မြန်မာနိုင်ငံတွင်းသို့ ဗုဒ္ဓဘာသာ ရောက်ရှိပုံကို ရှေးဟောင်းသုတေသနနည်းဖြင့်
လေ့လာကြရာ၌ ပျူခေတ်ကပင် ဗုဒ္ဓဘာသာ ရောက်ရှိနေသည်ကို တွေ့ကြရသည်။
ဤတွင် မြန်မာနိုင်ငံတွင်းသို့ ၀င်ရောက်အခြေချသော လူမျိုးကြီးများကို
အကျဉ်းချုပ် လေ့လာဖို့ လိုလာပြန်သည်။ မြန်မာနိုင်ငံအတွင်း နီဂရစ်တုိ
အမျိုးအနွယ်များ အခြေချခဲ့ဖူးကြောင်း သမိုင်းသုတေသန အရ သိရပြီး ဖြစ်သည်။
ယင်းအနွယ်တို့ကို အရှေ့တောင်ပိုင်းဒေသ၌ မွန်တို့က ၀င်ရောက်
တိုက်ခိုက်သဖြင့် ပျက်စီးခဲ့ကြောင်းကိုလည်း အထက်က ဆိုခဲ့ပြီ။ ထိုစစ်ပွဲများ ဖြစ်ပွားချိန်မှာ ဘီစီ ၃-ရာစုခန့်က ဖြစ်ပေသည်။
ထိုအချိန်မှာပင် မြန်မာပြည် အလယ်ပိုင်းဒေသ၌လည်း နီဂရစ်တိုတို့ လက်မှ
နယ်မြေများကို ပျူလူမျိုးတို့က တိုက်ခိုက် သိမ်းပိုက်နေပြီဟု
ပြောနိုင်ပေသည်။ သို့ဖြစ်လျှင် ပျူလူမျိုးတို့သည် မည်သည့်ကာလ က
မြန်မာနိုင်ငံ တွင်းသို့ ၀င်ရောက်လာခဲ့ကြသနည်း။
ပျူလူမျိုးတို့သည် မြန်မာနိုင်ငံတွင်း၌ ဗိဿနိုးမြို့တော်ကို ၁-ရာစုတွင်
တည်ဆောက်ခဲ့ ကြသည်။ ထုိအချိန်တွင် ယဉ်ကျေးမှု အဆင့်လည်း မြင့်မားနေပြီ
ဖြစ်သည်။ ပျူတို့သည် ၁-ရာစု တွင် မြို့ပြနိုင်ငံကို
တည်ဆောက်နိုင်ခဲ့ကြသဖြင့် ထိုထက် စောသော ကာလကပင် မြန်မာ့မြေပေါ် သို့
ရောက်ရှိနေပြီဟု ပြောနိုင်သည်။ ပျူတို့ ၀င်ရောက်လာချိန်ကို ဘီစီ ၃-ရာစုဟု
ခန့်မှန်းနိုင်သည်။
ဤခန့်မှန်းချက်ကို ထောက်ခံနိုင်သော
အထောက်အထားများလည်း ရှိပါသည်။ ချင် မြို့စားကြီး၏ စစ်တပ်တို့သည်
ချိအင်လူမျိုးတို့ကို ဘီစီ ၃၅၀-တွင် အပြင်းအထန် တိုက်ခိုက်ခဲ့သည်။
ထိုအချိန်က လိုလိုအစုဝင်ဖြစ်သော ပျူလူမျိုးတို့သည် စစ်ဘေးအန္တရာယ်
ကင်းရာသို့ ထွက်ပြေး တိမ်းရှောင်ကြရသည်။
ထိုစစ်ပြေးဒုက္ခသည်တို့သည် ဒေသအသီးသီးသို့ ပြေးရှောင်ကြသည်။ ထိုအထဲတွင်
သံလွင်မြစ်ကြောင်းအတိုင်း လိုက်သူတို့သည် ယူနန်နယ် အနောက်ပိုင်း
ရောက်သောအခါ တပိန်၊ ရွှေလီမြစ်ကြောင်းအတိုင်း လိုက်၍ စုန်ဆင်းခဲ့ကြသည်။
သူတို့သည် မြန်မာပြည် မြေပြန့်ဒေသ၌ အခြေချနေကြသည်။ ထိုလူမျိုးစုသည် အေဒီ
၁-ရာစုတွင် ဗိဿနိုးမြို့တော်ကို ထူထောင်ခဲ့သည်ဟု ဆိုနိုင်ပေသည်။
အရှင်ဧသိက
အရှင်ခေမိန္ဒ တိပိဋကနိကာယကျောင်းတိုက်
No comments:
Post a Comment