ဗိဿနိုးကို တည်ထောင်သော ပျူတို့သည် လူမှုဆက်ဆံရေးတွင် သိမ်မွေ့သောသူများ
ဖြစ်ကြသည်။ ယဉ်ကျေးမှု အတတ်ပညာများကို အိန္ဒိယမှပင် ယူခဲ့သည်။ အများစု
ကိုးကွယ်သော ဘာသာမှာ ဗုဒ္ဓဘာသာ ဖြစ်သည်။ ဗုဒ္ဓဘာသာသည် အိန္ဒိယမှပင် တိုက်ရိုက်
ရရှိခဲ့သည်။ ဗိဿနိုးမြို့ဟောင်းကို တူးဖော်ရာတွင် သံဃသိရီ ဟူသော
အမှတ်အသားပါသည့် တံဆိပ်တစ်ခုကို တွေ့ရှ်ိကြရသည်။ ထိုအချက်ကို ထောက်၍
ဗိဿနိုးမြို့တော်၌ ဗုဒ္ဓဘာသာ ရဟန်းတော်များ သီတင်းသုံး၍ သာသနာပြုနေကြပြီဟု
ဆိုနိုင်ပေသည်။
ဗိဿနိုးသို့ ရောက်ရှိလာသော သာသနာမှာ အိန္ဒိယတောင်ပိုင်း အန္ဓရဒေသ၌
ထွန်းကားနေသော သာသနာမျိုး ဖြစ်သည်။ ယင်းသာသနာမှာ ရုပ်ပွားဆင်းတုကို
ကိုးကွယ်ခြင်း မပြုသော သာသနာဂိုဏ်း ဖြစ်သည်ဟု သုတေသီတို့က
ကောက်ချက်ချကြသည်။
အေဒီ ၄-ရာစုခန့်တွင်
အခြားပျူလူမျိုးတို့သည်လည်း မြို့ပြနိုင်ငံသစ်များကို ထူထောင်
အုပ်စိုးကြသည်။ ပြည်မြို့အနီး၌ သရေခေတ္တရာမြို့တော်၊ ကျောက်ဆည်ဒေသအနီး၌
မိုင်းမော
ဟု ခေါ်နေကြသော ပင်လယ်မြို့ဟောင်း၊ ရွှေဘိုဒေသ၌ ဟန်လင်းကြီးစသော မြို့ပြများမှာ သမိုင်းတွင် ထင်ရှားကြသည်။
အေဒီ ၅-ရာစုတွင် ဗိဿနိုးမြို့တော်သည် သရေခေတ္တရာပျူတို့က ၀င်ရောက် တုိက်ခိုက် သဖြင့် ပျက်သုဉ်းခဲ့ရလေသည်။
အရှင်ဧသိက
အရှင်ခေမိန္ဒ တိပိဋကနိကာယကျောင်းတိုက်
No comments:
Post a Comment