မြန်မာသက္ကရာဇ် ၁၁၆၄-ခုနှစ်တွင် ဘိုးတော်ဘုရား(ခေါ်) ဗဒုံမင်းတရားသည် မင်းကွန်းစေတီတော်
တည်နေချိန်၌ မင်းကွန်းအလယ်ကျွန်းတွင် သွန်းလုပ်တော်မူခဲ့သည်။ သံချိန် (၁၁၃၆၈)ပိဿာ ရှိသော
စန္ဒာမုနိ ဘုရားရှင် ရုပ်ပွားတော်ကို ထုလုပ်ခဲ့တယ်လို့ မှတ်တမ်းမှာရေးပါတယ်။
လ၀န်းလို အသရေတော်ရှိလို့
စန္ဒာမုနိလို့ အမည်တွင်တယ်လို့ ဆိုပါသည်။
အဲဒီနောက် အမရပူရကို ပင့်ပြီး ပူဇော်ရာက ဘကြီးတော်ဘုရားလက်ထက် နန်းစိုက်ရာ အင်းဝကို ပင့်ပြီး
ရွှေဘိုမင်းလက်ထက်မှာ အမရပူရကို ပြန်ပင့်ခဲ့ပြန်ပါတယ်။
မြန်မာသက္ကရာဇ် ၁၂၂၉ မှာတော့ မင်းတုန်းမင်းကယာယီစံနေတဲ့ နန်းမြေဘုံသာ စံနန်းတော်ကိုဖျက်ပြီး ညီတော် အိမ်ရှေ့ ကနောင်မင်းသားနဲ့ သားတော်တွေရဲ့
အလောင်းတွေကို ဂူသွင်းပြီး ဂူနဲ့ ၂ တောင်အကွာမှာ စန္ဒာမုနိ ရုပ်ပွားတော် စေတီကိုတည်ခဲ့ပါတယ်။
စေတီကို စန္ဒာမုနိဘုရားလို့ ခေါ်ကြပါသည်။
မြန်မာသက္ကရာဇ် ၁၂၇၅ မှာ ရသေ့ကြီးဦးခန္တီ ဦးဆောင်ပြီး အဌကထာနဲ့ ဌီကာ ကျောက်စာဂူပေါင်း ၅၀၈ ဂူ။
ကျောက်စာချပ်ရေ ၁၅၂၄ ချပ်၊ ဓမ္မစေတီပေါင်း ၇၅၈ ကျောက်ချပ်ပေါင်း ၁၇၇၄ ချပ်နဲ့ ပူဇော်ထားခဲ့ပါသည်။
မင်းတုန်းမင်းလက်ထက် ဘုရားပွဲတော်စန္ဒာမုနိဘုရားပွဲတော်ကို သီတင်းကျွတ်လပြည့်ကျော်(၁)ရက်မှာ (၃)ရက်နေ့အထိ ပြုလုပ်လေ့ရှိသည်။
==============================
No comments:
Post a Comment