#‎ရွှေဆိုင်ကြီးများက‬ တရားဝင်ရောင်းနေတဲ့ ပေါင်မရ ရောင်းမရ ရွှေထည်များနှင့် လုပ်စားခံနေရသူများ#

မြန်မာနိုင်ငံတွင် ခိုင်မာသည့် ရင်းနှီးမြုပ်နှံမှု စီးပွားရေး ဈေးကွက် မရှိသည့်အတွက် ၂၀၁၅ ခုနှစ် အစောပိုင်းမှ စတင်ပြီး၊ ပြိုဆင်းလားသော အိမ်ခြံမြေဈေးကွက်ကြောင့် ရင်းနှီးမြုပ်နှံသူများ အနေဖြင့် နိုင်ငံခြားငွေကြေး ဒေါ်လာဈေးကွက် အတွင်းသို့ ၀င်ရောက် ရင်းနှီးမြုပ်နှံမှုများ ပြုလုပ်လာကြသည်။

ထိုသို့ ရင်းနှီးမြုပ်နှံမှုများကြောင့် ဒေါ်လာဈေးနှုန်းများ တရိပ်ရိပ် တက်လာခဲ့၍ အစိုးရ အနေဖြင့် ထိန်းချုပ်မှုများ ပြုလုပ်လာခဲ့သောကြောင့် ရင်းနှီးမြုပ်နှံသူများ အနေဖြင့် အခြားဈေးကွက် တစ်ခုဖြစ်သော ရွှေဈေးကွက်သို့ မြှားဦးလှည့်လာပြန်သည်။ ယင်းအတွက်ကြောင့် ရက်သတ္တပတ် နှစ်ပတ်ခန့် အတွင်း ရွှေတစ်ကျပ်သားလျှင် ငါးသောင်းခန့်အထိ ဈေးနှုန်းများ မြင့်တက်လာခဲ့သည်။
ဈေးတတ်လည်းရှုံး၊ ဈေးကျလည်း ရှုံး၊ ရွှေဆိုတာ အရှုံးပဲလား….
ရွှေစုဆောင်းသူများ အနေဖြင့်လည်း ရွှေစုဆောင်းရန် ၀ယ်ယူခြင်းများကြောင့် ရွှေဈေးများ တတ်လာခဲ့ချိန်တွင် အခြေခံ လူတန်းစား တစ်ချို့မှာ ယခင်စုဆောင်း ၀ယ်ယူထားသော ရွှေလေးများအား ထုခွဲရောင်းချဖြင်းဖြင့် အမြတ်ရလိုရငှား ပြန်လည် ရောင်းချခြင်းများ ရှိလာခဲ့သည်။
သို့သော် ယင်းကဲ့သို့ ပြန်လည်ရောင်းချရာတွင် ယခင်ဝယ်ယူထားသော ရွှေဆိုင်မှာ မူလဆိုင် နေရာတွင် မရှိတော့သဖြင့် နီးစပ်ရာ ရွှေဆိုင်များတွင် ၀င်ရောက် ရောင်းချခဲ့ရာမှ ပြဿနာပေါင်းစုံ စတင်လာခဲ့တော့သည်။
ရွှေများမှာ ရွှေရည်မပြည့်မှီခြင်းနှင့် အရောင်အဆင်း မွဲနေခြင်းများကြောင့် မည်သည့် ရွှေဆိုင်ကမျှ လက်ခံလိုခြင်း မရှိသလို ပေါင်နှံရာတွင်ပင် အပေါင်ဆိုင်မှ အဆမတန် ဈေးနှိမ်ခြင်းများကို ချိုးချိုးဖဲ့ဖဲ့ ခံလိုက်ရသောအခါ ရွှေဝယ်ခဲ့ မိသည်မှာ မှားနေပြီလားဟုပင် ထင်မြင်ဖွယ်ရာ ရှိနေသည်။ ယင်းတို့ကဲ့သို့ ရွှေဝယ်ယူသူများမှာ ငွေပိုလျှံ လွန်းနေ၍ မဟုတ်ပဲ ၀တ်လဲ ၀တ်ချင် စုချင်လဲ စုချင်၍ ၀ယ်ယူကြသူများဖြစ်ရာ ယင်းကဲ့သို့ ရွှေရည်ပါတယ်ဆိုရုံ ဖြစ်နေသော ရွှေထည် ပစ္စည်းများကြောင့် အရှုံးများစွာဖြင့် ရင်ဆိုင်ရသောအခါ တာဝန်ယူမှု ကင်းမဲ့နေသော ရွှေထည်များကို သိမ်း၍ ပြန်ရင်ပြန်၊ သို့မဟုတ်ပါက ရွှေဝယ်ယူချိန် ဈေးနှင့် အင်မတန် ကွာဟာနေသော ရွှေထည်များနှင့် ပတ်သက်ပြီး ကိုယ့်ကိုကိုယ်အပြစ် တင်ရုံမှလွဲ၍ မည်သို့မျှ တတ်နိုင်တော့မည် မဟုတ်ပေ။
အရည်အသွေး မပြည့်မီတဲ့ ရွှေဈေးကွက် ဘယ်ကစတာလဲ
မြန်မာနိုင်ငံ၏ ရွှေဈေးကွက် အတွင်းသို့ အရည်အသွေး မပြည့်မီသည့် ရွှေထည်ပစ္စည်းများ ပြုလုပ်ရောင်းချသော ဈေးကွက်မှာ လွန်ခဲ့သော ၈ နှစ်၊ ၂၀၀၇ ခုနှစ်ခန့်က စတင်လာခဲ့ခြင်းဖြစ်သည်။
ရွှေဆိုင်ဖွင့်လိုသူများ အနေဖြင့် မြန်မာနိုင်ငံ ရွှေလုပ်ငန်းရှင်များ အသင်း၏ ထောက်ခံချက် တစ်စုံတစ်ရာ မလိုအပ်တော့ဘဲ မြို့တော်စည်ပင်သာယာရေး ကော်မတီ၏ ခွင့်ပြုချက်ဖြင့် တရားဝင် ဖွင့်လှစ်ခွင့် ရရှိနေသောကြောင့် ယခုကဲ့သို့ အရည်အသွေး မပြည့်မီသည့် ရွှေထည် ပစ္စည်းများ ရောင်းချသော ဆိုင်များ များပြားလာခဲ့ခြင်း ဖြစ်သည်ဟု ရွှေလုပ်ငန်းရှင်များ အသင်းမှ တာဝန်ရှိသူ တစ်ဦးက ဆိုသည်။
ယင်းရွှေဆိုင်များ အနေဖြင့် အခြေခံ လူတန်းစား အများဆုံး နေထိုင်သည့် မြို့ဆင်ခြေဖုံး ရပ်ကွက်များနှင့် နယ်မြို့များတွင် အများဆုံး ဖွင့်လှစ်ပြီး အရောင်းအ၀ယ် ပြုလုပ်နေကြသည်ဟု ရွှေလုပ်ငန်းရှင် အသိုင်းအ၀ိုင်းများထံမှ သိရသည်။
ဈေးကနည်းနည်း ရွှေကကြီးကြီး
မြန်မာနိုင်ငံ ရွှေဈေးကွက် အနေဖြင့် အရောင်းအ၀ယ် ပြုလုပ်ရာတွင် (၁) အခေါက်ရွှေ (၁၆ ပဲ အကယ်ဒမီ)၊ (၂) ၁၄-၁၅ ပဲရည်၊ (၃) အရည်အသွေး မပြည့်မီသော ရွှေဟူ၍ သုံးမျိုးခန့်ဖြင့် ပြုလုပ်နေသည်ကို တွေ့ရသည်။
အခြေခံ လူတန်းစားများ ၀ယ်ယူစုဆောင်းသည့် ရွှေထည်ပစ္စည်းများမှာ ဈေးနှုန်းသက်သာပြီး၊ နီးစပ်ရာ ရွှေဆိုင်များမှ ၀ယ်ယူခြင်းဖြစ်သည့် အတွက် အရည်အသွေး မပြည့်မီသော ရွှေထည်ပစ္စည်း အမျိုးအစားများ အများဆုံး ဖြစ်နေသည်ကို တွေ့ရှိရသည်။
“အပိုငွေ လေးငါးခြောက်သောင်းနဲ့ ရွှေဝယ်ဝတ်တာပါ။ ရှိတန်ဆာ မရှိဝမ်းစာပေါ့။ လိုတဲ့အချိန်မှာ ထုတ်ရောင်းလို့ ရတယ်လေ။ သွားရတာလည်း မဝေးသလို ဈေးနှုန်းမှာလည်း မြို့ထဲက ဆိုင်ကြီးတွေထက် လျော့တယ်။ အဲဒီတော့ အနီးနားက ရွှေဆိုင်တွေမှာပဲ ၀ယ်ဖြစ်ပါတယ်”ဟု တောင်ဒဂုံ မြို့နယ်မှ ရွှေဝယ်ယူသည့် အမျိုးသား တစ်ဦးက ဆိုသည်။
“ပိုက်ဆံ လေးငါးသောင်းလောက်နဲ့ အဲလို ဆိုင်မျိုးတွေမှာ ရွှေထည်လုပ်လို့ရတယ်။ ကျွန်တော်တို့ဆီမှာဆိုရင် ခုနှစ်သောင်း ရှစ်သောင်းလောက်မှ ပစ္စည်းလုပ်လို့ ရမှာပါ။ ရွှေရည် မပြည့်မီတဲ့ အတွက် ပစ္စည်းကို လိုသလိုပုံသွင်းပြီး စိတ်ကြိုက်ပြုလုပ်လို့ရတယ်။ အဲဒီ အတွက် အခြေခံ လူတန်းစားများတဲ့ နေရာတွေမှာ အဆင်ပြေတယ်”ဟု ရန်ကုန်မြို့လယ်ခေါင်တွင် ရွှေဆိုင် ဖွင့်လှစ်ထားသည့် အမျိုးသား တစ်ဦးက ဆိုသည်။
အရည်သွေးမမီ ရွှေရည်ခြုံများနှင့် ဒုံး နှင့် အရှုံး
အရည်အသွေး မပြည့်မီသော ရွှေဆိုသည်မှာ ၁၄-၁၅ပဲရည် ရှိသည်ဟု အာမခံ ရောင်းချထား သော်လည်း ယင်းအရည်အသွေးအား ပြည့်မှီခြင်း မရှိသော ရွှေများကို ဆိုလိုခြင်းဖြစ်သည်။
“ကျွန်မတို့ဆီမှာ ရွှေနှစ်မျိုး ခွဲပြီးရောင်းချပါတယ်။ အောက်ထပ်မှာ ရောင်းတာက ၁၅ ပဲရည်တွေပါ။ အပေါ်မှာ ရောင်းတာက အပေါင်ဆုံးပေါ့နော်။ သူကတော့ ဒုံးလို့လည်း ခေါ်တယ်။ ရွှေရည်ကတော့ ၁၄ပဲ ၂ပြားလို့ ခေါ်တယ်။ အပေါ်မှာရောင်းတဲ့ ပစ္စည်းတွေက အပေါင်ဆုံး ရွှေတွေကို ပြန်ပြီးတော့ ပစ္စည်း ပြန်လုပ်ထားတာပါ။ ကျွန်မတို့ဆိုင်က ၀ယ်ထားတဲ့ရွှေကို ပြန်လာရောင်းရင် ၀ယ်ရင်းဈေးရဲ့ ၁၀ ရာခိုင်နှုန်းကိုနုတ်ပြီး ပြန်လည်ဝယ်ယူ ပေးပါတယ်။ ဘောင်ချာ ပျောက်သွားရင်တော့ လက်မခံပါဘူး”ဟု သင်္ဃန်းကျွန်းမြို့နယ် အတွင်းရှိ ရွှေဆိုင်တစ်ဆိုင်မှ ရွှေရောင်းသူ တစ်ဦးက ပြောသည်။
ရွှေလောက အခေါ်အဝေါ် ဒုံး ရွှေဆိုသည်မှာ နေရာဒေသ အသီးသီးတွင် ပြုလုပ်လာသော ရွှေထည် ပစ္စည်းများအား န၀လီ(သောင်းပြောင်းဝယ်သည့်) လက်ခံဝယ်ယူပြီး ရွှေထည် ပစ္စည်းများ ပြုလုပ်ကာ ပြန်လည်ရောင်းချသော ပစ္စည်းများဖြစ်ပြီး၊ ယင်း ပစ္စည်းများ အနေဖြင့် အာမခံချက် တစ်စုံတစ်ရာ မရှိဘဲ ယင်းပစ္စည်းများအား လိုအပ်၍ ပြန်လည် ရောင်းချမည် ဆိုပါက ၀ယ်ယူသည့် ဆိုင်တွင်သာ ပြန်လည်ရောင်းချနိုင်ပြီး၊ အခြားဆိုင်များတွင်မူ ရောင်းချရန် ခက်ခဲပေသည်။
“နယ်ကနေ ဆေးလာကုတာ ပိုက်ဆံလိုတယ်ဆိုပြီး ကျွန်တော့်ဆီကို ရွှေလာရောင်းတယ်။ ကျွန်တော်က မ၀ယ်ချင်ပါဘူး။ ဒါပေမယ့် ကျန်းမာရေးအတွက် လိုတယ်ဆိုတာနဲ့ ဈေးဖြတ်ပေးတယ်။ သူ့အနေနဲ့ကလည်း ၀ယ်ရင်းဈေးနဲ့ အတော်ကွာသွားလို့ မရောင်းဘူး။ ကျွန်တော့်မှာလည်း ဖြတ်ပေးတဲ့ ဈေးမှာတင် ရှုံးနေပါတယ်။ ရွှေရည်က ၁၀ပဲရည်လောက်ပဲ ရှိတယ်”ဟု ဦးထုံ ရွှေဆိုင်ပိုင်ရှင် ဦးကျော်ဝင်းက အရည်အသွေး မပြည့်မီသော ရွှေနှင့်ပတ်သက်၍ သူတွေ့ကြုံခဲ့ရသည်ကို ပြောသည်။
ယင်းကဲ့သို့ အာမခံချက် အနေဖြင့် ၀ယ်ယူသည့် ဘောင်ချာတစ်ရွက်သာရှိသည့် ရွှေလောကအခေါ် ဒုံးရွှေဝယ်ယူသည့် သူများအနေဖြင့် ၀ယ်ယူသည့် ပစ္စည်းအား ယင်းဆိုင်မှာပင် ပြန်လည်ရောင်းချရမည် ဖြစ်ပြီး အခြားဆိုင်များမှ လက်ခံဝယ်ယူမှု မရှိခြင်း၊ ပြန်လည် ရောင်းချရာတွင် ၁၀ရာခိုင်နှုန်း ဖြတ်ခြင်း၊ ရွှေဝယ်ယူချိန်တွင်လည်း အရည်အသွေး မမီသော ရွှေများအား အရည်အသွေး ပြည့်မီသည့် ၁၄-၁၅ ပဲရည် ဈေးနှုန်းအတိုင်း ၀ယ်ယူရခြင်း၊ ကာလသက်တမ်း တစ်နှစ်နီးပါး ရှိလာသည့်အချိန်တွင် မိမိ၏ အဆင်းတန်ဆာ အတွက် ၀တ်ဆင်သည့် ပစ္စည်းမှာ ကြေးရောင်များ ပေါ်ပေါက်ကာ ဂုဏ်ရှိန်မတင့်သည့် အနေအထားမျိုး ကြုံတွေ့ရခြင်း ၀ယ်ယူထားသည့် ဘောင်ချာ ပျောက်ဆုံးသွားပါက မူရင်းဆိုင်မှ လက်မခံတော့သဖြင့် သောင်းပြောင်း ၀ယ်ယူသည့် ဆိုင်များတွင် ၀ယ်ယူသည့် ပေါက်ဈေးထက် သုံးချိုးတစ်ချိုးခန့်ဖြင့်သာ ပြန်လည် ရောင်းချရခြင်း စသည့်အချက်များ ဆုံးရှုံးနစ်နာလျက်ရှိသည်။
ရွှေတော့ရွှေပါပဲ...ဆိုတဲ့ တရားဝင်လိမ်တဲ့ ရွှေ ဈေးကွက်
“ရောင်းတာကတော့ ၁၄ ပဲ၊ ၁၅ ပဲ ပြောပြီးရောင်းတာပဲ။ ရွှေပါဝင်မှုက ၁၀ ပဲ၊ ၁၁ ပဲ လောက်ပဲရှိတယ်။ တချို့ဆိုရင် ၉ပဲရည်လောက်နဲ့ လုပ်တဲ့ဆိုင်တွေတောင်ရှိတယ်”ဟု နဂါးညီနောင် ရွှေဆိုင်မှ ရွှေရောင်းအ၀ယ် ပြုလုပ်သူ ကိုသီဟစိုးမှ ပြောသည်။
ထိုသို့ ရွှေရည်နည်းပါးစွာ ပြုလုပ်ရောင်းချနေသော်လည်း ၀ယ်ယူသူများ အနေဖြင့် မသိရှိရခြင်းမှာ နည်းပညာများ မြင့်မားလာသည့် အတွက် ထိုကဲ့သို့ အရည်အသွေးနိမ့် ရွှေထည်များအား ဆေးရည် အသုံးပြုပြီး၊ အကယ်ဒမီရွှေကဲ့သို့ ပုံစံတူ ရွှေရောင်နည်းပါး ပြုလုပ်ရောင်းချနေခြင်းကြောင့် ဖြစ်သည်ဟုလည်း သိရသည်။
“အရင်တုန်းက နည်းပညာ သိပ်မမြင့်တဲ့အတွက် အရည်အသွေးနိမ့်တဲ့ ရွှေတွေကို အရောင် တင်ရင် နှစ်လလောက်ပဲခံတော့ ၀ယ်တဲ့သူတွေ အနေနဲ့ အချိန်တို အတွင်း သိရတယ်။ တစ်ချို့ရွှေ အကြောင်း နားလည်တဲ့ ၀ယ်ယူသူဆိုရင် ချက်ခြင်းသိတယ်။ အခု နည်းပညာ မြင့်လာတဲ့အတွက် ရွှေကို အရောင်တင်ထားရင် နှစ်နှစ်လောက်ခံတယ်။ ၀ယ်ယူသူတွေ ချက်ခြင်းလည်း သတိမထားမိဘူး။ ရောင်းတဲ့ ဆိုင်ကတော့ နှစ်နှစ်အတွင်းမှာ ကြီးပွားချမ်းသာသွားတယ်။ ၀ယ်တဲ့ပြည်သူတွေပဲ အများကြီး ဆုံးရှုံးနစ်နာရတာ”ဟု နှစ်ပေါင်းများစွာ ဆယ်စုနှစ်ကျော် ရွှေအရောင်းအ၀ယ် ပြုလုပ်နေသူ တစ်ဦးက ရှင်းပြသည်။
“သူတို့ကတော့ ၁၅ ပဲရည်ဆိုပြီး ရောင်းပေမယ့် တကယ်တမ်း သူတို့ လုပ်ပေးလိုက်တဲ့ရွှေက ၁၀ပဲရည်လောက်ပဲ ရှိတယ်။ အဲဒီမှာတင် ၅ ပဲလောက် မြတ်နေပြီ။ ပိုဆိုးတာက နှစ်နှစ်လောက် ရောင်းပြီးသွားရင် ဆိုင်နာမည်ကို မေတ္တာကနေ သစ္စာလို့ ပြောင်းလိုက်တယ်။ ပိုင်ရှင်က မပြောင်းဘူး။ ၀န်ထမ်းတွေ ပြောင်းလိုက်တယ်။ အဲဒီတော့ အရင်သူ့ဆိုင်က ၀ယ်ထားတဲ့ ရွှေထည်ကိုလာ ရောင်းရင် လက်မခံတော့ဘူး။ အဲဒီတော့ ၀ယ်သူတွေပဲ နစ်နာရတာပေါ့”ဟု မြန်မာနိုင်ငံရွှေ လုပ်ငန်းရှင်များ အသင်း ဥက္ကဋ္ဌက ဆိုသည်။
ရွှေထည်ဝတ်ဆင်သူများ အတွက် ပြဿနာများ ပေါ်ပေါက်လာပါက တိုင်ကြားရန် အဖွဲ့အစည်း မရှိသည့်အပြင် မတရားနည်းဖြင့် လုပ်ကိုင်နေပါက အရေးယူမည့် ဥပဒေမှာလည်း ပြဌာန်းထားခြင်း မရှိသေးသည့် အတွက် ရွှေရည်လျှော့၍ လိမ်လည် ရောင်းချသည့် ရွှေဆိုင်များ ပေါ်ပေါက်လာပြီး ယင်းဆိုင်များ အနေဖြင့် တရားမ၀င်သည့် လုပ်ရပ် ဆောင်ရွက်နေသော်လည်း တရားဝင်သည့် လုပ်ငန်းမျိုး ဖြစ်နေသည်ဟုလည်း ရွှေလုပ်ငန်းရှင်များက မှတ်ချက်ပြုကြသည်။
ဘယ်လိုထိန်းချုပ်မလဲ
“ရှန်ဟဲတို့ ဟောင်ကောင်တို့မှာ ရောင်းတဲ့ရွှေဆိုင်တွေကို သူတို့ နိုင်ငံက အသိအမှတ်ပြု လက်မှတ် ထုတ်ပေးမှ ရောင်းခွင့်ရှိတယ်။ လက်မှတ်မရှိဘူးဆိုရင် တရားမ၀င်ဘူး လိမ်တာလို့ပဲ သတ်မှတ်ထားတယ်။ ဒီမှာက ကုန်အမှတ်တံဆိပ် တန်ဖိုးကို သတ်မှတ်ပေးတာမျိုး မရှိဘူး။ ၀ယ်ယူသူတွေကလည်း ကုန်အမှတ်တံဆိပ် တန်ဖိုးကို နာလည်မှု သိပ်မရှိသေးဘူး”ဟု ရွှေကုန်သည် တစ်ဦးမှ ပြောသည်။
မြန်မာနိုင်ငံ အနေဖြင့် ဈေးကွက်အတွင်းတွင် အမျိုးမျိုး ရောင်းချနေသော ရွှေဆိုင်များ၊ ရွှေရည်မမီသော ရွှေထည်ပစ္စည်းများ ရောင်းချခြင်းများ တားမြစ်နိုင်ရန်နှင့် နိုင်ငံတကာ အဆင့်အတန်း တစ်ခုသတ်မှတ်နိုင်ရန် အတွက် သိပ္ပံနှင့်နည်းပညာ ၀န်ကြီးဌာနနှင့် မြန်မာနိုင်ငံ ရွှေလုပ်ငန်းရှင်များ အသင်းတို့ ဆွေးနွေးလျက်ရှိသော်လည်း ရွှေလုပ်ငန်းရှင်များ အသင်းထဲမှာပင် အရည်အသွေး မပြည့်မီသော ရွှေထည် ပစ္စည်းများ ရောင်းချနေသည့် ပုဂ္ဂိုလ်များ ပါဝင်နေသဖြင့် ဆွေးနွေးမှု ကြန့်ကြာနေသည်ဟုလည်း ရွှေလုပ်ငန်းရှင်များ အသိုင်းအ၀ိုင်းမှ သိရသည်။
ထိန်းချုပ်ပေးမည့် ကြားခံအဖွဲ့ လိုနေပြီ
“တစ်ချို့မြို့ထဲက ရွှေဆိုင်ကြီးတွေတောင် ဆိုင်တွေပိတ်ပြီး၊ မြို့ပြင်မှာ အရည်အသွေးနိမ့် ရွှေထည်တွေ လုပ်ပြီးတော့ ရောင်းချတာမျိုးတွေတောင် ရှိလာပါတယ်။ ဘာလို့လည်းဆိုတော့ သူက အမြတ်ပိုများတယ်။ ဒီထက်ကောင်းတဲ့ အလုပ်မရှိတော့ဘူး။ မြို့ထဲမှာက အမြတ် နည်းနည် ကျန်ဖို့တောင် တော်တော်လေး အာပေါက်အောင် ပြောရပါတယ်”ဟု မြို့ထဲတွင် ရွှေ ဆိုင်ဖွင့်ထားသော ရွှေဆိုင်ပိုင်ရှင် တစ်ဦးမှ ပြောသည်။
ယခုဖြစ်ပေါ်နေသော အရည်သွေး မပြည့်မီသည့် ရွှေထည် ပစ္စည်းဈေးကွက်အား ထိန်းချုပ် အရေးယူနိုင်သည့် အဖွဲ့အစည်း ဖွဲ့စည်းနိုင်ခြင်း မရှိပါက အာဆီယံ စီးပွားရေး အသိုက်အ၀န်း အသက်ဝင်ချိန်တွင် ပြည်ပနိုင်ငံများမှ အရည်သွေး မပြည့်မီသော ရွှေထည် ပစ္စည်းများ ၀င်ရောက် ရောင်းချမှုများ ပြုလုပ်လာနိုင်သည်ဟုလည်း ဦးကျော်ဝင်းကဆိုသည်။
“ပြည်ပကနေ အရည်သွေး နိမ့်တဲ့ ရွှေထည်တွေ တင်သွင်းလာပြီး ပြည်တွင်းမှာ ရောင်းချသွားရင် ပြည်တွင်းကသူတွေ အများကြီး နစ်နာတယ်။ သူတို့က တစ်ခါလာပြီး ငွေတွေသယ်သွားမှာ။ အဲဒါကို ထိန်းချုပ်ပေးမယ့် အဖွဲ့စည်း တစ်ခုကတော့ ရှိဖို့လိုတယ်”ဟု ၄င်းက ဆိုသည်။
ယခုဖြစ်ပေါ်နေသော အခြေအနေအရ ရွှေဝယ်ယူ စုဆောင်းသူများ အနေဖြင့် ၁၄-၁၅ ပဲရည် အဆင့်ရှိ ရွှေထည်ပစ္စည်းများ ၀ယ်ယူရာတွင် အရှုံးပေါ်နေသည့်အပြင် ယခုကဲ့သို့ ရွှေရည် အရည်အသွေး မပြည့်မီသည့် ပစ္စည်းများ ရောင်းချနေခြင်းကြောင့် အောက်ခြေအဆင့် ပြည်သူများအတွက် များစွာနစ်နာနေသည့် အပေါ် အသေးအမွှားကဲ့သို့ သဘောမထားပဲ သက်ဆိုင်ရာ တာဝန်ရှိသူများ၊ နိုင်ငံတော် တာဝန်ရှိသူများ အနေဖြင့် ယင်းဈေးကွက်အား အမြန်ဆုံး ထိန်းချုပ်ပေးရန် လိုအပ်နေပြီ ဖြစ်ကြောင် ရေးသားတင်ပြလိုက်ရပါသည်။
Credit- ကွန်းဇော်၊ Kမိုး