပြီး ပူဇော်ရာက ဘကြီးတော်ဘုရားလက်ထက် နန်းစိုက်ရာ အင်းဝကို ပင့်ပြီး
ရွှေဘိုမင်းလက်ထက်မှာ အမရပူရကို ပြန်ပင့်ခဲ့ပြန်ပါတယ်။

မြန်မာသက္ကရာဇ် ၁၂၂၉ မှာတော့ မင်းတုန်းမင်းကယာယီစံနေတဲ့ နန်းမြေဘုံသာ စံနန်းတော်ကိုဖျက်ပြီး ညီတော် အိမ်ရှေ့ ကနောင်မင်းသားနဲ့ သားတော်တွေရဲ့
အလောင်းတွေကို ဂူသွင်းပြီး ဂူနဲ့ ၂ တောင်အကွာမှာ စန္ဒာမုနိ ရုပ်ပွားတော် စေတီကိုတည်ခဲ့ပါတယ်။

စေတီကို စန္ဒာမုနိဘုရားလို့ ခေါ်ကြပါသည်။
မြန်မာသက္ကရာဇ် ၁၂၇၅ မှာ ရသေ့ကြီးဦးခန္တီ ဦးဆောင်ပြီး အဌကထာနဲ့ ဌီကာ ကျောက်စာဂူပေါင်း ၅၀၈ ဂူ။
ကျောက်စာချပ်ရေ ၁၅၂၄ ချပ်၊ ဓမ္မစေတီပေါင်း ၇၅၈ ကျောက်ချပ်ပေါင်း ၁၇၇၄ ချပ်နဲ့ ပူဇော်ထားခဲ့ပါသည်။

မင်းတုန်းမင်းလက်ထက် ဘုရားပွဲတော်စန္ဒာမုနိဘုရားပွဲတော်ကို သီတင်းကျွတ်လပြည့်ကျော်(၁)ရက်မှာ (၃)ရက်နေ့အထိ ပြုလုပ်လေ့ရှိသည်။
==============================
 

မြန်မာတို့၏ ယဉ်ကျေးမှုပုံရိပ်များ

မန္တလေး မဟာမြတ်မုနိသမိုင်းကြောင်း

ဂေါတမဗုဒ္ဓ မြတ်စွာဘုရား သက်တော်ထင်ရှားရှိစဉ် စစ်မှန်သော ဗုဒ္ဓ၏ကိုယ်ပွားသာလျှင် ဖြစ်တန်ရာ၏ဟု ရခိုင်လူမျိုးများ အယုံအကြည်ရှိသော မဟာမုနိရုပ်ရှင်တော်မြတ်ကြီးသည် ရခိုင်လူမျိုးတို့ သမိုင်း မှတ်တမ်းအားလုံး၏ ကိုးကားချက်ဖြစ်သည်။ ထိုသမိုင်းမှတ်တမ်းများအရ ထေရ၀ါဒဗုဒ္ဓဘာသာရှိခဲ့ပြီးနောက် မျက်မှောက်ထုံးတမ်းစဉ်လာများကို ထည့်သွင်းထားရှိခဲ့သည်။ သီရိလင်္ကာ၏ ပါဠိစာပေမှ ကျယ်ကျယ်ပြန့်ပြန့် ဆင်းသက်ကြီးထွားလာမှုရှိပြီး ပုဂံ၏ လွှမ်းမိုးမှုအောက်မှာ ကိုးကွယ်မှု ဘာသာအယူဝါဒအဆင့်ဆင့်ထိ ကျယ်ပြန့်လာခဲ့ပါသည်။
စန္ဒသူရိယ ဘုရင်မင်းမြတ် ရခိုင်ပြည်ကို အုပ်ချုပ်ခဲ့စဉ်အချိန်အခါက ဗုဒ္ဓရုပ်ထုတော်ကို သွန်းလုပ်ခဲ့သည်ဟု ရိုးရာဓလေ့ ထုံးတမ်းစဉ်လာယုံကြည်မှု ထားရှိခဲ့သည်။ စန္ဒသူရိယဘုရင်မင်းမြတ် သည် ဗုဒ္ဓ၏ ဟောကြားပြသမှုတို့၏ သတင်းကို ကြားသိရပြီး ဗုဒ္ဓကိုရိုသေကိုးကွယ်ရန် ဆန္ဒပြင်းပြလာသည်ဟု အဆိုရှိလေသည်။ အိန္ဒိယနိုင်ငံ သာဝတ္ထိပြည်တွင် သီတင်းသုံးနေထိုင်တော်မူသော ဂေါတမမြတ်ဗုဒ္ဓသည် ထိုအကြောင်းအရာကို သိရှိလာသောကြောင့် မြတ်ဗုဒ္ဓက သူ၏တပည့်သာဝက တစ်ပါးဖြစ်သော အရှင်အာနန္ဒာအား ပြောပြလေသည်မှာ “ကြောက်မက်ဖွယ်ကောင်းသော ရေနဂါးများ အုပ်ချုပ်ထားသည့် ကြီးမားကျယ်ပြန့်သော မြစ်ပင်လယ်သမုဒ္ဒရာ "ကို ဖြတ်ကျော်လာရမည်ဖြစ်၍ ဤကဲ့သို့သော ခက်ခဲကြမ်းတမ်းသောခရီးသည် စန္ဒသူရိယဘုရင်မင်းမြတ်အတွက် အလွန်အန္တရာယ်ရှိလိမ့်မည်။ ထို့ကြောင့် တပည့်ရဟန္တာ (၅၀၀) နှင့်အတူ ဂေါတမမြတ်ဗုဒ္ဓသည် ကောင်းကင်ခရီးဖြင့် ကြွချီတော်မူလာပြီး ကျောက်တော်မြို့၏ တဖက်ကမ်းရှိ မောရပဗ္ဗတတောင်၌ ဆင်းသက်ရပ်နားတော်မူခဲ့လေသည်။ ဤတွင် မြတ်ဗုဒ္ဓ၏ ရှေးရှေးဘ၀ပေါင်းများစွာက ကျင်လည်တော်မူခဲ့သောနေရာတို့တွင် မြတ်ဗုဒ္ဓ၏ ဓါတ်တော်များကို ဌာပနာထည့်၍ ဘုရားပုထိုးများစွာတို့ကို တိုင်းပြည်အနှံ့ တည်ထားကိုးကွယ်လာကြလိမ့်မည်ဟု ကြိုတင်ဟောကိန်းထုတ် ဗျာဒိတ်တော်ပေးခဲ့လေသည်။ ဤကဲ့သို့ မြတ်ဗုဒ္ဓ၏ ဗျာဒိတ်ပေးချိန်တွင်" မဟာပထ၀ီမြေကြီးသည် တုန်လှုပ်လာပြီး ပင်လယ်သမုဒ္ဒရာရေတို့သည် ရေနွေးအိုးဆူသကဲ့သို့ ဆူပွက်လာခဲ့လေသည်။" စန္ဒသူရိယဘုရင်မင်းမြတ်သည် ဤနိမိတ်ဆောင်သော လက္ခဏာများ၏ ဆိုလိုရင်းကို သူ၏ဗေဒင်ဆရာ၊ ဟူးရားတတ်တို့အား မေးမြန်းစုံစမ်းလျှက် တုန်လှုပ်ထိတ်လန့်ရခြင်းဖြစ်လေသည်။ ဂေါတမမြတ်ဗုဒ္ဓ ရခိုင်ပြည်ကို ရောက်ရှိလာသည့်အကြောင်းအရင်းကို စန္ဒသူရိယဘုရင်မင်းမြတ် သိရှိတော်မူသောအခါ ရာပေါင်းများစွာသော အခြွေအရံတို့နှင့်အတူ သူ၏မိဖုရားခေါင်ကြီး စန္ဒရမာလာ၊ သူ၏မှုးမတ် တိုင်းသူပြည်သားတို့နှင့်အတူ ပဗ္ဗတတောင်ပေါ်သို့ သွားရောက်ကြလေသည်။ ဘုရင်မင်းမြတ်သည် ဂေါတမမြတ်ဗုဒ္ဓအား အရိုအသေပေးပြီးနောက် ဗုဒ္ဓက သူ့အား "ပဋိစ္စသမုပ္ပါဒ်စက်ဝိုင်းတရားတော်"ကို ဟောကြားသင်ပြခဲ့လေသည်။ ယင်းပြီးနောက် မြို့တော်တွင်(၇) ရက်ကြာ သီတင်းသုံးနေထိုင်တော်မူမည်ကို ဗုဒ္ဓကသဘောတူလက်ခံလေသည်။ မြို့တော်မှ မြတ်ဗုဒ္ဓမထွက်ခွာမှီ မြတ်ဗုဒ္ဓပရိနိဗ္ဗာန် ပြုတော်မူပြီးနောက် နှစ်ပေါင်း (၅၀၀၀)တိုင်တိုင် ကြည်ရိုလေးစားမှုခံရမည်ဖြစ်သော ဆံတော်ဓါတ်နှင့် မြတ်ဗုဒ္ဓ၏ရုပ်ထုကိုယ်ပွားတော်တစ်ဆူထားခဲ့မည်ဟု ဗုဒ္ဓသဘောတူလက်ခံလေသည်။
နန်းတော်ရာ၏ အရှေ့မြောက်ဘက် သီရိဂုတ္တတောင်ကုန်းပေါ်တွင် အလေးအမြတ်ထားရှိသော ဗုဒ္ဓရုပ်ထုတော်ကို ကောင်းကင်ဘုံ ဗိသုကာပညာရှင် နတ်များ၏ဘုရင် သိကြားမင်းနှင့်အတူ စန္ဒသူရိယဘုရင်မင်းမြတ်အပါအ၀င် တိုင်းသူပြည်သားတို့က တည်ထားကိုးကွယ်ကြလေသည်။ ရုပ်ထုတော်အတွင်းပိုင်းသို့ ဂေါတမမြတ်ဗုဒ္ဓ၏ ရင်ငွေ့တော်ဓါတ်ထည့်လိုက်သောအခါ ဂေါတမမြတ်ဗုဒ္ဓနှစ်ဆူရှိလာသကဲ့သို့ ဖြစ်ပေါ်လာလေသည်။ အံ့သြကြည်ညိုစရာကောင်းလှသော လက္ခဏာရပ်များ ပေါ်ထွက်လာလေသည်။ မဟာပထ၀ီမြေကြီး တုန်လှုပ်လာပြီး ရုပ်ထုတော်သည် တဖြည်းဖြည်း အသက်ရှိသကဲ့သို့ သူ၏ နောင်တော် ဂေါတမမြတ်ဗုဒ္ဓအား ကြိုဆိုသည့်အနေအထားနှင့် မတ်တပ်ထရပ်လေသည်။ ထို့နောက် ဂေါတမမြတ်ဗုဒ္ဓသည် သူ၏သာဝက တပည့်ရဟန်းတော်များနှင့်အတူ သံတွဲဘက်သို့ ကောင်းကင်ခရီးဖြင့် ကြွချီတော်မူလေသည်။ ယင်းအချိန်အတွင်း စန္ဒသူရိယဘုရင်မင်းမြတ်သည် သူ၏ မူးမတ်သေနာပတိတို့နှင့်အတူ အကြောင်းကိစ္စတို့ကို တိုင်ပင်ပြီးနောက် မြတ်ဗုဒ္ဓ၏စစ်မှန်သော ရုပ်ထုတော်အား ကိုးကွယ်ဆည်းကပ်ပြီး ပွဲလမ်းသဘင်များ ကျင်းပခဲ့လေသည်။" ရုပ်ထုတော်၏ ထူးခြားချက်များမှာ ရောင်ခြည်တော်ခြောက်သွယ် ထွက်ရှိလေသည်။ ရိုသေကိုင်းရှိုင်းသူများမှာ အနီးကပ်ဖူးမျှော်လာသောအခါ ရောင်ခြည်တော်များ ထွက်ရှိပြီး အယုံအကြည်မရှိသူများ ဖူးမျှော်သောအခါ ရောင်ခြည်တော်များ မှေးမှိန်သွားလေ့ရှိသည်"ဟု အဆိုရှိခဲ့လေသည်။ ရုပ်ထုတော်တည်ရှိသော နေရာ၏ပတ်ဝန်းကျင် အရပ်လေးမျက်နှာတို့တွင် အစောင့်အရှောက်အဖြစ် ကျောက်ရုပ်ထုများထားရှိပြီး မကောင်းသော အကြံအစည် ရည်ရွယ်ချက်တို့နှင့် ဗုဒ္ဓရုပ်ပွားတော်အနီးသို့ လာရောက်သူတို့အား အဝေးသို့ ရှောင်ရှားသွားစေသည်။
ဝေသာလီခေတ်မှ ပထမဘုရင်တိုင်အောင် ဗုဒ္ဓရုပ်ထုတော်အတွက် ကျောက်ပလ္လင်တစ်ခုတည်ဆောက်ပြီး သိမ်တော်ကို ပြန်လည်တည်ဆောက်သည်ဟု အဆိုမှတပါး အခြားမည်သည့်အကြောင်းအရာကိုမှ မှတ်တမ်းတင်ထားခြင်း မရှိခဲ့ပေ။ ဝေသာလီမှ ပထမဆုံးဘုရင်၏ အရိုက်အရာကို ဆက်ခံသူသည် မဟာမုနိသိမ်တော်အား ပြန်လည်မွမ်းမံပြင်ဆင်မှု ပြုလုပ်ခဲ့သည်။ သီရိလင်္ကာနှင့် ပုဂံမှ ဘုန်းတော်ကြီးများသည် ရုပ်ထုတော်အား ကိုးကွယ်ဆည်းကပ်ရန် ရောက်ရှိလာခဲ့ကြသည်။ ပျူ-ဗမာနှင့် မွန်ဘုရင်များက မဟာမုနိ သိမ်တော်ကြီးအတွင်း အလေးအမြတ်ထားသော ဗုဒ္ဓရုပ်ထုတော်အား ပိုင်ဆိုင်လိုသော ရည်ရွယ်ချက်များနှင့် ရခိုင်ပြည်ကိုကျူးကျော်ဝင်ရောက်လာခဲ့ကြသည်ဟု အဆိုရှိလေသည်။ သို့သော်လည်း မည်သည့်ဘုရင်တစ်ပါးမှ အောင်မြင်မှု မရှိခဲ့ပေ။ တချို့သည် သိမ်တော်ကြီးအား ပြန်လည်ပြုပြင် မွမ်းမံရန် ကတိက၀တ်ပြုခဲ့ကြသည်။ (၁၂) ရာစုအချိန်တွင် သိမ်တော်နှင့် ဗုဒ္ဓရုပ်ထုတော် ပျောက်ဆုံးခဲ့သည်။ သို့သော်လည်း လေးမြို့ခေတ်မှ ဘုရင်တပါး၏ အရိုက်အရာဆက်ခံသူများသည် ယုံကြည်မှုကို ဆက်လက်ထောက်ခံခြင်းဖြင့် ရုပ်ထုတော်နှင့် သိမ်တော်ကြီးတို့ကို ပြန်လည်ရှာဖွေတွေ့ရှိပြီး သိမ်တော်အား ပြန်လည်ဆောက်ခဲ့ကြလေသည်။
မြောက်ဦးမင်းဆက်ကို တည်ထောင်သူ ဘုရင်မင်းစောမွန်သည် သူ၏မြို့တော်မှ မဟာမုနိသို့ လမ်းတခုဖောက်လုပ်တည်ဆောက်ပြီး မင်းမျိုးမင်းနွယ်တို့၏ ရိုးရာထုံးတမ်းစဉ်လာ များအရ ဘုရားဖူးခရီးစဉ်တစ်ခုစတင်ခဲ့လေသည်။ (၁၆) ရာစုတွင် ဘုရင်းမင်းဗာသည် မြောက်ဦးမြို့မှ သျှစ်သောင်းဘုရားအပါအ၀င် တိုင်းပြည်အနှံ့တွင် တည်ရှိနေသော ဘုရားကျောင်းအဆောက်အဦး အများအပြားတို့အတွင်း မူရင်းနှင့် ဆင်တူဖြစ်သော မရေမတွက်နိုင်သည့် မဟာမုနိရုပ်ပွားတော်များကို ထုလုပ်ထားရှိရန် အမိန့်တော်ချမှတ်ခဲ့လေသည်။
၁၇၈၄-ခု တွင် မြန်မာဘုရင် ဘိုးတောင်ဘုရားသည် ရခိုင်ပြည်ကို သိမ်းပိုက်လေသည်။ ထို့နောက် မဟာမုနိရုပ်ရှင်တော်မြတ်အား မန္တလေးသို့ သယ်ယူသွားခဲ့သည်။ ထိုရုပ်ရှင်တော်မြတ်ကြီးအား မြန်မာပြည်တွင် ယနေ့ထိတိုင် အလေးမြတ်ဆုံးထားသော ရုပ်ထုတော်အဖြစ် ဆက်လက်မှတ်ယူထားကြဆဲဖြစ်သည်။ ဆုံးရှုံးသွားသော အမွေအနှစ်ကြောင့် ရခိုင်ပြည်သူတို့အား နက်နက်နဲနဲ စိတ်ထိခိုက်စေခဲ့သည်။ ဆက်လက်ပြီး မကြာမီ ဗြိတိသျှတို့၏ အုပ်ချုပ်မှုကို ရခိုင်ပြည်သူတို့ ဆက်လက်ခံရလေသည်။ (၁၈၆၇) ခုနှစ်တွင် မဟာမုနိသိမ်တော်ရာ အနီးပတ်ဝန်းကျင်မှ တွေ့ရှိသော ကျောက်ရုပ်ထုတော်တစ်ဆူအတွက် ဘုရားသိမ်တော်ကိုတည်ဆောက်ခဲ့ကြသည်။
လွန်ခဲ့သော နှစ်(၈၀)အတွင်းက နဂိုမူရင်းအတိုင်း သိမ်တော်ကြီးကို ပြန်လည်ပြင်ဆင်မွမ်းမံမှုတို့ကို လုပ်ဆောင်ခဲ့သည်။ ယင်းအချိန်တွင် အောက်ရင်ပြင်များကို ပြန်လည်ထိမ်းသိမ်းပေးပြီး မန္တလေး၌ရှိသော မူရင်းမဟာမုနိ ထိုင်တော်မူပုံစံ ကြေးရုပ်ထုတော်အသစ်တစ်ဆူကို သွန်းလုပ်ခဲ့ကြသည်။ ယနေ့အခါမှာ မဟာမုနိဘုရားသိမ်တော်နေရာသည် ပြည်တွင်း၊ ပြည်ပ ဘုရားဖူးတို့၏ အရေးကြီးသော ဗဟိုအချက်အချာ တစ်ခုအဖြစ် ပြန်လည်စည်ကားလာခဲ့သည်။
မဟာမုနိသိမ်တော်သည် နန်းတော်ရာကုန်း၏ အရှေ့မြောက်ထောင့်၌ရှိသော တောင်ပူစာတစ်ခုကို လွှမ်းခြုံပြုလုပ်ထားသော နေရာတစ်ခုဖြစ်သည်။ ရှေးနှစ်ပေါင်း ရာစုများစွာကပင် မဟာမုနိဘုရားသိမ်တော်တွင် ဘုရားဖူးခရီးသည်များ စည်ကားသိုက်မြိုက်နေသော ဗဟိုအချက်အချာလည်းဖြစ်ပြီး ကျူးကျော်ဝင်ရောက်သူများ လက်အောက် ရခိုင်ပြည် ကျရောက်ပြီး ရခိုင်ပြည်သူပြည်သားများ ဆင်းရဲဒုက္ခခံစားခဲ့ရလေသောအခါ ယာယီအားဖြင့် ဘုရားဖူးခရီးသည်များ နည်းပါးမှုရှိခဲ့လေသည်။ မူရင်းအဆောက်အဦး၏အကြွင်းအကျန် လုံးဝမရှိခဲ့သော်လည်း ယင်း၏ မူရင်းပုံစံတစ်ခုဖြစ်သည်ကို ကောင်းကင်ဓါတ်ပုံများတွင် တွေ့မြင်နိုင်သည်။ ဘုရားသိမ်တော်ကို ထောင့်မှန်စတုဂံနံရံနှစ်ဆင့် က ၀ိုင်းရံထားရှိပြီး သိမ်တော်၏အရှေ့ဘက် အနောက်ဘက်တောင်ဘက်နှင့် မြောက်ဘက်တို့တွင် ၀င်ပေါက်လေးပေါက် ဖောက်ထားပြီး အရှေ့ဘက်ဝင်ပေါက်ကိုအဓိက ၀င်ပေါက်အဖြစ် ထားရှိသည်။ ပထမဆုံး ရင်ပြင်၏ အရှေ့တောင်ထောင့်နှင့် အရှေ့မြောက်ထောင့်တို့တွင် ဗုဒရုပ်ထုတော်ကြီးအား ရိုးရာဓလေ့ထုံးတမ်းစဉ်လာများအရ ကိုယ်လက်သန့်စင်ရန်အတွက် အသုံးပြုရန် ရေကန်ကြီးနှစ်ခု ထားရှိပါသည်။ အိန္ဒိယအရှေ့မြောက်ပိုင်း "နာလန္ဒ" ၌ရှိသော ထင်ရှားကျော်ကြားသော ဗုဒ္ဓဘာသာဝင်ဘုန်းတော်ကြီးများ စုဝေးနေထိုင်သော နေရာတစ်ခုဖြစ်ပြီး ရှေး (၆) ရာစုမှပင် အဆင့်ဆင့်ပြောင်းလဲ တိုးတက်လာသော အဓိက ဂူဘုရားကျောင်းတော်တွင် ယခင်မူရင်းနည်းတူ အနီးစပ်ဆုံး ပုံစံဖြစ်သော ဘုရားကျောင်းဆောင်ကို တွေ့ရှိနိုင်လေသည်။
===============================
thesupernaturalmyanmar

ရွှေတိဂုံ စေတီတော်မြတ် သမိုင်းကြောင်း

ကမ္ဘာပေါ်ရှိ အမြင့်ဆုံး ဘုရားစေတီမှာ ၃၂၆-ပေ ရှိသော ရွှေတိဂုံ စေတီတော်ပင်ဖြစ်ပြီး ရန်ကုန်မြို့ရှိ သိင်္ဂုတ္တရ ကုန်းတော်ပေါ်တွင် တည်ရှိသည်။ လေးဆူဓာတ်ပုံ ရွှေတိဂုံ ဟုလည်း ခေါ်တွင်ခဲ့ကြသည်။ စေတီအစ ရွှေတိဂုံက ဟုလည်းခေါ်ဆိုခဲ့ကြသည်။

တည်နေရာ..... ရန်ကုန်မြို့သိင်္ဂုတ္တရ ကုန်းတော်။
ဉာဏ်တော်.......ဖိနပ်တော်မှ စိန်ဖူးတော်ထိ။
(၃၂၆) ပေ
ကျော်ကြားမှု.......အစောဆုံး စေတီတော်ကြီး။
(ကမ္ဘာ့အံ့ဘွယ်)

အမည်ခေါ်တွင်ပုံ

ရန်ကုန်တိုင်းကို မွန်လူမျိုးတို့သည် ဒဂုံတိုင်းဟု ခေါ်ဆိုသမုတ်ခဲ့ကြသည်။ ဒဂုံတိုင်းမှာ တည်ထားသော ဘုရားဖြစ်သည့် အတွက်ကြောင့် ဒဂုံတိုင်းကဘုရားဟု ခေါ်ဝေါ်ပြောဆိုခဲ့ကြသည်။ မွန်ဘာသာဖြင့် ကျာ်လဂုင် ဟုရေးသားပြီး ကျိုက်လဂုံ ဟုအသံထွက်ဆိုခဲ့ကြသည်။ တတိယမြန်မာနိုင်ငံကို တည်ထောင်ခဲ့သော အလောင်းမင်းတရားကြီးလက်ထက်တွင် မွန်တို့ကို တိုက်ခိုက်အောင်မြင်ပြီးနောက် ဒဂုံကို ရန်ကုန်ဟု အမည်နာမ ပြောင်းလည်ခေါ်ဆိုခဲ့ကြသည်။ ကျိုက်လဂုံကို ကျိုက်ဒဂုံ ဟု ခေါ်ဆိုကြသည်။ နောက်ပိုင်းတွင် ကျိုက်လဂုံ(သို့) ကျိုက်ဒဂုံသည် မြန်မာပြည်၏ မူပိုင်သင်္ကေတ အဖြစ်ကျော်ကြားလာခဲ့သည်။ မူပိုင်ကျိုက်ဆိုသော စကားလုံးနေရာတွင် ရွှေနိုင်ငံ(Golden land)ကို ကိုယ်စားပြုသော ရွှေ ဆိုသော စကားလုံးဖြင့် အစားထိုးခဲ့ကြသည်။ ထို့အတူ လဂုံ လိုလို ဒဂုံ လိုလို ဖြစ်နေသောစကားလုံးကိုလည်း တိဂုံ ဖြင့် အတည်ပြုပေးလိုက်ကြသည်။ ထိုအချိန်မှစ၍ ကျိုက်လဂုံကို မြန်မာပြည်တွင်းမှာ သာမက ကမ္ဘာ့  တ၀ှမ်းလုံးမှာ ရွှေတိဂုံ ဟူသော အမည်နာမဖြင့် ပြောင်းလဲခေါ်ဝေါ်ခဲ့ကြသည်။

သမိုင်းကြောင်း

သဗ္ဗညု မြတ်စွာဘုရားရှင်သည် ဗောဓိပင်ရင်း သတ်္တဌာန၌ (၇)ရက်စီ အလှည့်ကျစံတော်မူပြီး (၄၅)ရက် သီတင်းသုံး နေထိုင်တော်မူ ခဲ့သည်။ ဤသို့ နေထိုင်တော်မူ (၄)ရက်ပြည့်မြောက်ပြီး နောက် တစ်နေ့၌ ““ရာပဒတန်သတ်္တဟ”” ဖြစ်သည့် လင်းလွန်းပင်ရင်း၌ သီတင်းသုံး စံတော်မူစဉ်ကာလဖြစ်သည်။

ကုန်သည်ညီနောင်

ထိုစဉ်ကာလ၌ မွန်တို့ဌာနေ၊ ဥက္ကလာပမင်းကြီး၏ နိုင်ငံတော်တွင် ပါဝင်သော အသိဉ္စနမြို့၌ သုဝဏ္ဏအမည်ရှိသော သူဌေးကြီးတစ်ဦးရှိလေသည်။ ထိုသူဌေးကြီးတွင် တပုဿနှင့် ဘလ္လိက ဟူသော သားနှစ်ယောက်ရှိလေသည်။ ထိုညီနောင်တို့သည် ကုန်သည်များ ဖြစ်ကြသည်။ ၎င်းကုန်သည် ညီနောင်တို့သည် ကုန်များကို သင်္ဘောဖြင့် တင်ဆောင်ကာ မဇ္ဈိမဒေသသို့ ကုန်ရောင်းသွားကြသည်။ မဇ္ဈိမဒေသပင်လယ်ဆိပ်ကမ်းသို့ ရောက်သောအခါ သင်္ဘောကို ဆိုက်ကပ်ကျောက်ချ၍ ကုန်များကို လှည်းအစီးပေါင်း (၅၀၀)ပေါ်သို့ တင်ဆောင်ကာ မဇ္ဈိမဒေသ၌ လှည့်လည်ရောင်းချကြသည်။ တဖုဿ နှင့်ဘလ်္လိက ကုန်သည်ညီနောင်အဖွဲ့သည် ဗောဓိပင်အနီးသို့ ရောက်ရှိ လာခဲ့ကြ၏။ ကုန်သည်တို့ သည် မဟာဗောဓိပင် အနီးသို့ရောက်ပြီး တစ်နေ့ သို့မဟုတ် တစ်ည၌ ရုက္ခစိုးနတ်သည် ကုန်သည်ညီနောင်အား ကိုယ်ထင်ပြခဲ့၏။ ကုန်သည်ညီနောင်တို့သည် ရုက္ခစိုးနတ်အား မြင်လျှင် အံ့သြသွားကြ၏။ အသင်မည်သူနည်း ဟုလည်းမေး၏။

ရုက္ခစိုးနတ်က .`အမောင်တို့ နားထောင်လော့ ကျွန်ုပ်က တခြားမဟုတ်၊ ကျွန်ုပ်သည် ဟိုးဘ၀က အမောင်တို့နှင့် ဆွေမျိုးတော်စပ်ခဲ့သူများ ဖြစ်ပြီး၊ ကျွန်ုပ်သည် ဟိုးရှေးရှေးဘ၀က ကောင်းမှုကုသိုလ်များ ပြုခဲ့သူ ဖြစ်သဖြင့် ယခုဘ၀တွင် ရုက္ခစိုးနတ်ဖြစ်ခဲ့သည်။ အမောင်တို့ ယခု ကျွန်ုပ် သင်တို့ထံသို့ ရောက်ရှိခဲ့သည်မှာ သင်တို့နှင့်ကျွန်ုပ်သည် ယခင် ဘ၀ကဆွေမျိုးတော်စပ်ဖူးသူ ဖြစ်သဖြင့် သင်တို့အား အကျိုးပြုရန် ကျွန်ုပ် ကိုယ်ထင်ပြရခြင်းဖြစ်သည် အမောင်တို့´ဟုပြောသည်။ ကုန်သည်ညီနောင်က `အသင်က မည်သို့ အကျိုးပြုဖို့လာသနည်း´ဟု ရုက္ခစိုးနတ်ကို မေး၏။ ထိုအခါ ရုက္ခစိုးနတ်က`နားထောင်လော့ အမောင်တို့ ကျွန်ုပ်သင်တို့အား အကျိုးပြုသည်ဆိုသည်မှာ အခြားမဟုတ်ပါ။ ပြောရလျှင် အမောင်တို့ ယခု ရောက်ရှိနေသည့် မဇ္ဈိမဒေသတွင် သုံးလောကထွဋ်ထား ရှင်တော်မြတ်ဘုရား ပွင့်တော်မူပြီး လင်းလွန်းပင်ခြေရင်းတွင် သီတင်းသုံး စံတော်မူနေတာမို့ အမောင်တို့ သွားရောက် ပူဇော်လော့ အမောင်တို့'ဟု ရုက္ခစိုးနတ်မင်းက တိုက်တွန်းလမ်းညွှန် လိုက်တယ်။ထိုစကားကိုကြားလျှင်ဖြင့် တဖုဿနှင့် ဘလ်္လိက ကုန်သည်ညီနောင်တို့ သည် အလွန်တရာ ၀မ်းမြောက်ကြည်နူးသွားကြ၏။ ချက်ခြင်းပင် “ဒါဆိုလျှင် ကျွန်ုပ်တို့အား လမ်းညွှန်ပြသပေးပါ ရုက္ခစိုးနတ်မင်း” ဟုပြော၏။ “ကောင်းပြီ ၊ အမောင်တို့၊”ထို့နောက် ရုက္ခစိုးနတ်သည် တဖုဿနှင့် ဘလ်္လိက ကုန်သည်ညီနောင်တို့အား ဘုရားရှင် သီတင်း သုံးရာ လင်းလွန်းပင်အား လမ်းညွှန်ပြခဲ့၏။ ထိုအခါ ကုန်သည် ညီနောင်တို့သည် သဒ္ဒါပီတိအပြည့်အ၀နှင့် ဘုရားရှင် သီတင်းသုံးရာ လင်းလွန်းပင်ရင်းသို့ သွားကြ၏။ မြတ်စွာဘုရားရှင်အား မုန့်ကြွပ်ကြော်၊ ပျားမုန့်ထုပ် တို့နှင့် ဘုရားရှင်အား လှူဒါန်းပူဇော်ခြင်းပြုကြ၏။

ပထမဆုံး သရဏဂုံတည်သူ

ကုန်သည်ညီနောင်တို့သည် မြတ်စွာဘုရားရှင်အား မုန့်ကြွပ် ကြော်၊ ပျားမုန့်ထုပ်တို့နှင့် လှူဒါန်းပူဇော်ခဲ့ကြသည်။ ဘုရားရှင်မှ ဤသို့ လှူဒါန်းပူဇော်ခဲ့သည့်အတွက် ဗုဒ္ဓံသရဏံ ဂစ္ဆာမိ၊ ဓမ္မံသရဏ ဂစ္ဆာမိ ဟူသည့် “ဒွေးဝါဓိက” သရဏံဂုံ တည်ခဲ့ကုန်၏။ ထိုစဉ်က “ဘုရားရတနာ၊ တရားရတနာ” တည်းဟူသည့် “ရတနာနှစ်ပါး”သည်သာ ပေါ်ထွန်းခဲ့ပြီး၊ သံဃာရတနာသည် ပေါ်ပေါက်ခဲ့ခြင်းမရှိသေးပေ။ ထို့ကြောင့် လူသူအများသည် ရတနာနှစ်ပါးအားသာ ဆည်းကပ်ပူဇော်နေကြကုန်၏။ ဗုဒ္ဓ၀င်သမိုင်းကို ပြန်ကြည့်လျှင် ဂေါတမဘုရားရှင် လက်ထက်၌ တဖုဿနှင့် ဘလ်္လိက ကုန်သည်ညီနောင်တို့သည် ထူးခြားစွာ ဘုရားရှင်အား ပထမဦးဆုံး ဆွမ်းကပ်ပူဇော်ခွင့်ရသူနှင့် ပထမဦးဆုံး သရဏဂုံ တည်သူများ ဖြစ်ကြ၏။

ဆံတော်ရှစ်ဆူ
ဘုရားရှင်အား ပူဇော်ခွင့်၊ ဆွမ်းကပ်ခွင့်ရခဲ့သည့်အတွက် ကုန်သည်ညီနောင်တို့ ၀မ်းမြောက်ပီတိဖြစ်ခဲ့ရသည်။ တဖုဿနှင့် ဘလ်္လိက ကုန်သည်ညီနောင်တို့သည် ဆွမ်းကပ်လှူပူဇော်ပြီးလျှင် “အရှင်ဘုရား၊ တပည့်တော်တို့ အရှင်မြတ်ဘုရားအား ထာဝရကိုးကွယ်ဆည်းကပ်ပူဇော်နိုင်ရန် ဘုရားရှင်ကိုယ်စား ပူဇော်ရာ တစ်ခုခုအား ပေးသနားတော် မူပါဘုရား” ဟုလျှောက်ထား လေ၏။ “ကောင်းပြီးချစ်သားတို့” ဟု မိန့်တော်မူပြီး သကာလ ဦးခေါင်းတော်အား သုံးသပ်ပြီး ဆံတော်မြတ် (၈)ဆူအား ကုန်သည်ညီနောင်တို့ အား ပေးသနားတော်မူရာ တဖုဿနှင့် ဘလ်္လိက ကုန်သည် ညီနောင်တို့သည် ၀မ်းမြောက်ပီတိ အပြည့်နှင့် ဗုဒ္ဓဘုရားရှင်၏ ဆံတော်(၈)ဆူအား သင်္ဘောနှင့်ပင့်ဆောင်ကာ ဥက္ကလာပတိုင်းပြည် သို့ ပြန်ခဲ့ကြ၏။ တဖုဿနှင့် ဘလိ်္လက ကုန်သည်ညီနောင်တို့သည် ဘုရားရှင်၏ ဆံတော်(၈)ဆူအား ပင့်ဆောင်ကာ ဥက္ကလာပတိုင်းပြည်သို့ ပြန်လာလျှင် ဥက္ကလာပတိုင်း၏ ပြည့်ရှင်မင်းမြတ် ဥက္ကလာပမင်းကြီး နှင့်တကွ ပြည်သူအပေါင်းတို့က သောင်းသောင်းဖျဖျကြိုဆိုကာ ဆံတော်(၈)အား ဖူးမျှော် ကြည်ညိုကြ၏။

နောင်တော်ကြီးစေတီ
ထို့အတူ ဆံတော်(၈)ဆူအား စေတီတော်အဖြစ် တည်ထား ကိုးကွယ်ရန် ဆုံးဖြတ်ခဲ့ကြ၏။ စေတီတော်အား “သိင်္ဂုတ္တရကုန်းတော်” ၌ တည်ထားကိုးကွယ်ရန် မင်းနှင့်ပြည်သူတို့က ဆုံးဖြတ်ပြီး သိင်္ဂုတ္တရ ကုန်းတော်သို့ ပင့်ဆောင်ခဲ့ကြ၏။ သိဂုင်္တ္တရကုန်းတော် သို့ရောက်လျှင်ဗုဒ္ဓဘုရားရှင်၏ ဆံတော်(၈)ဆူအား ကြီးကျယ်ခန်းနားသည့် စံကျောင်း၊ မဏ္ဍာပ်ကြီး ဆောက်လုပ်၍ပူဇော်ခဲ့ကြသည်။ ယင်းစံကျောင်း မဏ္ဍာပ်နေရာ၌ အထိမ်းအမှတ်စေတီတစ်ဆူ တည်ထားကိုးကွယ်ခဲ့ကြ၏။ ထိုစေတီကို “နောင်တော်ကြီးစေတီ”ဟု အမည်ခေါ်ဆိုခဲ့ကြ၏။

ဌာပနာထားသော ဓာတ်တော်မြတ် ၄-ပါး
ဥက္ကလာပမင်းကြီးတည်ထားကိုးကွယ်တော်မူသော ရွှေတိဂုံ စေတီတော်ကြီး၌ ဘုရား ၄-ဆူ၏ ဓာတ်တော်မြတ်လေးဆူကို ဌာပနာထားသည်ဟု အဆိုမိန့်ရှိခဲ့သည်။ ဗုဒ္ဓမြတ်စွာတို့၏ ဆံတော်မြတ်၊ ဓာတ်တော်မြတ်တို့အား ရန်သူတို့ အလွယ်တကူ မဖျက်ဆီးနိုင်ရန်အတွက် နတ်တို့သည် ဌာပနာ တိုက်ထည့်သွင်းတည်ရန် ကြံရွယ်ပြီး သိဂုင်္တ္တရကုန်းတော် အလယ်တည့်တည့်၌ “ဇောက် ၄၀၄တောင်၊ အနံ ၄၄ တောင်ရှိသည့် ဥမင်လိုဏ်ခေါင်းတစ်ခုတူးခဲ့၏။ ထိုဥမင်လိုဏ်ခေါင်းအတွင်း၌

၁...ဆူးလေနက်ကြီးထံမှ ရရှိသော ကကုဿန်မြတ်စွာဘုရားရှင်၏ တောင်ဝှေးတော်
၂..ရောဟဏီမည်သော ဗိုလ်တထောင်နတ်ကြီးထံမှ ရရှိသည့် ကောဂမန မြတ်စွာဘုရားရှင်၏ ရေစစ်တော်
၃..ဒက္ခိဏ မည်သော သင်္ကန်းကျွန်း ကျိုက္ကဆံ နတ်ကြီးထံမှ ရရှိသည့် ကဿပမြတ်စွာဘုရားရှင်၏ ရေသနုပ်သင်္ကန်းတော်မြတ်
၎..တဖုဿနှင့် ဘလ္လိက ညီနောင်တို့ထံမှ ရရှိသော ဂေါတမမြတ်စွာဘုရားရှင်၏ ဆံတော်မြတ်(၈)ဆူအား မဟာသက္ကရာဇ် ၁၀၃-ခုနှစ်၊ တပေါင်း လပြည့်နေ့၌ ကျောက်ဖျာအခင်းအကာများ ပြုလုပ်၍ ဌာပနာတိုက် ထည့်သွင်းတော်မူခဲ့သည်။ ထိုဆံတော်ဓာတ်တို့ကို 'အမြိဿရ' မည်သော မှော်ဘီနတ်ကြီးက စောင့်ရသည်ဟု မော်ဓော ရာဇာဝင်သမိုင်းနှင့် ရွှေတိဂုံသမိုင်း၊ အခြား ပညာရှိတို့ကဆိုကြသည်။ ထို့နောက် ကျောက်ဖျာတိုက်၏ အထက် ၌ ကျောက်ဖျာတင်၍ ဌာပနာတိုက်အား ပိတ်ခဲ့၏။.........................
================
Toe Kyaw Kyar

ရွှေစည်းခုံစေတီတော်(ပုဂံ) သမိုင်း

တည်နေရာ ညောင်ဦးမြို့၊ ဧရာဝတီမြစ် ကမ်းနဖူး

ဉာဏ်တော် ပေ (၁၆၀)

ကျော်ကြားမှု ပုဂံမင်းနှစ်ပါး တည်ခဲ့ပြီး၊ သိမှတ်ဖွယ်ရာ၊ အံ့ဘွယ်များကြောင့်ရွှေစည်းခုံစေတီတော်သည် ညောင်ဦးမြို့မှ အနောက်တောင် ယွန်းယွန်း၊ မိုင်ဝက်ခန့် ဧရာဝတီမြစ်ကမ်းနဖူးရှိ ပေ(၇၅၀)ကျော်ခန့် ရှည်လျားကျယ်ဝန်းသော မဟာရံတံတိုင်းကြီးနှင့် ဉာဏ်တော်ပေ (၁၆၀)၊ ဖိနပ်တော်အကျယ်ပေ (၁၆၀)ပမာဏရှိကာ ရွှေရောင်ဝင်းလျက် တင့်တယ်ကြည်ညိုဖွယ် တည်ရှိလေသည်။

သမိုင်း

ပုဂံပြည့်ရှင် သီရိအနုရုဒ္ဓ ဒေ၀ ခေါ် အနော်ရထာမင်းလက်ထက်တွင် သီဟိုဠ်ကျွန်း၏ဘုရင် ပထမ၀ိဇယဗာဟု မင်းကြီး၏ အကူအညီတောင်းခြင်းကြောင့် ရဟန်းသံဃာတော်များ၊ ပိဋကတ်သုံးပုံ ကျမ်းစာများနှင့် ဆင်ဖြူတော်တစ်စီးတို့ကို အကူအညီပေးခဲ့သည်။ ပထမ ၀ိဇယဗာဟုမင်းကလည်း အနော်ရထာမင်း၏ ကျေးဇူးကိုတုံ့ပြန်သော်အားဖြင့် မြတ်စွာဘုရား၏ စွယ်တော်ပွားကို အနော်ရထာမင်းထံ ဓမ္မလက်ဆောင်ပြန်လည် ပေးပို့ခဲ့သည်။ အနော်ရထာမင်းကြီး သည် စွယ်တော်မြတ်ကို နန်းတော်ရှေ့  ရတနာပြဿာဒ်တွင် ကိန်းဝပ်စေပြီး ပူဇော် ၀တ်ပြုခဲ့သည်။ ထိုအခါ မင်းဆရာဖြစ်သော် ရှင်အရဟံမထေရ်က သတ္တ၀ါအားလုံး ကိုးကွယ်နိုင်စေရန် စေတီတည်ပါဟု မင်းကြီးအား အကြံဥာဏ်ပေးခဲ့သည်။ အနော်ရထာမင်းလည်း ရှင်အရဟံမထေရ်၏ အကြံဥာဏ်မှာ အလွန် လှော်ကန် သင့်မြတ်သည့်အတွက် စေတီတည်၍ တည်ထားကိုးကွယ်ရန် ဆောင်ရွက်ခဲ့ သည်။ မင်းကြီးသည် စွယ်တော် ကိန်းဝပ်လိုသောအရပ်တွင် ဆင်ဖြူတော် ရပ်စေသတည်း ဟု အဓိဌာန်၍ ဆင်ဖြူတော်၏ကိုပေါ်တွင် စွယ်တော်ကြုတ်တင်၍ လွှတ်လိုက်လေသည်။ ဆင်ဖြူတော်သည် ပုဂံ၏ အရှေ့ မြောက်အရပ် (ဇေယျဘုံဟု ခေါ်တွင်သော အောင်မြေအရပ်၌) သဲစည်းခုံတွင် ၀ပ်လေသည်။ ဆင်ဖြူတော် ၀ပ်ရာ သဲစည်းခုံတွင် စွယ်တော် မြတ်ကို ဌာပနာထားပြီ စေတီတည်တော်မူသည်။ ကောဇာသက္ကရာဇ် ၄၂၁-ခု၊ တပို့တွဲလဆန်း(၁၀)ရက်၊ ကြာသပတေးနေ့တွင် စတင်တည်ဆောက်ခဲ့ပြီး တရုပ်ပြည်မှ ရသော မြဆင်းတုတစ်ဆူ နှင့် သရေခေတ္တရာပြည်ရှိ ဒွတ္တပေါင်မင်းကြီး တည်ထားကိုးကွယ်ခဲ့သော နဖူးသင်းကျစ်တော် တစ်ဆူကိုလည်း ဌာပနာထားသည်။ ဘုရားတည်နေတုန်း ပစ္စယာ ၃ ဆင့်အရောက် တွင်ပင် အနော်ရထားမင်း နတ်ရွာစံ(သေဆုံး) ခဲ့သည်။ အနော်ရထာမင်း နတ်ရွာစံပြီးနောက် ကျန်စစ်သားမင်းက ကောဇာသက္ကရာဇ် ၄၅၁-ခု၊ တန်ဆောင်မုန်းလဆန်း(၁၃)ရက်၊ ဗုဒ္ဓဟူးနေ့တွင် ဆက်လက်တည်ဆောက်ခဲ့ရာ ကောဇာသက္ကရာဇ် ၄၅၂-ခု၊ ကဆုန်လပြည့်နေ့တွင် ပြီးမြောက်အောင်မြင်ခဲ့သည်။ စေတီတော်ကြီး တည်ဆောက်ခဲ့သည့်နှစ်မှ ပြီးစီးသည့်နှစ်အထိ နှစ်ပေါင်း ၃၁-နှစ်ကြာ၏။

စေတီတည်ထားပုံ

ရွှေစည်းခုံစေတီတော်ကြီးသည် မူလက ကျောက်ချပ်များဖြင့် တည်ဆောက်ထားခြင်း ဖြစ်သည်။ သို့သော် ယနေ့အခါ ရွှေအထပ်ထပ်ချသောကြောင့် မူလကျောက်ပြားများ ပျောက်နေပြီး ရွှေတောင်ကြီးသဖွယ်ဖြစ်နေသည်။ ပစ္စယာအဆင့် ၃ ဆင့်ရှိသည် သုံးဆင့်အပေါ်မှ ရှစ်ထောင့်ကြာဝန်း၊ ကြေးဝိုင်း၊ ကြာမှောက်ကြာလှန်နှင့် ခါးပတ်ရှိသည်။ ယင်းအထက်တွင် ခေါင်းလောင်းပုံ၊ ခေါင်းလောင်းပုံ၏ အထက် တွင် သပိတ်မှောက်နှင့် ဖောင်းရစ်ရှိသည်။ ဖောင်းရစ်အထက် ကြာစိတ်၊ ကြာမှောက်၊ ကြာပျံနှင့် ထီးတော် ရှိသည်။ ပစ္စယာ အဆင့်မှ ထီးတော်အထိ ပေ ၁၅၀ မြင့်သည်။ ပစ္စယာအဆင့်ဆင့် တွင် ငါးရာ့ ငါးဆယ်ဇာတ်တော် ရုပ်ကြွ အုပ်ချုပ်များရှိသည်။ ညာဖက်တွင် ဖေါ်ပြထားသောပုံတော်သည် ရွှံကိုမီးဖုတ်ပြီး ပြုလုပ် ထားသည့် ပုံတော်ဖြစ်သည်။

ရင်ပြင်တော်

စေတီ၏လေးဘက်လေးတန်၌ အုတ်ဂန္ဓကုဋီလေးဆောင်ရှိသည်။ ယင်းဂန္ဓကုဋီတိုက်များ အတွင်း၌ အလွန်လက်ရာမြောက်သော မတ်ရပ်ကြေးဆင်းတု တစ်ဆူစီ ရှိသည်။ ဥာဏ်တော် ၁၂ ပေမြင့်သည့် ပုဂံခေတ်လက်ရာဖြစ်သည်။ မူလက ဂန္ဓကုဋီတိုက်တံခါး များရှိသော်လည်း ယခုအခါ ၁ ခုသာ ကျန်တော့သည်။ ရင်ပြင်တော် အနောက်ဘက် ပိုင်းတွင် နတ်ရုပ်တု၊ ဘိုးတော်ရုပ်တု၊ သိကြားရုပ်တုစသည်များလည်း သူ့အဆောင်နှင့် သူရှိသည်။ ရင်ပြင်တော်အရှေ့ မြောက်ထောင့်တွင် ကျောက်စာရုံရှိသည်။ ကျောက်စာရုံ ထဲတွင် ခေတ်အဆက်ဆက်မှ ရေးထိုးထားခဲ့သည့် ကျောက်စာများထဲမှ ကျောက်စာ ၆ ချပ်ကို သိမ်းဆည်းထားသည်။ ကျန်းစစ်သားမင်းကြီး၏ ကျောက်စာတိုင်ကြီး ၂ တိုင်သည် အရှေ့ ဘက်မုခ် တွင်ရှိသည်။ ရှေးမွန်ဘာသာဖြင့် ရေးထိုးထားသည်။

သိမှတ်ဖွယ်ရာ

ရွှေစည်းခုံစေတေီအောက်ခြေတွင် ပစ္စယံသုံးဆင့်ရှိပြီး ပစ္စယံသုံးဆင့်အထက်တွင် ရှစ်ထောင့်ကြာဝန်း ကျည်းဝန်း၊ ခေါင်းလောင်းပုံ၊ ရင်စည်း၊ သပိတ်မှောက်၊ ဖောင်းရစ် အဆင့်ဆင့်၊ ကြာမှောက်၊ ရွဲ၊ ကြာလန်၊ ပဉ္စလောဟာချရားသီး၊ ထီးအဆင့်ဆင့်ဖြင့် တည်ဆောက် ထားသည်။

ရွှေစည်းခုံစေတီတော်၏ ပစ္စယံအဆင့်ဆင့်တွင် စဥ့်စိမ်းသိတ် အုတ်ချပ်များဖြင့် ပြုလုပ်ထားသော (၅၅၀)ဇာတ်များကို ဇာတ်အမည်၊ နံပါတ်များနှင့် တကွ တွေ့ရသည်။ ရွှေစည်းခုံစေတီ၏ မျက်နှာလေးဖက်တွင် ကြေးဂူတိုက် လေးတိုက်ရှိပြီး ထိုတိုက်များထဲတွင် (၃.၉၀)မီတာ (၁.၂၈)ပေခန့် အမြင့်ရှိ ရပ်တော်မူဗုဒ္ဓရုပ်ပွားတော် ကြေးဆင်းတု (အဘယမုဒြာနှင့် ၀ရဒမုဒြာ) များရှိသည်။ ပုဂံခေတ် ကြေးသွန်း ကြေးခတ်နည်း (ပန်းတည်းပညာ)ကို လေ့လာနိုင်သည်။

ရွှေစည်းခုံစေတီတော်၏ အရှေ့ဘက်မုခ်တွင် ရှေးမွန်ဘာသာဖြင့် ရေးထိုးထားသည့် ကျန်စစ်သားမင်း အေဒီ (၁၀၈၄-၁၁၁၃) ၏ နန်းတက်အမိန့်တော် ပြန်တမ်းကျောက်စာတိုင် နှစ်တိုင်ရှိသည်။ ထိုကျောက်စာတွင် ကျန်စစ်သားမင်းသည် ဘုရားလက်ထက်၌ ဗိဿနိုးဖြစ်ခဲ့ပြီး နောင်အခါ အရိမဒ္ဒပူရပြည်တွင် တရားစောင့်သော မင်းဖြစ်လာမည်ဟု ဘုရားက ဗျာဒိတ်ပေးခဲ့ကြောင်း၊ တိုင်းသူပြည်သားတို့ကို ကြင်နာစွာ အုပ်ချုပ်မည့် အကြောင်း ရေးထိုးထားသည်။

ဟံသာဝတီ ဘုရင့်နောင်ကျော်ထင်နော်ရထာ အေဒီ(၁၅၅၀-၁၅၈၁) သည် ရွှေစည်းခုံစေတီကို ရွှေသင်္ကန်းကပ်လှူခဲ့ပြီး ထိုအကြောင်းကို (၂၃)မေ၊ (၁၅၅၇) ကလှူခဲ့သည့် (၂၁၀၀)ပိဿာ၊ (၃.၁၈)တန်ရှိ ကုသိုလ်တော် ခေါင်းလောင်းစာတွင် ဖြော်ပခဲ့သည်။

ကုန်းဘောင်ခေတ် ဆင်ဖြူရှင်မင်း အေဒီ (၁၇၆၃-၁၇၇၆) သည် (၃၀)မေ၊ (၁၇၆၈) တွင် ရွှေစည်းခုံစေတီကို ထီးတော်တင်ပြီး ၄င်း၏အလှူဒါနကို ရေးထိုးထားသည့် မော်ကွန်း ကျောက်စာရှိသည်။

ရွှေစည်းခုံ စေတီရင်ပြင်ရှိ အုတ်ဇရပ်အတွင်းရှိ ပုဂံခေတ်က ထုလုပ်ခဲ့သည့် ဗုဒ္ဓခြေတော်ရာ၊ သစ်သားပန်းပု သိကြားရုပ်နှင့် သစ်သားပန်းပု တံခါးရွက်တို့ကို လေ့လာနိုင်သည်။

ရွှေစည်းခုံစေတီ ပန္နက်ရိုက်ရာ၌ အခြေပြုသည့် ပန္နက်သဲဂူ၊ အုတ်ဇလားဂူ တို့လည်းရှိသည်။

အံ့ဘွယ်ကိုးပါး

ရွှေစည်းခုံစေတီသည် အတွင်းအံ့ကိုးပါး၊ အပြင်အံ့ကိုးပါး နှင့်ပြည့်စုံသည်ဟု ယုံကြည်ကြသည်။

အတွင်းအံ့ကိုးပါး

1. ထီးတော်အလွန်ကြီးသော်လည်း သံကြိုးမဆိုင်းရခြင်း၊

2. စေတီ၏အရိပ်သည် တံတိုင်းအပြင်သို့ မရောက်ခြင်း။

3. စေတီ၏ထိပ်မှ ရွှေစက္ကူပစ်ချလျှင် အပြင်သို့မရောက်ခြင်း။

4. စေတီ၏ မဟာရံတံတိုင်းအတွင်း လူမည်မျှများများ ပြည့်ကျပ်မနေခြင်း။

5. တန်ဆောင်မုန်းလပြည့်ပွဲတော်တွင် ပထမသပိတ်တော်၌ မည်သူမျှ ဆွမ်းဦးမတင်နိုင်ခြင်း။

6. အဝေးကကြည့်လျှင်ကုန်း၊ အတွင်းမှကြည့်လျှင် ကျင်းသဖွယ်ထင်ရခြင်း။

7. စေတီ၏တစ်ဖက်မှ တီးသောစည်သံကို အခြားတစ်ဖက်မှ မကြားရခြင်း။

8. မိုးသည်းထန်စွာရွာသော်လည်း စေတီရင်ပြင်၌ ရေမတင်ခြင်း။

9. စေတီတော် အရှေ့ တောင်ထောင့်ရှိ ခရေပင်သည် ၁၂ ရာသီ ပွင့်ခြင်းတို့ဖြစ်သည်။

* ထို့အတွက်ကြောင့် ရှေးမှယနေ့တိုင် အစဉ်အဆက် မှတ်ခဲ့ကြသည်မှာ – တန်ခိုးမှာ ရွှေစည်းခုံ၊ အနုမှာ အာနန္ဒာ၊ ထုမှာ ဓမ္မရံ၊ အမြင့်မှာ သဗ္ဗေညု ဟူ၍ ဖြစ်သည်။

အပြင်အံ့ဘွယ်ကိုးပါး

1. ဧရာဝတီမြစ်ကမ်းစပ်ရေစီးအတွင်း စွယ်တော်တင်လာသည့် ဆင်ဖြူတော်ဝပ်သည့်နေရာ သောင်ဖြစ်လာခြင်း။

2. ထိုသဲသောင်တို့သည် ကျောက်ဖြစ်လာခြင်း။

3. ဧရာဝတီမြစ်ရေသည် စေတီတော်ကို ဦးခိုက်ရစ်ဝဲစီးဆင်းခြင်း။

4. မဟာရံတံတိုင်းသည် ရှစ်ပယ် (၁၄.၁၆)ဧက ကျယ်ဝန်းခြင်း။

5. စေတီတည်ရာတွင် တုရင်းတောင်မှ ကျောက်များကို ပုဂံပြည်သူတို့ လက်ဆင့်ကမ်းသယ်ခြင်း။

6. ကျောက်သယ်ယူသူများ အရိပ်ရရန် မန်ကျည်းပင်များ ချက်ခြင်းပေါက်ခြင်း။

7. ကျောက်သယ်အပြီး မန်ကျည်းပင်များ ပျောက်ခြင်း။

8. ရွှေစည်းခုံစေတီ အရှေ့မျက်နှာစာ လှေကားအနီးရှိ ရေမှန်အတွင်း၌ စေတီအရိပ်ထင်ခြင်း။

9. စေတီကို အဝေးမှကြည့်ပါက ကုန်းမြင့်ပေါ်တွင် တည်ထားသည်ဟု ထင်ရခြင်းတို့ ဖြစ်သည်
=============
Bagan History

Credit to > APRIL MAUNG MAUNG

“မေတ္တာသုတ် ပါဠိ-အနက်”

(၁)။ “မေတ္တာသုတ်ဖြစ်ပေါ်လာရခြင်းအကြောင်း”
•••••••••••••••••••••••••••••••••••••••••••••••••••••
သာဝတ္ထိ ပြည် ဇေတဝန် ကျောင်းတော် ၌ ဂေါတမ မြတ်စွာ
ဘုရား သီတင်းသုံး စံနေတော်မူစဉ် ငါးရာသော ရဟန်းအစု
တစ်စုသည် တစ်ခုသော ဝါဝင်ခါနီး ကာလ၌ မြတ်စွာဘုရား
သခင်အား ဖူးမြော် ရှိခိုး၍ ကမ္မဋ္ဌာန်း နိဿယများယူကာ
တောအုပ် တစ်ခုတွင် ဝါ ဆိုလျက် ကမ္မဋ္ဌာန်း တရား
အားထုတ်ကြလေသည်။

ရဟန်းတော် များသည် တောအုပ်အနီး ရွာများတွင်
နံနက်ဆွမ်းကို ပြည့်စုံစေလျက် ညအခါမှာ တောအုပ်တွင်းရှိ
သစ်ပင် ကြီးများကို မှီခိုကာ တစ်ပင်လျှင် တစ်ပါးကျ
သီတင်းသုံး၍ တရားကျင့်တော်မူကြလေသည် ။
ထိုအချိန်တွင် သစ်ပင်ပေါ်ရှိ ရုက္ခစိုး များသည်
ရဟန်းတော်များ၏ အထက်တွင် မနေဝံ့ကြသဖြင့်
မြေပြင်တွင် ဆင်း၍ ဒုက္ခ ခံ ကာ နေထိုင်ကြရလေသည်။
အချို့ ရုက္ခ စိုး များမှာ ကလေး ငယ်များ ရှိကြသဖြင့်
ရဟန်းတော်များတစ်နေ့ ပြန်နိုး တစ်ရက်ပြန်နိုး
စောင့်စား နေ ပါသော်လည်း ရုတ်တရက်
မပြန်တော့သဖြင့် အချင်းချင်း ညှိနှိုင်းကာ
ငါးရာသော ရဟန်းတို့ ကြောက်လန့်ထွက်ပြေးစေရေး
အတွက် ကြောက်မက်ဖွယ်ရာ ဘီလူးကြီး၊
နဂါးကြီး သဏ္ဌာန် ပြ၍ လည်းကောင်း ၊
ထိတ်လန့်ဖွယ်ရာ အပုပ်နံ့ကြီးများဖြင့်လည်းကောင်း
ခြောက်လှန့်ဖျက်ဆီးကြတော့သည်။
ရဟန်းတော်များသည် တစ်ပါးစီ ခြောက်လှန့်ခံကြရသည်
ဖြစ်ရာ ကမ္မဋ္ဌာန်းဘာဝနာ ကို အားထုတ်ရာတွင် သမာဓိ
မရနိုင်တော့သည့် အဆုံးခေါင်းဆောင်မထေရ် ကြီးအား
အသိပေးလျက် မြတ်စွာဘုရား ရှိရာ သာဝတ္ထိ ပြည်
ဇေတဝန် ကျောင်းတော်သို့ ပြန်လာခဲ့ကြလေသည်။
ဘုရားသခင်၏ ရှေ့ မှောက်၌ ဖြစ်ပျက်ပုံ
အကြောင်းများ ကို လျှောက်ထားသည့်အခါ ရှင်တော်မြတ်ဘုရား
က ရဟန်းငါးရာ တို့ကို မေတ္တာ ကမ္မဋ္ဌာန်း စီးဖြန်းကြစေရန်
မေတ္တာ သုတ်တော်ကို ဟောဖော်သင်ကြား၍
ယင်းတောအုပ် သို့ပင် ပြန်လည် စေလွှတ်လိုက်လေသည်။
မေတ္တာ ကမ္မဋ္ဌာန်း စီးဖြန်း၍ မေတ္တာ သုတ်တော်ကို
ရွတ်ဖတ်သရဇ္ဈာယ် သွားသော ရဟန်းတော်ငါးရာ
ကို ရုက္ခစိုး နတ်တို့သည် မနာလို စိတ်များ ပျောက်ကွယ်၍ ၊
လူသဏ္ဌာန် ဖန်ဆင်းလျက် ခရီးဦးကြိုသူကြို ၊
ခြေဆေးသူဆေး ၊ သပိတ်ပွေ့သူက ပွေ့ နှင့်
လုပ်ကျွေးကြကာ ဝါကျွတ်သည့် အခါတွင် ရဟန်းငါးရာ
တို့မှာ ကောင်းစွာ တရားထူးရသည် မှ စ၍
မေတ္တာ သုတ်တော်ဖြစ်ပေါ်ရွတ်ဖတ်ခဲ့ကြပါသတည်း။
ဤကားမေတ္တာသုတ်ဖြစ်ပေါ်လာရခြင်းအကြောင်း ဖြစ်ပေတည်း။
“(၂)။မေတ္တာသုတ်ပါဠိ-အနက်”
•••••••••••••••••••••••••••••••
( ၁ ) ဟေ ၊ အိုသူတော်ကောင်းတို့ ။
ယဿပရိတ္တဿ ၊ အကြင်မေတ္တာသုတ်ပရိတ်တော်၏ ။
အနုဘာဝတော ၊အစွမ်းရှိန်စော်အာနုဘော်ကြောင့် ။
ယက္ခာ ၊ နတ်အများတို့သည် ။
ဘီသနံ ၊ ကြောက်မက်ဖွယ် အာရုံမျိုးကို ။
နေ၀ ဒဿန္တိ ၊ မပြနိုင်ကြကုန် ။
ယမှိစေ၀ ၊ အကြင်မေတ္တာသုတ် ပရိတ်တော်၌ သာလျှင် ။
ရတ္တိန္ဒိဝံ ၊ နေ့ည မပျက် အခါခပ်သိမ်း ။
အတန္ဒိတော ၊ ပျင်းရိခြင်းမရှိဘဲ ။
အနုယုဉ္ဇန္တော ၊ ထပ်တလဲလဲ စွဲမြဲရွတ်ပွား အားထုတ်သူသည် ။
( ၂ ) သုခံ ၊ ချမ်းချမ်းသာသာ ။
သုပတိ ၊ အိပ်စက်ရ၏ ။
သုတ္တော ၊ အိပ်ပျော်သည်ရှိသော် ။
ကိဉ္စိ ၊ တစ်စုံ တစ်ခုသော ။
ပါပံ စ ၊ အိပ်မက်ဆိုးကိုလည်း ။
နပဿတိ ၊ မမြင်မက်ရ ။
ဧ၀ါမာဒိဂုဏူပေတံ ၊ ဤသို့အစ ရှိသော
အကျိုးဂုဏ်အင် အာနိသင်နှင့်ပြည့်စုံသော ။
တံပရိတ္တံ ၊ ထိုမေတ္တာသုတ် ပရိတ်တော်ကို ။
မယံ ၊ ငါတို့သည် ။
ဘဏာမ ၊ ရွတ်ကြကုန်စို့
( ၃ ) သန္တံ ၊ ငြိမ်သက်အေးချမ်းသော ။
ပဒံ ၊ နိဗ္ဗာန်ကို ။ အဘိသမေစ္စ ၊ အာရုံယူဘိ ထွင်းဖောက် မြင်သိ၍ ။
( ၀ိဟရိတုကာမေန ၊ နေခြင်းငှာ အလိုရှိသော )
အတ္ထကုသလေန ၊ အကျင့်အမျိုမျိုးအကျိုးစီးပွား၌ လိမ္မာသူသည် ။
ယံ ကရဏီယံ ၊ ပြုကျင့်ရမည့်သိက္ခာ သုံးရပ် အကျင့်မြတ်သည် ။
အတ္ထိ ၊ ရှိ၏ ။ တံ ၊ ထိုသိက္ခာသုံးရပ်အကျင့် မြတ်ကို ။
ကရဏီယံ ၊ ပြုကျင့်ထိုက်ပေ၏ ။
သက္ကော စ ၊ စွမ်းနိုင်သူလည်း ။
အဿ ၊ ဖြစ်ရာ၏ ။
ဥဇူ စ ၊ ဖြောင့်မတ်သူလည်း ။
အဿ ၊ ဖြစ်ရာ၏ ။
သုဟုဇူ စ ၊ အလွန်ဖြောင့်မတ်သူလည်း ။
အဿ ၊ ဖြစ်ရာ၏ ။
သုဝစော စ ၊ ဆိုဆုံးမလွယ်သူလည်း ။
အဿ ၊ ဖြစ်ရာ၏ ။
မုဒု စ ၊ နုညံ့ပျော့ပျောင်းသူလည်း ။
အဿ ၊ ဖြစ်ရာ၏ ။
အနတိမာနိ စ ၊ မာန်ထောင်လွှားခြင်းမရှိသူလည်း ။
အဿ ၊ ဖြစ်ရာ၏ ။
( ၄ ) သန္တုဿကော စ ၊ တင်းတိမ်ရောင့်ရဲလွယ်သူလည်း ။
အဿ ၊ ဖြစ်ရာ၏ ။
သုဘရော စ ၊ အမွေးအမြူလွယ် သူလည်း ။
အဿ ၊ ဖြစ်ရာ၏ ။
အပ္ပကိစ္စော စ ၊ နည်းပါးသောကိစ္စရှိသူလည်း ။
အဿ ၊ ဖြစ်ရာ၏ ။
သလ္လဟုက၀ုတ္တိ စ ၊ ပေါ့ပါးသော အဖြစ်မျိုးရှိသူလည်း ။
အဿ ၊ ဖြစ်ရာ၏ ။
သန္တိန္ဒြိယော စ ၊ ငြိမ်သက်သော ဣနြေ္ဒ ရှိသူလည်း ။
အဿ ၊ ဖြစ်ရာ၏ ။ နိပကော စ ၊
ရင့်ကျက်သော ပညာရှိသူလည်း ။ အဿ ၊ ဖြစ်ရာ၏ ။
အပ္ပဂဗ္ဘော စ ၊ ကြမ်းတမ်းရိုင်းပြခြင်း မရှိသူလည်း ။
အဿ ၊ ဖြစ်ရာ၏ ။
ကုလေသု ၊ အိမ်သူ လူတို့၌ ။
အနနုဂိဒ္ဓေါ စ ၊ တွယ်တာမက်မောခြင်း မရှိသူလည်း ။
အဿ ၊ ဖြစ်ရာ၏ ။
( ၅ ) ယေန ၊ အကြင်ဒုစရိုက်စု ယုတ်ညံ့သောအမှုကြောင့် ။
ဝိညူ ၊ ပညာရှိဖြစ်ကုန်သော ။
ပရေ ၊ သူတစ်ပါးတို့သည် ။
ဥပ၀ဒေယျုံ ၊ ကဲ့ရဲ့ပြစ်တင်ကုန်ရာ၏ ။
ခုဒ္ဒံ ၊ ယုတ်ညံ့သော ။
တံ ၊ ထိုဒုစရိုက်မျိုးကို ။
ကိဉ္စိ ၊ အနည်းငယ်ကလေး အသေးအဖွဲမျှကိုပင် ။
န အာစရေ ၊ မပြုကျင့်ရာ ။
သဗ္ဗသတ္တာ ၊ သတ္တ၀ါ မှန်သမျှတို့သည် ။
သုခိနော ၀ါ ၊ ကိုယ်၏ချမ်းသာခြင်းရှိကုန်သည်လည်းကောင်း ။
ခေမိနော ၀ါ ၊ ဘေးရန်ကင်းဝေး အေးချမ်းသာယာခြင်း
ရှိကုန်သည်လည်းကောင်း ။
ဟောန္တု ၊ ဖြစ်ကြပါစေကုန်သတည်း။
( ၆/၇ ) အန၀သေသာ ၊ ကြွင်းမဲ့ဥဿုံ အလုံးစုန်ကုန်သော ၊
ယေ တသာ ၀ါ ၊ အကြင် ထိတ်လန့် တတ်သော ပုထုဇဉ်
သေက္ခသည်လည်းကောင်း ။
ယေ ထာဝရာ ၀ါ ၊ အကြင်မထိတ်မလန့်
တည်တန့်ခိုင်မြဲသော ရဟန္တာ တို့သည်လည်းကောင်း ။
ယေ ဒီဃာ ၀ါ ၊ အကြင် ခန္ဓာကိုယ်ရှည်လျှား သတ္တ၀ါ
တို့သည်လည်းကောင်း ။
ယေ မဟန္တာ ၀ါ ၊ အကြင်ခန္ဓာကိုယ် ကြီးမားသတ္တ၀ါ
များသည်လည်းကောင်း ။
ယေ မဇ္ဈိမ ၀ါ ၊ အကြင်မတိုမရှည် မကြီးမငယ်
အရွယ်အလတ်စား သတ္တ၀ါတို့သည်လည်းကောင်း ။
ယေ ရဿကာ ၀ါ ၊ အကြင်ပုကွနိမ့်တို ခန္ဓာကိုယ် ရှိသော
သတ္တ၀ါတို့သည်လည်းကောင်း ။
ယေ အဏုမာ ၀ါ ၊ အကြင်သေးငယ်မှုန်မွား သတ္တ၀ါများ
တို့သည်လည်းကောင်း ။
ယေ ထူလာ ၀ါ ၊ အကြင်ဝိုင်းစက်ဆူဖြိုး သတ္တ၀ါမျိုးတို့
သည်လည်းကောင်း ။
ယေ ဒိဋ္ဌာ ၀ါ ၊ အကြင်မြင်ဘူးသော သတ္တ၀ါတို့သည်လည်းကောင်း ။
ယေ အဒိဋ္ဌာ ၀ါ ၊ အကြင်မမြင်ဘူးသော သတ္တ၀ါ တို့သည်လည်းကောင်း ။
ယေ ဒူရေ ၀သန္တိ ၊ အကြင်အဝေးအရပ်၌ နေကြကုန်သော
သတ္တ၀ါ တို့သည် လည်းကောင်း ။
ယေ အ၀ိဒူရေ ၀သန္တိ ၊ အကြင်အနီးအရပ်၌ နေကြသောသတ္တ၀ါ
တို့သည်လည်းကောင်း ။
ယေ ဘူတာ ၀ါ ၊ အကြင်နောင်မဖြစ်ရ ဖြစ်ပြီးသားဖြစ်ကြသော
ရဟန္တာတို့သည်လည်းကောင်း ။
ယေ သမ္ဘဝေသီ ၀ါ ၊ နောင်ဖြစ်ရမည့်ဘ၀ကိုရှာ
အကြင်ပုထုဇဉ် သက္ခ သတ္တ၀ါတို့သည်လည်းကောင်း ။
ယေ ကေစိ ၊ အလုံးစုန်ကုန်သော ။
ပါဏဘူတာ ၊ သတ္တ၀ါတို့သည် ။
အတ္ထိ ၊ ရှိကုန်၏ ။
ဣမေပိသဗ္ဗသတ္တာ ၊ ဤအလုံးစုံကုန်သော သတ္တ၀ါတို့သည်လည်းကောင်း ။
သုခိတတ္တာ ၊ ချမ်းသာအေးမြ ကိုယ်စိတ်နှစ်ပါး ရှိကြကုန်သည်။
ဘ၀န္တု၊ ဖြစ်ကြပါစေကုန်သတည်း။
( ၈ ) ပရော ၊ တစ်ပါးသူတစ်ယောက်သည် ။
ပရံ ၊ သူတစ်ပါးအခြားသူတစ်ယောက်ကို ။
နနိကုဗ္ဗေထ ၊ စဉ်းလဲသမှု လှည့်ပါတ်ခြင်း မပြုပါစေလင့် ။
ကတ္ထစိ ၊ တစ်စုံတစ်ခုသောအရပ်၌ (ဘယ်အရပ်မှာမဆို )
ကိဉ္စိ ၊ တစ်စုံတစ်ယောက်သော ။
နံ ၊ ထိုသူတစ်ပါးကို ။
နာတိမညေထ ၊ မာန်ထောင်သမှု မထီမဲ့မြင် မပြုပါစေလင့် ။
ဗျာရောသနာယ ၊ ကိုယ်နှုတ်တို့ဖြင့် စော်ကားထိပါးနှိပ်စက်ခြင်းဖြင့်လည်းကောင်း ။
ပဋိဃသညာယ ၊ ဒေါသစိတ်ဖြင့်လည်းကောင်း ။
အညမညဿ ၊ အချင်းချင်း (တစ်ယောက်သည် တစ်ယောက်) ၏ ။
ဒုက္ခံ ၊ ဆင်းရဲခြင်းကို။ နဣစ္ဆေယျ ၊ အလိုမရှိပါစေလင့်။
( ၉ ) မာတာ ၊ မွေးသည့်မိခင်ကျေးဇူးရှင်သည် ။
နိယံပုတ္တံ ၊ မိမိရင်နှစ်သားရင်းဖြစ်သော ။
ဧကပုတ္တံ ၊ တစ်ဦးတည်းသောသားကို ။
အာယုသာ ၊ မိမိအသက်ဖြင့်သော်ပင် ။
အနုရက္ခေ ယထာ ၊ အစဉ်မကွာကွယ်ကာ စောင့်ရှောက်သကဲ့သို့ ။
ဧ၀မ္ပိ ၊ ဤအတူလည်း ။
သဗ္ဗဘူတေသု ၊ အလုံးစုံသောသတ္တ၀ါတို့၌ ။
အပရိမာဏံ ၊ အတိုင်းအတာပမာဏမရှိသော ။
မာနသံ ၊ မေတ္တာစိတ်ကို ပွားများပါလေ။
( ၁၀ ) ဥဒ္ဓံ ၊ အထက်လောက အရူပဘ၀၌လည်းကောင်း ။
အဓော ၊ အောက်ပြည်လောက ကာမဘ၀၌လည်းကောင်း ။
တိရိယံ ၊ အလယ်လောက ရူပဘ၀၌လည်းကောင်း ။
သဗ္ဗလောကသ္မိံ၊ အလုံးစုံသောလောက၌ ။
အပရိမာဏံ ၊ အတိုင်းအတာ ပမာဏမရှိသော ။
မေတ္တံ ၊ မေတ္တာနှင့်ရှင်သော ။
မာနသံ ၊ စိတ်ကို ။
အဝေယံ ၊ ဒေါသဟူဘိအတွင်းရန်လည်းမရှိသည်ကို ။
အသပတ္တံ ၊ နှိပ်စက်ရန်မူ အပရန်သူလည်း မရှိသည်ကို ။
(ကတွာ ၊ ပြု ၍ ) ဘာဝယေ ၊ ပွားများရာ၏။
(၁၁ ) တိဋ္ဌံ ၀ါ ၊ ရပ်လျှက်သော်လည်းကောင်း ။
စရံ ၀ါ ၊ သွားလျှက်သော်လည်းကောင်း ။
နိသိန္နော ၀ါ ၊ ထိုင်လျှက်သော်လည်းကောင်း ။
သယာနော ၀ါ ၊ အိပ်လျှက်သော်လည်းကောင်း ။
ယာဝတာ ၊ အကြင်မျှလောက် ။
ဝိတမိဒ္ဓေါ ၊ ကင်းသောအိပ်ချင်ငိုက်မည်းခြင်းရှိသည် ။
အဿ ၊ ဖြစ်ရာ၏ ။
အထ ၊ ငိုက်မျဉ်းခြင်းကင်း ထိုအချိန်အတွင်း၌ ။
ဧတံ သတိံ ၊ ထိုမေတ္တာယှဉ်ဘိ ဈာန်သတိကို ။
အဓိဋ္ဌေယျ ၊ စွဲမြဲမကွာ ဆောက်တည်ရာ၏။
ဣဓ ၊ ဤဘုရားသာသနာတော်၌ ။
ဧတံ ၊ မေတ္တာမကင်း ဈာန်ဖြင့်နေခြင်းကို ။
ဗြဟ္မံ ၊ ထူးမြတ်သော။
ဝိဟာရံ ၊ နေခြင်းမျိုးဟူ၍ ။
အာဟု ၊ မြတ်ဘုရားတို့ဟောကြားတော်မှုကုန်ပြီ။
( ၁၂ ) သော ၊ ထိုမေတ္တာဈာန်ရပြီးသော ယောဂီပုဂ္ဂိုလ်သည် ။
ဒိဋ္ဌိဉ္စ ၊ အတ္တဒိဋ္ဌိသို့လည်း ။
အနုပဂ္ဂမ္မ ၊ မစွဲမကပ်ရောက်မူ၍ ။
သီလ၀ါ ၊ လောကုတ္တရာသီလရှိသူသည် ။
ဒဿနေန ၊ သောတာပတ္တိမဂ်ဥာဏ် နှင့် ။
သမ္မန္နော ၊ ပြည့်စုံသူသည် ။ (သမာနော ၊ ဖြစ်လျှက် )
ကာမေသု ၊ ၀တ္ထုအာရုံကာမဂုဏ်တို့၌ ။
ဂေဓံ ၊ ကိလေသာဖြင့် တွယ်တာမက်မောခြင်းကို ။
ဝိနေယျ ၊ တစ်စမကြွင်း အရှင်းပါယ်ရှားပြီးသော် ။
ဇာတု ၊ စစ်စစ်ဧကန်အမှန်ပင် ။
ပုန ၊ နောက်ထပ်တစ်ဖန် ။
ဂဗ္ဘသေယျံ ၊ ပဋိသန္ဓေနေခြင်းသို့ ။
နဧတိ၊ မရောက်ရတော့ပေ။
(အဘိဓဇမဟာရဋ္ဌဂုရု သပြေကန်ဆရာတော်
အရှင်ဝါသေဋ္ဌာဘိဝံသ ၏ “ပရိတ်ကြီးနိဿယသစ်” မှ -)
၃။ “မေတ္တာသုတ် ရွတ်ဆိုရကျိုး”
•••••••••••••••••••••••••••••••
မေတ္တာ သုတ်တော်ကိုအမြဲ မပြတ်ရွတ်ဖတ်သရဇ္ဈာယ်လေ့ ရှိသူ တို့မှာ
အပလောက ပယောဂ အခြောက်အလှန့် မခံရခြင်း ၊
အနာရောဂါ ကင်းခြင်း၊ အိပ်မက်ဆိုး ၊ နိမိတ်ဆိုး ၊
အတတ်ဆိုး များမကြုံရခြင်း ၊ လူ နတ် အများချစ်ခင်ကြခြင်း၊
အဆိပ်လက်နက် မစူးရှခြင်း ၊
ရူးသွပ်သော ဝေဒနာ ကင်းခြင်း မှ စ၍ ဗြဟ္မာ့ဘုံရောက်သည်
အထိ အကျိုးပေးနိုင်စွမ်း ရှိလေသည် ။
မေတ္တာဖြင့် 。。。
-【အရှင်ဇောတိပါလ - လပြည့်ဝန်း(သာစည်) 】
(ဘ၀အရေးစိတ်အေးရဖို့ဓမ္မအသိရှိလျှက်နေကြစို့။)
Dhamma Dãna Source ►
www.facebook.com/youngbuddhistassociation.mm

*ဗုဒ္ဓသည် အိန္ဒိယနိုင်ငံသား ဟုတ်၊ မဟုတ်*

မေး။ လွန်ခဲ့တဲ့ 'တစ်နှစ်ကျော်' လောက်ကတည်းက "ဆရာပါရဂူ" ရေးသည့် "ဗုဒ္ဓမြတ်စွာဘုရားသည် အိန္ဒိယနိုင်ငံသား ဟုတ်မဟုတ်" ဆိုတဲ့ စာအုပ်ကြော်ငြာကို တွေ့၍ ၀ယ်ယူရန် 'လှည်းတန်း' သို့သွားရှာဖွေရာ မတွေ့၍မ၀ယ်ဖြစ်လိုက်ပါ။ ဒါကြောင့် ဆရာတော်ဘုရားအနေနဲ့ မြတ်စွာဘုရားဟာ ဘယ်နိုင်ငံသားဆိုတာကို ကရုဏာ ရှေ့ထား ဖြေကြားပေးပါ။

ဖြေ။ နိုင်ငံသားကတော့ "အိန္ဒိယနိုင်ငံသား" ပေါ့။ အိန္ဒိယနယ်ထဲ 'မွေး' တာကိုး။ ဒါပေမယ့် အဲဒီ အိန္ဒိယနိုင်ငံထဲမှာ လူမျိုးက အများကြီးလေ။ သူတို့ 'အမျိုး' ကို "သာကီဝင် အမျိုး" လို့ခေါ်တယ်။ အခုလို အမည်း၊ အသည်းမျိုးတွေလည်း အများကြီးပေါ့။ လူမျိုးစုံရှိတယ်။ တို့ 'မြန်မာပြည်' ထဲမှာလည်း အခု " မြန်မာ၊ ကုလား၊ တရုတ်၊ ရှမ်း၊ ကချင်" အဲဒီလိုရှိသလိုပေါ့။

အိန္ဒိယနိုင်ငံထဲမှာ လူမျိုးပေါင်းစုံရှိတယ်။ အဲဒီ လူမျိုးပေါင်းစုံထဲမှာ "ဘုရားအမျိုးက သာကီမျိုး" ပေါ့။ 'သကျသာကီ' မျိုးပေါ့။

သကျသာကီတွေကို "၀ိဋဋူဘမင်း" သတ်ခဲ့အခါမှာ တချို့'ထွက်ပြေး' ပြီးတော့ 'မြန်မာပြည်' ထဲ ရောက်လာတယ် "သမိုင်းကြောင်း" အယူအဆအရ...နောက်လူမျိုး နှစ်မျိုးသုံးမျိုးပေါင်းပြီးတော့ "မြန်မာ" တွေဖြစ်လာတယ်ပေါ့။ ဒါကြောင့် "မြန်မာအစ သာကီက" ပေါ့နော်။ အဲဒါကြောင့် "သာကီးမျိုးဟေ့ တို့ဗမာ" လို့ကြွေးကြော်ကြတာပါ။

ပြီးတော့ ထူးခြားတာကတော့ အဲဒီ "မြတ်စွာဘုရား" ရဲ့ "ကပိလ၀တ်ပြည်" ရှိတဲ့နေရာ။ အခု "နီပေါနိုင်ငံ" ထဲမှာဆို သာကီမျိုးတွေကျန်နေသေးတယ်။ အဲဒီ သာကီမျိုးတွေရဲ့ တချို့သော 'စကားလုံး' တွေကို "လေ့လာလို့ဆန်းစစ်" ကြည့်တဲ့အခါမှာ တို့မြန်မာတွေနဲ့ 'တစ်ထပ်တည်း' ဖြစ်နေတယ်။ အဲဒီ သာကီမျိုးတွေမှာလည်းပဲ သကျမျိုးတွေမှာလည်းပဲ "အဖေ" ကို 'အဓိက' ထားတယ်။ တို့မြန်မာတွေမှာ ကြည့်ပါလား။ အဖေပဲ အဓိကထားတာပဲ။ 'အမှုတစ်ခု' ဖြစ်ရင် အဘဘယ်သူ၊ အမိမထည့်ဘူး။ အဲဒီ အချက်ချင်းသွားတူတယ်။ နောက် 'တစ်၊ နှစ်၊ သုံး၊ လေး၊ ဂဏန်း' မှာ အတော်လေး သွားတူတာတွေ့ရတယ်။ နောက်တူတာတွေ အများကြီးပဲ။

အဲဒီတော့ အခုဝယ်လို့ ရနိုင်တဲ့စာအုပ်တစ်အုပ်ကို ညွှန်းလိုက်ပါ့မယ်။ "ဦးလှသိန်းထွဋ်" ရေးပါတယ်။ စာအုပ်နာမည်ကတော့ "ဗုဒ္ဓနှင့် မြန်မာလူမျိုး"။ ဗုဒ္ဓက မြန်မာလူမျိုးဖြစ်တဲ့အကြောင်း၊ မြန်မာဟာ ဘုရားအမျိုးဖြစ်တဲ့အကြောင်းကို "ကျမ်းဂန် အထောက်အထား သဘာဝ အထောက်အထားမျိုးစုံ" နဲ့ ရေးထားတဲ့စာအုပ်ဖြစ်တဲ့အတွက် မြန်မာတိုင်း *ဖတ်သင့်* ပါတယ်။ အရင်တုန်းကတော့ ဗုဒ္ဓသည် မြန်မာလူမျိုးလို့ကို ရေးတာ။ နောက်ပိုင်းကျမှ "ဗုဒ္ဓနှင့်" လို့ ဖြစ်သွားပါတယ်။

အဲဒါ ကိုယ့်ဟာကိုယ် စာအုပ်ဆိုင်မှာရှာပါ။
=====================================================

  'မေတ္တာရှင်(ရွှေပြည်သာ)' ရဲ့ 'အလုပ်ပေးဝိပဿနာ အမေးအဖြေများ' စာအုပ်မှ ထုတ်နှုတ်ရေးသားထားပါသည်။                                                                                           
Credit to > Dhamma Mingalar