ဘိုကာရှီ လုပ်ကြမယ် (အပိုင်း ၂) ဘိုကာရှီပုံးပြုလုပ်ပုံ

ဘိုကာရှီဆိုတာ ဂျပန်စကားဖြစ်ပြီး အချည်ဖေါက်တဲ့နည်းနဲ့ Organic ဇီဝပစ္စည်းတွေကို အမြန်ဆွေးမြေ့စေပြီး မြေသြဇာအဖြစ်ပြောင်းလဲပေးတဲ့ လုပ်ငန်းစဉ်ဖြစ်ပါတယ်။ ဇီဝပစ္စည်းဆိုတာ သက်ရှိတဲ့ သတ္တဝါ၊ သစ်ပင်နှင့် ၎င်းတို့နှင့် ပြုလုပ်ထားတဲ့ အရာတွေဖြစ်ပါတယ်။ ပလပ်စတစ်၊ သံသတ္တုတွေက Organic မဟုတ်ပါ။ ဒါကြောင့် ၎င်းတို့ကို ဘိုကာရှီနည်းနဲ့ ဆွေးမြေ့အောင် လုပ်လို့်မရပါဘူး။ ဇီဝပစ္စည်းများသည် မြေကြီးထဲတွင် သဘာဝအတိုင်း ဆွေးမြေ့ကြသော်လည်း လနှင့် နှစ်နှင့်ချီကာ ကြာမြင့်ပါသည်။ ဘိုကာရှီနည်းဖြင့် ပြုလုပ်ပါက ၁ လခွဲ ၂ လအတွင်းမှာ ဆွေးမြေ့သွားခြင်းဖြစ်ပါသည်။
ဘိုကာရှီမြေဆွေး ပြုလုပ်ရသည့် ရည်ရွယ်ချက်က ၅ဝ% က အမှိုက်ပမာဏ လျှော့ချရန်နှင့် ၅ဝ% သည် မြေသြဇာအဖြစ် အသုံးပြုရန် ဖြစ်သောကြောင့် လူတိုင်းလုပ်သင့်သော အလုပ်ဖြစ်ပါသည်။
ဘိုကာရှီဖွဲကြမ်းလုပ်နည်းမှာ သုံးတဲ့ EM (Effective Micro-organism) အရည်ဆိုတာ အကျိုးပြု အနုဇီဝပိုးတွေပါဝင်တဲ့ အရည်ဖြစ်ပါတယ်။ ( အခုအပိုင်းက ဘိုကာရှီပုံးအကြောင်း ရေးတာဖြစ်ခြင်းကြောင့် EM အကြောင်း နောက်မှ သိသလောက် ရှင်းပြပါ့မယ်။)
၂။ ဘိုကာရှီပုံးဆိုတာ ဘာလဲ၊ ဘယ်လိုလုပ်မလဲ
ဘိုကာရှီပုံးသည် လေလုံသည့်ပုံး ဖြစ်ရမည်။ ပုံးအတွင်း အချဉ်ဖေါက်သည့်လုပ်ငန်းစဉ် Fermentation Process ဖြစ်ပွားနေစဉ်အတွင်း Bokashi Juice ဘိုကာရှီဖျော်ရည်ဟု အမည်ပေးထားသောအရည် ထွက်သည့်အတွက် ဖွင့်ထုတ်နိုင်ရန် အောက်တွင် ဘုံဘိုင်ခေါင်းတစ်ခုပါရမည်။ ထည့်ထားသော အမှိုက်များအောက်ကျပြီး အရည်နှင့်မရောစေရန် ထိမ်းထားမည့် ဇကာလည်းပါရှိရမည်။ မိမိကိုယ်တိုင်ပြုလုပ်ရန် မခက်သော အရာဖြစ်ပါသည်။ ပုံမှာကြည့်ပါက အောက်ခြေမှာ ဘုံဘိုင်ခေါင်းတပ်ထားတယ်။ ဇကာအောက်မှာ တစ်ခုခုတပ်ထားပြီး ဇကာကို ဘုံဘိုင်အပေါက်အထက်မှာ ရှိနေအောင် စီမံထားတာဖြစ်ပါတယ်။
၅ ဂါလံဝင် သုတ်ဆေးပုံးအဟောင်းတစ်ခုနှင့် လွယ်ကူစွာ ပြုလုပ်နိုင်ပါတယ်။ ဇကာကိုလည်း အခုလို အလူမီနီယံနဲ့ လုပ်စရာမလိုပါ။ ပလပ်စတစ်ပြားအထူ တစ်ခုနှင့်လည်း ပြုလုပ်နိုင်ပါတယ်။ ဇကာကို အပေါက်အထက်မှာ ရှိနေအောင် အောက်မှာ ကျောက်စရစ်ခဲလေး ၄ - ၅ ခုခံထားလိုက်လို့ ရပါတယ်။ အကယ်၍ အဖုံးက တင်းကြပ်စွာ ဖုံးလို့မရသည့် အဖုံးဆိုပါကလည်း ပုံးအဝကို ကျွတ်ကျွတ်အိတ် ၂ ထပ်လောက်ဖြင့် အုပ်ပြီးမှ အဖုံးဖုံး၊ အပေါ်က အုတ်နီခဲလို အလေးတစ်ခုခုဖြင့် ဖုံးပြီး လေလုံအောင် စီမံနိုင်သည်။
နောက်တစ်နည်းက ပုံး၂ပုံး သုံးသောနည်းဖြစ်သည်။ ပုံးအကြီးအောက်ခြေမှာ ဘုံဘိုင်တပ်၊ အသေးအောက်ခြေမှာ ဘိုကာရှီဖျော်ရည်ထွက်နိုင်အောင် အပေါက်ဖေါက်၊ ပုံးအကြီးထဲ ကျောက်စရစ်ခဲ တွေထည့်၊ ပြီးတော့ အောက်ခြေအပေါက်ဖေါက်ထားတဲ့ ပုံးအသေးကို အကြီးထဲထည့်၊ အမှိုက်နဲ့ ဘိုကာရှီဖွဲကြမ်းကို ပုံးအသေးထဲထည့်၊ အဖုံးဖုံး၊ ပြီးယင်ပုံးကြီးအဝကို ကျွတ်ကျွတ်အိတ် ၂ ထပ် ၃ ထပ်ဖြင့်အုပ်၊ အဖုံးဖုံး၊ အပေါ်မှာ အလွယ်တကူမပွင့်နိုင်အောင် အုတ်နီခဲလို အလေးတစ်ခုခုတင်ထား။
ဘိုကာရှီပုံးကို တစ်နေ့ ၂ ခါ ၃ ခါခန့်ဖွင့်ကာ အမှိုက်ထည့်နိုင်သည်။ ပြဿနာမရှိပါ။ ပုံးပြည့်သည်အထိ နေ့စဉ်ထည့်ပြီး၊ ပြည့်သောအခါ မဖွင့်ပဲ ၂ ပါတ်ထားရမှာ ဖြစ်ပါတယ်။ အတွင်းက ဖိအားများလာပြီး ပွင့်ထွက်လာခြင်းမျိုး မရှိပါ။ လေလုံသည့်အတွက် အနံ့မထွက်ပဲ ပါတ်ဝန်းကျင်ကို အနှောက်အယှက်မဖြစ်ပါ။
အိမ်သုံးအတွက် ပုံးသည် ၅ ရက် - တစ်ပါတ်ခန့်ထည့်ပြီး ပြည့်သည့်အရွယ်ဖြစ်သင့်သည်။ ပြည့်လျှင် ၂ ပါတ်ထားရမည့်ဖြစ်သောကြောင့် ပထမပုံး ပြည့်ပြီး စောင့်နေစဉ်အတွင်း ဒုတိယ၊ တတိယပုံး စသည်ဖြင့် သုံးရမည်ဖြစ်သောကြောင့် ၄ ပုံးခန့် ရှိသင့်ပါသည်။
စားသောက်ဆိုင်လို အမှိုက်ထွက်များသော နေရာများအတွက် ဂါလံ ၅ဝ ဆန့်သော အပြာရောင် ပလပ်စတစ် ပီပါကြီးများဖြင့်ပြုလုပ်သင့်ပါသည်။ မိမိတစ်နေ့တာ ပစ်သောအမှိုက်နှင့် ၂ ပါတ်စောင့်ရမည့် အချိန်ပေါ်မူတည်ပြီး ပုံးအရေအတွက် မည်မျှရှိရမည်နည်း ဆုံးဖြတ်နိုင်ပါသည်။
၅ ဂါလံ သုတ်ဆေးပုံးဟောင်းဖြင့်ပြုလုပ်ထားသော ဘိုကာရှီပုံး တစ်ပုံးလျှင် ကျပ် ၇,ဝဝဝ ဖြင့် ပြုလုပ်ရောင်းချပေးနိုင်ပါသည်။ ရန်ကုန်မြို့တွင်း အရောက်ပို့ပေးမည်။ နယ်ကိုပို့ခပေါင်းပေးရမည်ဖြစ်သည်။
မိမိသည် ဘိုကာရှီနည်းပညာ တတ်နိုင်သမျှ ဝေငှခြင်းသာဖြစ်သည်။ ပစ္စည်းရောင်းတာမဟုတ်ပါ။ သုံးစွဲလိုသူများ အလွယ်တကူ အဆင်သင့် သုံးနိုင်ရန်ရည်ရွယ်၍သာ ဈေးနှုန်းများ ပြောပြရခြင်း ဖြစ်ပါသည်။
အပိုင်း (၃) တွင် အမှိုက်ထည့်ပုံ ထည့်နည်း အပိုင်း (၄) တွင် မြေကြီးတွင်းထည့်နည်း စသည်ဖြင့် ဆက်လက်တင်ပြသွားပါမည်။ အလုပ်မအားသောကြောင့် တခါတည်း အပြီးမတင်နိုင်သည်ကို နားလည်ပေးကြပါရန်။
လေးစားလျက်
ကိုအေးကျော်ကျော်